الموضوع: خلوا بالكم من نصب التجار وغشهم والصنايعيه وربنا يستر علينا جميعا

السلام عليكم
النهارده كنت حابب احكيلكم تجربتي المريرة مع السيارات المستعمله والسوق المصري السيئ فى تعاملاته علما باننا شعب مسلم المفروض إنه بيخاف من الله تعالى (( المفروض ))
لقد وقعت تحت طائلة غش (( مكاتب السيارات والتجار -- الصنايعية كمان اللى المفروض انهم تبعي بيشوفولى حالة العربيات اللى بشتريها ))
اياكم والآتى اخوانى واعزائي :-
لو اضطريت تتعامل مع مكتب سيارات
1- لا تدفع عمولة المكتب الا بعد تخليص العربية تماما واطمئنانك لها تماما من جميع النواحى( حيث انك لو اردت ترجعها هينصبوا عليك فى عمولتك وعمولة البائع كمان او الشارى حسب وضعك فى العملية )
2- التحقق تماما تماما تماما من شخصية وامانة وكفاءة الصنايعي اللى هتجيبه لانه ممكن حاجه من اتنين يا مش فاهم اوى او مش ذو كفاءة عالية او للاسف غشاش وممكن يلعب عليك مع الطرف الاخر والله اعلم فلازم تاخد حذرك تماما (( آآآمن ولا تخون )
3- حتىلو اطمئنيت للعربية وكله تمام بالنسبة ليك متكتبش شرط جزائي فى العقد الابتدائي ولو اضطريت لهذا مثلا اكتب شرط 500 ج فقط او 250 ج افضل على حسب مقدرتك فى الاشتراط على البائع سواء اهالى او تجار
4- كلمة ( بما يرضي الله ) و ( بامانة ربنا ) و ( انتوا ناس محترمه ) اعتقد هذه كلمات لابد ان لا تقال من شفاه ناس لا تعرف معنى هذه الحروف الغاليه والذين يحملون بداخلهم كل معانى الغش والاستغلال وسف فلوس الناس ونهب كل اللى يقابلهم تحت غطاء ( بما يرضي الله ) والله تعالى بريئ منهم و رسوله (ص) من غشنا فليس منا
5- للاسف كان لازم اصلى صلاة استخارة ولكنى انشغلت بهموم الدنيا وكان حقا عليا ان اقبل خسارتى واطلب من الله تعالى العفو والسماح والرضا
آسف للاطاله ولكن حبيت انورلك الصورة لانى محبش ان اى حد منكم يقع وقعاتى دى ويكون حذر من كل هذا من غش وطمع وجشع الناس بجميع اشكالهم وطوائفهم
وكل هذا لوجه الله تعالى اسال الله القبول والهداية والرشاد

توكل علي الله الاول وقول دعاء دخول السوق بعد كده ويفضل يكون حد معاك ولو كنت لوحدك يفضل انك تركب في الكرسي اللي ورا . واركن العربه وسعر بعد كده يعني خد لك جوله كده وشوف الحالات ايه . والاسعار . و ماهم شيئ ما تستعجلشي في البيع . ولاحظ ان المشتري لازم يطلع لك في العربيه القطط الفطانه يعني هيمسك لك علي الواحده فخد بالك من مبدا الفصال وما تقولشي نهائي كذا يعني خلي في اخد وعطا في الكلام .........................منــــــــــ� �ــــــــــــــــــذر