الحقووونى يا سوباريه غسلت عربيتى من تحت الموتور اتخربط و ماشيه 3 سلندر و بتطلع دخنه

السلام عليكم

غسلت عربيتى من تحت فى البنزينه و جيت ادورها لاقيت الموتور متلت و ماشى 3 سلندر بس و لما بدوس بنزين بتطلع صووت عالى اوى و غربيب من ناحيه الفلتر و بتطلع دخنه بيضا من الشكمان. انا فى ورطه يا اخوه و راكن العربيه تحت البيت و مش عارف اعمل ايه حد يقولى على ميكانكى بيفهم فى السوبارو و محدش بقولى التوكيل او عايد.....

انا قريت عن الموضوع عرفت ان ممكن يكون حساسات عندى باظت
شيكت على حساس الكرنك لاقيته سليم و عاوز اشيك على حساس الكامه بس مش لاقيه فين بالظبط

هل دا مشكله كنترول كهربا ؟؟ ولا مشكله ان ممكن رشاش يكون اتسد لان لما بشيل فيشه الرشاش رقم 3 العربيه مش حاسه بيه

انا سمعت ان الكنترول ممكن يتعمل له ريسيت ..... افيديييونى يا جمااعه

انا راكن االعربيه تحت االبيت و مش عارف اعمل ايه

فك كابل البطاريه وحطه تاني وبكده تكون عملت ريستارت للكونترول يونت .واتاكد ان السلندر اللي مابيشتغلش ده واصله كهربا لما ترفع سلكه وتلمسه في جسم الموتور ..

اقتباس:

---

المشاركة الأصلية كتبت بواسطة hellboy

فك كابل البطاريه وحطه تاني وبكده تكون عملت ريستارت للكونترول يونت .واتاكد ان السلندر اللي مابيشتغلش ده واصله كهربا لما ترفع سلكه وتلمسه في جسم الموتور ..

---

تمام و برده شوف كابلات البوجيهات و اكشف على البوجيهات.. بس نصيحة روح التوكيل خاصا فى مشاكل الموتور

اقتباس:

---

المشاركة الأصلية كتبت بواسطة eslamsubaru

تمام و برده شوف كابلات البوجيهات و اكشف على البوجيهات.. بس نصيحة روح التوكيل خاصا فى مشاكل الموتور

---

اقتباس:

---

المشاركة الأصلية كتبت بواسطة hellboy

فك كابل البطاريه وحطه تاني وبكده تكون عملت ريستارت للكونترول يونت .واتاكد ان السلندر اللي مابيشتغلش ده واصله كهربا لما ترفع سلكه وتلمسه في جسم الموتور ..

---

الكبلات سليمه غيرتها كمان جديده و فى كهربا بتوصل للبوجيهات كويس و غيرت البوجيهات
مع التجاارب الكتتتتتتير اكتشفت ان فى سلندر قااطع مش بيشتغل و انا شاكك فى الرشاش انه مسدود او قااطع..... بس انا جربت الكهربا بتاعته شغال و قارى كويس واضح انه مسدوود و مش بيدى بنزين للسلندر عشان كدا قااطع انا هروح لواحد يفك الرشاش و يحطه على الجاز و ينظقه
انا فكيت كبلات البطاريه و لا جديد

انا لما بشيل كابل البوجيه بتاع السلدنر الموتور مش بيتغير فيه حاجه :8954[1]:

طالما متأكد ان البوجيه شغال يبقى مبقاش غير الرشاش. و طالما متأكد ان الرشاش واصله كهرباء يبقى مفيش غير انه مسدود و كده يبقى مفيش علاقه بين العطل و موضوع الغسيل. عموما جرب تحط الرشاش على الالترا سونيك و كمان ممكن تغير مكان الرشاشات و تشوف السلندر هيشتغل لا لأ

طب انت مش عايز تروح لعايد ده ليه ؟؟
وهل تعرف حد بتاع رشاشات كويس لان عندي الرشاشات بتسيل (البنزين بيطلع ني على خفيف كده ) ومش واثق في حد يعملي الموضوع ده

اقتباس:

---

المشاركة الأصلية كتبت بواسطة khalid_adel

طب انت مش عايز تروح لعايد ده ليه ؟؟
وهل تعرف حد بتاع رشاشات كويس لان عندي الرشاشات بتسيل (البنزين بيطلع ني على خفيف كده ) ومش واثق في حد يعملي الموضوع ده

---

ايوا فى واحد اسمه نبيل فى المعادى صقر قريش استاذ و رئيس قسم و نظفت عنده قبل كدا و زى الفل و ان شاء الله رايح له بكره

ربنا يسهل وتتحل مشكلتك

العربيه طلع فيها جوااااااااااااااااااااااا ااااااااااااااااااااان وش سلندر:120146b

حد يدلنى اجيبه منين و اجيب سير الكاتينه منين ...

لو لاقيت الموضوع فيه خرط الوش عشان الميكانيكى قالى كدا احتمال هجيب بلوكه بوش .. ايه رايكم يا جماعه

العربيه موديل كام ياباشا

تسلم ياباشا
ومعلش على اللي حصلك وربنا معاك معلش مش عارف افيدك بس ان شاء الله الاعضاء يدلوك على الخير ليك
معلش تاني انا اسف بس نبيل ده فين في صقر قريش او جنب ايه واسم شهرته او محله ايه عشان لما اسأل عليه

اقتباس:

---

المشاركة الأصلية كتبت بواسطة rompo10

العربيه موديل كام ياباشا

---

موديل 1998 اوتوماتك

اقتباس:

---

المشاركة الأصلية كتبت بواسطة khalid_adel

تسلم ياباشا
ومعلش على اللي حصلك وربنا معاك معلش مش عارف افيدك بس ان شاء الله الاعضاء يدلوك على الخير ليك
معلش تاني انا اسف بس نبيل ده فين في صقر قريش او جنب ايه واسم شهرته او محله ايه عشان لما اسأل عليه

---

تسلم حبيبى

رديت عليك على الخاص

ربنا يخليك يا باشا معلش انا مسافر دلوقتي وحرجع الاحد الجاي ان شاء الله
اول ما ارجع حاكلمك عشان لو كده اعدي عليه تاني يوم على طول
وتسلم ياباشا على المساعده

يااه مشاركتك والله طلع وشهها حلو وبقيت عضو فضي تاني زي زمان قبل الباك بك اللي حصل
انا متفائل خير ان شاء الله

اقتباس:

---

المشاركة الأصلية كتبت بواسطة khalid_adel

يااه مشاركتك والله طلع وشهها حلو وبقيت عضو فضي تاني زي زمان قبل الباك بك اللي حصل
انا متفائل خير ان شاء الله

---

تسلم و جزاك الله خير و مبروك على العضويه الفضيه ... نبيل لما شيك على سير الكاتينه قالى انه خربان و حالته حاله و فوت التقسيمه و قالى احتمال كبير يكون العيب من تقسيمه الكتينه و قالى هاتلى واحده... و انا مش عارف اجيب السير دا منيييين بقى:O_stupid[1]:

بسبب اهمالى فى تغير سير الكاتينه السير فوت و عوجت لى صباب و هيا كانت سبب كل مشكله الموتوور... خلى بالكم يا جماعه محدش يطول على سير الكاتينه و الله المستعان :120146b
حد يقولى اجيب سير الكاتينه و جوان وش السلندر منين ولا اجيب بلوكه بوش احسن؟؟؟ دلوونى يا جماعه الخير و الخبره

u would find it at ayed n herfyeen but its better if u get it from aboughally

its better to install original parts in critical places like this

السير هتلاقيه في التوكيل... بس خلي بالك... هتحتاج تغير معاه تقريبا بليتين و ترس و شداد و متصدقش اي حد يقولك غير السير بس و البلي كويس
الصباب ممكن يتعدل. متأكد انك هتحتاج جوان وش سلندر؟ انا فاكر انه صاج و مش بيحتاج يتغير.

فعلااا هتغير لازم البلى والترس والشداد

انا اعرف ان الواحد يتاكد ان السير تمام يحاول يجرب يشده بايده لبره كده صح ؟

لا... سير الكاتينه مفيهوش هزار. لازم يتغير حسب مواصفات الصانع و معاه البلي و الشدادات و في بعض العربيات معاه طرمبة الميه (لانها بتكون كأنها بليه).

السير ممكن يكون مشدود و مع ذلك محتاج يتغير.

في الامبريزا عندنا تغيير السير و البلي و الشداد بيكون على 90000 كم. في الكتالوج اكتر من كده (100000 أو 120000 مش فاكر بالضبط)

العربيييييييييييييييييييي ييييه خللللللللصت و بقت زى الفل الحمد لله و الفضل لله اولا ثم نبيل الميكانيكى

حوار العربيه كالاتى :

انا نسيت سير الكاتينه لغايه ما شققو حصله ارتخااء ... المهم لما روحت اغسل العربيه الواد جاب على السير مايه فا باظ اكتر و ارتخى و تقسيمه الكامه اختلفت و بالتالى عوجت لى 4 صباب.. طيب هتقولولى ايه نظام قطع الغيار و بكام و عملت ايه ؟؟؟ اقولكم

طقم سيور من عند واحد متخصص سيور فى التوفيقيه مش عارف اسمه عشان اخويا الى اشتراهم
سير الكاتينه ب 175
بقيه السيور ب 50 تقريبا
الخراط الى ظبط الصبابات و الوش 120 ج
جوان وش السلندر ب 60 ج
مصنعيه 250
ملحوظه: نبيل عنده جهاز تنظيف الرشاشات و جهاز كشف اعطال بالكمبيوتر و بصراحه كفائه
ملحوظه تانيه : انا ركبت بوجيهات ان جى كيه عاديه و كنت مركب الارديام و بصراحه فييييه فرررررررررررررررررررق كبيييييييييييييييييييير فى السسسسسسسسسسسحب الله اكبر ... شكلى هجيب اريديام تانى

واضح انك مغيرتش البلي و الشداد و كده ممكن تندم.

كمان فرق البوجيهات مش ممكن يعمل فرق السحب الجامد ده. انت متأكد ان العربيه ركبلها جوان وش سلندر واحد بس؟!

اقتباس:

---

المشاركة الأصلية كتبت بواسطة ahmed hassan

واضح انك مغيرتش البلي و الشداد و كده ممكن تندم.

كمان فرق البوجيهات مش ممكن يعمل فرق السحب الجامد ده. انت متأكد ان العربيه ركبلها جوان وش سلندر واحد بس؟!

---

منا مغيرتهمش فعلا و ندمت هههههههههههههههههههههه عشان سير التكييف اتقطع ...
هوا الجوان بتفرق فى السحب؟؟؟؟

مش عارف و الله ركب كام جوان... طب المفروض كام جوان يركب؟.؟
العربيه معايا حاسس ان سحبها قل عن الاول فى الكيك داون بالاخص مش بتنتع كدا زى الاول.. هل دا جوان ولا حريق بيجوهات؟؟؟؟

بس التكييف ملوش بليه تتغير... اللي بتغير بليته الدينامو مع الشداد و بليه و ترس. لو كان مركبلك جوانين فوق بعض على وش السلندر هيضعفلك سحب العربيه و هيقلل نسبة الانضغاط.

اقتباس:

---

المشاركة الأصلية كتبت بواسطة ahmed hassan

بس التكييف ملوش بليه تتغير... اللي بتغير بليته الدينامو مع الشداد و بليه و ترس. لو كان مركبلك جوانين فوق بعض على وش السلندر هيضعفلك سحب العربيه و هيقلل نسبة الانضغاط.

---

الشداد عندى على سير التكييف بس...هوا دا الى قفش و قطع السير و انا ماشى ....هساله هوا ركب كام جوان و ارد عليك