الحمد لله جبت التو 2008 تكييف

**meedoo** · 05-04-2008 08:09 PM

السلام عليكم شروط التقسيط بالنسبه لموظفى الحكومه مفردات المرتب للمشترى و الضامن و6صور بطاقه و ايصال نور/تليفون/غاز و على فكره لساكنى مدينه نصر بنك ناصر فرع الحى السابع المعامله فيه اكثر من ممتازه و الموظفين بيخدموك كانك جايب واسطه من مدير البنك

**Ayman_Abdullah** · 06-04-2008 12:01 AM

هو مفيش تقسيط من بتك ناصر للى شغالين فى القطاع الخاص ؟؟؟؟؟؟

**mo7amed_omara** · 07-04-2008 12:23 AM

السلام عليكم يا ميدو انا من اسكندرية و حجزت واحدة بس لسة حستلم فى شهر 6 قوولى كدة انت جبتها منين؟؟ و بكام؟؟ انا حجزت التو 800 سىسى

**mo7amed_omara** · 07-04-2008 12:24 AM

و نسيت اقولك 1000 مبروك يا باشا

**tamtam** · 10-04-2008 10:56 AM

الف مبروووووك
انا كمان ناوية اجيب التو بس كنت عايزة اسأل سؤال:
انا بسافر حوالى 80 كم يوميا و تقريبا نص الطريق بيتعمل فيه ترميمات فالسفر ممكن ياخد حوالى ساعتين. فهل الافضل اجيب التو 800 سى سى ام 1100 سى سى؟
شكرا

**bassemali** · 10-04-2008 02:32 PM

طبعا يفضل 1100 أو 1300 يا تام تام

**medogoda** · 11-04-2008 09:10 AM

السلام عليكم مبروك عليك العربية بجد روبنا يبارلك كنت عاوز اسال سؤال هل العربية بيها باور ؟ وياتري التكييف متحمل علي ايه لانه مش من المعقول انه يكون متحمل علي الموتور ؟

**meedoo** · 11-04-2008 07:31 PM

السياره 800cc , وملائمه للسفر و المسافات الطويله و هى من مودرن موتورز الوكيل المعتمد ب45900 بالتكييف كاش و الموديل الاعلى 49900 به تكيييف و باور و سنتر وزجاج كهربائى امامى

**flower** · 29-04-2008 01:28 AM

السلام عليكم،،
أولا مبروك على العربية ،،، و ربنا يباركلك فيها،،
أنا بقى عايزة أسأل عن سعر الألتو الجديدة ، وتقسيط ولا كاش،
وحكاية الاكصدامات اللي بلون العربية دي عبارة عن ايه؟ الفبر الأسود اللي تحت الكابوت وتحت النمر؟؟ ولا أنهي بالظبط؟؟
و التكييف ،، ايه نظامه؟؟ شغال كويس؟ ولا بيأثر على موتور العربية من ناحية انها 800 cc بس؟؟
أنا سمعت ان التكييف على موتور تاني وبالتالي مش بيأثر في أي حاجة؟
و ياترى بتسخن ولا لأ؟؟

أتمنى تكون عندك سعة صدر للرد على استفساراتي الكثيرة نسبيا، واسفة على الإطالة،
وشكرا جزيلا مقدما،،

**Ayman_Abdullah** · 30-04-2008 11:42 AM

لو سمحت يا أستاذ ميدو ممكن update تقييم عن حالة العربية من جميع النواحى (التكييف -الثبات-السخونة-الموتور-الصاج-أسعار قطع الغيار إن أمكن) لإن فى ناس كتير بتفكر فى العربية دى
شكرا مقدما