الف مبروك ربنا يديك خيرها و يكفيك شرها
عرض للطباعة
الف مبروك ربنا يديك خيرها و يكفيك شرها
ميدو انت فينك رد على الاسئلة عايز اعرف اخر تطورات العربية اية
السلام عليكم انا اسف للتاخير فى الرد و لكن اطمنكم انا عملت 2600 كم و السياره زى الفل تكييف جميل و مابيحملش على الموتور بتجيب 120كم و التكييف شغال و ثابته على الارض و مافيش اى عيوب فى السياره غير انها ضيقه شويه من جوه
السلام عليكم
احب اشكركم كلكوا على الافاده اللى بتقدموها من خلال استعراض تجاربكم يمكن تكون دى اول مشاركه ليا فى الموقع كله بس بجد لما لقيت ان الحديث بينكم مفيد للدرجه دى قلت انى هستفيد كتير من الكلام معاكوا والمثل بيقول اسال مجرب ولا تسال طبيب انا حمد وبتطلع انى اجيب عربيه عشان المواصلات صعبه عليا انا ومراتى اوى بس المشكله انى هجبها قسط لان مش معايا للكاش المهم انا ممكن ادفع مقدم 15 او 20% فى ماروتى او التو بس بصراحه فى حاجه مش عارف حد هنا هيقدر يفدنى فيها ولا لا هى انى عايز ابعد عن شبهة الربا والبنوك فهل حد يعرف طريقه مضمونه شرعيه عشان اشترى بيها ماروتى او التو تقسيط واسف للاطاله
الاخ ميدو لو سمحت عايز اعرف هو البنك اشترى العربيه وبعدين بعهالك ولا اتكتبت باسمك على طول يعنى ادولك الفلوس .يعنى العربيه اتكتبت باسم البنك وبعدين البنك بعهالك ولا ايه بالظبط ؟ مهم الرد لو سمحت وكما الاجراءات خدت معاك اد ايه وقت والقسط بتدفعوا ازاى بتحول المرتب ولا بتدفعوا بنفسك ؟ وبالنسبه للقسط ليه يوم معين متتاخرش عنه يعنى فى فترة سماح لسداد القسط ؟ معلش تقلت عليك بس انت اكيد عارف الحيره دى وجربتها .وربنا يبركلك فى العربيه ويسترها معاك ان شاء الله.
الف الف مبروك و إن شاء الله ربنا يباركلك فيها
الأخ سويت هارت ... بالنسبة لموضوع التقسيط الأسلامى فى موضوع هنا فى المنتدى عنه والموضوع كبير .. ممكن تلاقيه فى قسم البيع والشراء ... ولو عايز الخلاصة عندك الشركة العالمية للتجارة دى تبع مجموعة عبداللطيف جميل وكيل ديهاتسو عندهم تقسييط اسلامى بس متهيالى مافيش عندهم سوزوكى ... هما عندهم ديهاتسو ..سبيرانزا .. هيونداى ... دايو ...اقتباس:
السلام عليكم
احب اشكركم كلكوا على الافاده اللى بتقدموها من خلال استعراض تجاربكم يمكن تكون دى اول مشاركه ليا فى الموقع كله بس بجد لما لقيت ان الحديث بينكم مفيد للدرجه دى قلت انى هستفيد كتير من الكلام معاكوا والمثل بيقول اسال مجرب ولا تسال طبيب انا حمد وبتطلع انى اجيب عربيه عشان المواصلات صعبه عليا انا ومراتى اوى بس المشكله انى هجبها قسط لان مش معايا للكاش المهم انا ممكن ادفع مقدم 15 او 20% فى ماروتى او التو بس بصراحه فى حاجه مش عارف حد هنا هيقدر يفدنى فيها ولا لا هى انى عايز ابعد عن شبهة الربا والبنوك فهل حد يعرف طريقه مضمونه شرعيه عشان اشترى بيها ماروتى او التو تقسيط واسف للاطاله
العربيات موجودة عندهم ويملكونها ومافيش اى بنود ربوية ..
السعر بقة 50000 للمكيف 800 سى سى والعادى اللى بيقولوا عليها هاف ب 45000 من غير تكييف و800 سى سى اما 1100 سى سى ب56000 وشكرا على الموضوع الجميل ده ولو قسط هتضيف 1000 جم تأمين
الاخ ows 212 شكرا على الرد .بس اعتقد انى مش هقدر على قسط العربيات دى لانهم بتهيالى اغلى كتير بالنسبالى من ماروتى .بس شكرا لمجهودك واهتمامك بالرد .
لو استاذ ميدو يقدر يقول لى بنك ناصر طبق ازاى الموضوع ده يبقى مشكور لان انا عندى امل ان بنك ناصؤ ممكن يقوم بيها بشكل اسلامى وبصراحه لو مش صح هيبقى noway انى اجيبها لانى خايف من حتت الحرام عشان دى عربيه على طريق .وشكرا
الف الفين مبروك ربنا يسترها معاك ويكفيك شرها باذن الله
تعييش ودوب يا مان