السلام عليكم :
بعد اذن الجميع كنت عايز اخد رايكم فى البونتو ال 2003 والجوليت 2000 يا ترى ايهما افضل من حيث الثبات وقطع الغيار وتوفير البنزين وهكذا ......
ارجو انى مكنتش ضايقتكم وياريت الاقى رد
عرض للطباعة
السلام عليكم :
بعد اذن الجميع كنت عايز اخد رايكم فى البونتو ال 2003 والجوليت 2000 يا ترى ايهما افضل من حيث الثبات وقطع الغيار وتوفير البنزين وهكذا ......
ارجو انى مكنتش ضايقتكم وياريت الاقى رد
وعليكم السلام ورحمة الله وبركاته
البونتو عربية كويسة جدا
اثبت من الجولييت -بتوفر بنزيين عنها بكتير -قطع غيارها اغلى من الجولييت بس فى المعقول
وفيها السيتى باور ودة تحفة فى الركنات والزحمة
الجولييت قطع غيارها اكثر انتشارا -جراية وبتحب السرعة وتجميعها احلى من البونتو
وتعرف تبيعها بسهولة
ونصيحتى خليك فى البونتو او حاول تشوف بيجو 206
تحفة
عن تجربة العربيتين البونتو ك مجمل أحسن ب كتير بس الجوليت فوق المية سحبها أحسن شوية من البونتو و قطع غيرها ارخص من البونتو شوية وأي حاجة تانية البونتو أحسن
+111
غير ان موتور الجولييت 1500 والبونتو 1300 مفيش مقارنة اصلا... البونتو تتفوق فى كل حاجة
وعلى فكرة: باعتبار العمر الأفتراضى الأطول فى الفيات وكمان فرق 3 سنين فى الموديل... يبقى كده فرق الموتور يتلاشى..!!!!!
يكفى ان دى عربية هاتشباك مبنية على شاسيه مخصوص بتاعها..
مش :POINTIy2[2]: "شبه عربية" اللى هى اللانوس وقطعوا شنطتها واعتبروها هاتش..؟؟؟!!! اى كلام فى اى كلام...!!!
العربيتين ممتازين
و الناس اللي بتقول الفيات أحسن .......
في المقارنة ........... الفيات مش أحسن
أنا شايف أن الأثنين كويسين جدا .
الدايو كفاءة و بتعيش ....... زي البونتو و يمكن فيها مميزات عن البونتو
موتور أقوى ...... أوسع ....... قطع غيارها منتشرة أكتر لأشتراكها في قطع غيار اللانوس .
الثبات زي بعض ................ البونتو عربية عادية لغاية 110 ثباتها كويس أو معقول زيها زي اللانوس .
في الحالة الخاصة بمقارنة حضرتك
الأفضل حالة هو اللي تشتريه .
انا بقول جوليت عشان اوسع وماتورها اقوي قطع غيارها رخيصة وبالهبل
بعدين المواتير الصغيرة مع الوقت بتتهلك جامد وكل شوية طلعلك مشكلة
خليك في الجوليت اضمن
هى العكس على فكرة...: بيبقى شاسيه هاتش ويتبنى عليه سيدان...!
هفترض انك بتسأل عادى...
البيكانتو مبنية على شاسيه الجيتز (مش i10) علشان كده stability+handling احسن من i10 ... مع انى مبحبش الكورى بس العربية دى عجبتنى لما سوقتها..
btw ده مش احترافية من كيا-هيونداى...؟؟؟؟ لأن الجيتز اكبر...!!!
الصنعة انك تعدل شاسيه عربية صغيرة ليناسب عربية اكبر وليس العكس.. وتحافظ على نفس الثبات والهاندلينج...كعادة الصناع الأوروبيين
فرق الموتور مش هيبقى كبير لفرق الموديل+ارتفاع اعتمادية موتور الفيات مقارنة باللانوس
ياباشا ده موتور الأفيو (اعتقد هو هو 1.5 sohc) بيكركر وهو زيرو...!!! كفاءة فين بقى فى عربية كورى عمرها 10 سنين
طبعا فيات مبتعملش اى كلام... ولا عمرها... ههههههههههه..:colsmil:
ال platform بيبقى modular فى تصميمه من الأساس..
وفيه حاجة فى الصناعة اسمها know how, ازاى تعمل stretched form من الشاسيه... علشان كده بقولك مش اى حد...!!
واقولك عربيات كتير اتعملت على Fiat-GM platform بتاع الجراند:
كورسا,ميريفيا, كومبو (من اوبل) ولينيا, فيورينو, ميتو, كوبو, دوبلو (من فيات والفا)
بص العربيات دى فئاتها واشكالها واحجامها واستخداماتها مختلفة اد ايه... وانت تعرف الأبداع فين.... مش ف كوريا طبعا)
وهتروح بعيد ليه... كل العربيات دى على شاسيه الجولف:
A3, ليون, Eos, اوكتافيا, جيتا (ده غير نسخ الأستيت والكومبى والبلس..ووو. للصبح
والباسات لحد قريب بردو وبعدين غيرت لشاسيه A6 تقريبا...؟؟
هو ده ال Modular Chassis مش بتاع اللانوس...!!!! :8954[1]:
بغض النظر عن باقي المعلومات اللي تشكر عليها و اللي انا شخصياً مش شايف فيها احترافية او غيره...
انا عايز افهم المقصود بالجملة دي ..اقتباس:
هفترض انك بتسأل عادى...