بخار مياه من الشبكة الامامية

**ah-gawad** · 31-12-2010 02:35 AM

عندي ملاحظه غريبة شوية في العربية و هو ان انا بعد ما امشي بالسيارة بحوالي نص ساعة بس يكون الصبح بدري و انا واقف في اشارة علي السلانسيه الاقي مرة واحده زي شوية بخار مياه خارج من عند الشبكة الامامية و بعدين الموضوع ينتهي تماما و لما افتح الكبوت مش بلاحظ اي حاجة مش طبيعية حتي لما بكبس بنزين برضه كله عادي . يا ريت لو حد يقدر يفيدني سبب الموضوع الغريب ده ممكن يكون ايه و شكرا

**tarek_2005** · 31-12-2010 04:27 AM

دا طبيهي لان الردياتير بكون وصل لدرجة حرارته العالية وفي الصباح الباكر بتكون نسبة الرطوبة عالية في الجو فيحدث تبخير لقطرات الماء الي جت علي الردايتير اثناء مشيك وعند الوقوف تتبخر هذه القطرات وتصدر هذا البخار

**tarek_2005** · 31-12-2010 04:39 AM

العضو ماقلش ان المياه بتنقص عنده وقال ان كل شيء طبيعي
علشان كده استبعدت ثقب الردياتير

**ah-gawad** · 31-12-2010 10:22 PM

و الله يا جماعة انا فعلا مستغرب من الموضوع ده بس هو انا عندي المياه بتقل شوية بس مش كتير و علي فترات هو ان شاء الله انا هكبس دورة التبريد و اشوف ايه الاخبار بيتهيالي ان لو فيه خرم هيظهر . بس اللي انا اعرفه ان لو فيه خرم في الرادياتير هيجيب مياه تحت العربية لما تقف . ربنا يسهل و موضوع كبس دورة التبريد يوضح الموضوع و يا ريت لو حد عنده افكار اخري يقولها لي و شكرا

**Adham** · 31-12-2010 10:48 PM

يوم اجازتك انزل بدري و دور العربية تسخن و انزل افتح الكبوت و ركز مع الردياتير شوف المياة اللي بتتبخر دي جت منين

**m.farouk** · 02-01-2011 01:45 AM

هتلقى خرم رفيع جدا فى الرادياتير ومش هيبان غير الصبح بدرى او لم تكون جى من مشوار كبير وبتجرى افتح الكابوت وبص علية هتلقى البخار بيطلهع من حتة فى الرادياتير وبعد كده بيختفى لم يقل الضغط