رجاء من كل ملاك الصينى وخاصة اسبرانزا a113

السلام عليكم

انا كنت كتبت الموضوع ده فى العام بس لاحظت هجوم على الصينى لمجرد الهجوم دلوقت حبيت اسأل اهل الخبرة اللى جربوا العربيات الصينى وتعاملوا معاها لفترة

انا عارفة ان الصينى مش صناعة صينيه ده مجرد تجميع لاجزاء من عربيات تانيه زى ميتسوبيشى او تيوتا او كده وشايفه ان الصينى فيه امكانيات كتير وبسعر معقول

فبصراحه فكرت اجيب لاختى عربية وانطرحت عليا اسبرانزا a113 وهى شكلا عاجبانى بس مجربتهاش واتقالى انها كويسه جدا وسعرها معقول

فانا عاوزة ان كل مالك لعربية صينى يدخل يقول نوع عربيته وجابها بكام وعامل بيها كام كيلو وايه اخبارها معاه وملاحظاته عليها عشان كلنا نستفاد ومنهاجمش حاجة من غير خلفية كويسه

ياريت تساعدونى لانى الناس خوفونى جدا من الصينى

وميرسى ليكوا اوى

هو لازم صيني ماتجيب لانوس أو فيرنا

مش لازم صينى بس انا بوازن مابين حدود مادية معينة يعنى انا عاوزة حاجة فى التلاتينات لو هجيب لانوس او دايو جولييت هتكون مستعملة

اما الفيرنا فانا غير مقتنعه بيها بالمرة

وفى نفس الفئة السعرية هجيب حاجة صينى زيرو زى اسبرانزا a113 وطبعا كمقارنة بين زيرو ومستعمل الزيرو يكسب خاصة ان اختى مبتعرفش تتصرف اوى

معلش زويدي شوية و جيبي لانوس أو فيرنا علشان دول حيعيشو أكتر من الصيني العربية ب ٥٠٬٠٠٠ صح ؟؟؟ مش هتيجي على ١٣٬٠٠٠ زيادة و تجيبي اللانوس زيرو

فيه بردو السوزوكي الالتو حوالي ٥٠٬٠٠٠

طيب ايه وجه الاعتراض القوى ده عالصينى ماهى تقفيل صينى بس انما قطعها قطع عربيات تانية وشايفة انها شغالة كويس اوى فى مصر وانتشرت بسرعة رهيبة

شكلك اصلا مقتنعه بالعربية
ورغم تحذير الاعضاء لك بس انتي مصممة وبردوا عرضوا عليكي بدائل وانتي مصممة علي الصيني


يبقي خلاص اشتريها

كلمة اخيرة
تقفيل اي عربية مهم جدا جدا
عندك النيسان الصني التقفيل المصري مش زي النيسان الصني التقفيل الياباني بمعني ان التقفيل مهم اوي في العربية ومش معني ان اجزائها صناعات يبانية ومجرد التقفيل الصيني هو المشكلة تبقي العربية حلوة


نصيحة لوجه الله بلاش تشتري اي حاجة صيني - ماعدا الولاعات طبعا :)

اقتباس:

---

شكلك اصلا مقتنعه بالعربية
ورغم تحذير الاعضاء لك بس انتي مصممة وبردوا عرضوا عليكي بدائل وانتي مصممة علي الصيني

---

على فكرة انا لا مقتنعة ولا حاجة انا بسأل مش اكتر وعندى بدائل للعربية دى كتير انا بتناقش معاكوا وحابة اعرف العيوب اظن دى حاجة عادية وللا ايه!!!

طبعا طبعا عادية جدا كمان
بس بلاش تجيبي عربية صيني لمجرد انها زيرو
ممكن بنفس الفلوس تجيبي لانوس 2004 مثلا وتكون حالتها ممتازة صدقيني مش حتشتكي منها خالص
وربنا يوفقك لما فيه الخير

اقتباس:

---

المشاركة الأصلية كتبت بواسطة shooter123

طبعا طبعا عادية جدا كمان
بس بلاش تجيبي عربية صيني لمجرد انها زيرو
ممكن بنفس الفلوس تجيبي لانوس 2004 مثلا وتكون حالتها ممتازة صدقيني مش حتشتكي منها خالص
وربنا يوفقك لما فيه الخير

---

+١ هو ده الكلام و شوفي فيه كام لانوس موديل ٩٩ أو ٢٠٠٠ لسة ماشيين في الشارع > علشان ديه عربية معمرة و قطع غيارها بملاليم .. لو انتي عندك بدائل للصيني جبيهوم أحسن والله هتندمي

على فكرة الحاج أبو الفتوح لسه متغرم ٥٠٬٠٠٠ علشان عربية اسبرانزا كان فيها عيوب تصنيع و هو رفض يرجع أو يصلح العربية للراجل

وماازل البعض يهاجم السيارت الصينيه حتى ظننت انها اسرائيليه
اولا انا معايا اسبرانزا 516 من سنه العربيه عامله 15000 كيلو وزى الفل لاتقلقى توكل على الله فهو حسبك مهى الفيرنا هندى مش كورى وانا والله معايا فيرنا واسبرانزا والفيرنا 2007 بس بدون مميزات ولكن الاسبرانزا مليانه اوبشن صحيح هى ناشفه شويه فى المطبات بس ماهى كل عفشه رياضيه ناشفه قطع غيرها والحمد لله متوفرة وربنا ما يحوجنى ليها وكل العربيات فى المنتدى فيها عيوب و السلام عليكم ورحمة الله وبركاته

اقتباس:

---

المشاركة الأصلية كتبت بواسطة rzk

وماازل البعض يهاجم السيارت الصينيه حتى ظننت انها اسرائيليه
اولا انا معايا اسبرانزا 516 من سنه العربيه عامله 15000 كيلو وزى الفل لاتقلقى توكل على الله فهو حسبك مهى الفيرنا هندى مش كورى وانا والله معايا فيرنا واسبرانزا والفيرنا 2007 بس بدون مميزات ولكن الاسبرانزا مليانه اوبشن صحيح هى ناشفه شويه فى المطبات بس ماهى كل عفشه رياضيه ناشفه قطع غيرها والحمد لله متوفرة وربنا ما يحوجنى ليها وكل العربيات فى المنتدى فيها عيوب و السلام عليكم ورحمة الله وبركاته

---

فيرنا هندي ازاي يعني هي كوري تقفيل مصري يا باشا و بعدين من امتى الواحد بيختار الابشون قبل الجودة .. يا باشا الاسبرانزا تقفيلها مش حلو زي مثلاً التيجو الباب لازم يترزع و ال ٦٢٠ عندها مشاكل في الفتيس الأوتوماتيك و شوف كمية العربيات البايظة .. ديه عربية مش فانوس رمضان نلعب بيه شوية و بعدين نرميه

اقتباس:

---

فيرنا هندي ازاي يعني هي كوري تقفيل مصري يا باشا و بعدين من امتى الواحد بيختار الابشون قبل الجودة .. يا باشا الاسبرانزا تقفيلها مش حلو زي مثلاً التيجو الباب لازم يترزع و ال ٦٢٠ عندها مشاكل في الفتيس الأوتوماتيك و شوف كمية العربيات البايظة .. ديه عربية مش فانوس رمضان نلعب بيه شوية و بعدين نرميه

---

اوك كلامك صح بس الفيرنا اساسا مش كويسة بالمرة موتورها قوى عليها وثباتها فى الضياع وفراملها مش حلوة بصراحة عمرى ماافكر اشترى فيرنا لاختى خاصة انى عندى لانسر كريستالة والعربية بسم الله ماشاء الله عليها ثباتها جميل والفيرنا بالنسبة لها ولا شئ

ثم انا لا مع الصينى ولا بهاجمه الصينى صناعة زى اى صناعة فيه عيوب ومميزات بنحاول نكتشفها مع بعض عشان يبقى عندنا صورة شاملة عنه ونقدر نحدد اذا كان فعلا يستاهل نصرف فلوسنا فيه وللا لا

عشان كده باخد الاراء من اصحاب السيارات الصينية نفسهم لانهم هم اكثر خبرة منا بعربياتهم

اقتباس:

---

المشاركة الأصلية كتبت بواسطة rerii

اوك كلامك صح بس الفيرنا اساسا مش كويسة بالمرة موتورها قوى عليها وثباتها فى الضياع وفراملها مش حلوة بصراحة عمرى ماافكر اشترى فيرنا لاختى خاصة انى عندى لانسر كريستالة والعربية بسم الله ماشاء الله عليها ثباتها جميل والفيرنا بالنسبة لها ولا شئ

ثم انا لا مع الصينى ولا بهاجمه الصينى صناعة زى اى صناعة فيه عيوب ومميزات بنحاول نكتشفها مع بعض عشان يبقى عندنا صورة شاملة عنه ونقدر نحدد اذا كان فعلا يستاهل نصرف فلوسنا فيه وللا لا

عشان كده باخد الاراء من اصحاب السيارات الصينية نفسهم لانهم هم اكثر خبرة منهم بعربياتهم

---

أنا عارف إن الفيرنا مش حلوة علشان كدة أنا قلت لانوس بس لو هنقارن يبقى الفيرنا أحسن من الاسبرانزا .. على فكرة إعادة بيع الصيني في الضياع

انا اعلم ان ردى لن يلاقى ترحيب من الكثير وسوف يتعرض لهجوم ولاكن لك فى النهاية الاختيار ومن حكم تجربتى على مدى 8 شهور لسيارتى وهى ليفان 620 اقول وبكل ثقة السيارة لا تفرق عن الكورى بل ثابته عن الهيونداى كثيرا وذات عزم كبير وامكانيات كثيرة ولقد جربت من قبل الهيونداى الاكسل وما يميز الاكسل عن اليفان فقط العفشه انعم وصوت الموتور اهدأ .. ولم تواجهنى مشاكل مع السيارة الا صفارة التيل وعضة الفتيس وعدم خبرة فنيين التوكيل فى علاج تلك المشاكل لاكن بعد مقابلة المسئولين عن التوكيل وجدت منهم تعاون وتفاهم واهتمام كبير وتم تغيير بعض الفنيين وعلاج المشاكل فى السيارة حيث تم تغيير طقم الدبرياج بالكامل مجانا والان السيارة انا راضى عنها تماما.. ولقد فكرت جديا فى شراء ليفان مينى لابنتى وقمت بسؤال ملاك تلك السيارة فى التوكيل عن كل شىء وخصوصا اذا كان لديهم اى تعليق عن السيارة حتى ولو بسيط .. والحقيقة كلهم اجمعوا عن الرضا التام لتلك السيارة وفى رأى المتواضع انها مناسبة جدا للبنات وتشبه تلك السيارة كثيرا المينى كوبر ولقد سئلت عن سعرها وهو 55000جم

بلاش هجوم على الصينى الصين مابتصنعش الا البودى فقط
من راى الصينى عربية محترمة وفيها اوبشن عالى
والاهم من ده ان سعره متواضع لان الناس واخدة فكرة
عن العربيات الصينى مثل الاجهزة الصينى العربيات حاجة تانية
خالص الصين بتجمع فقط انا مثلا املك عربية جيلى فروتة
العربية دى خفيفة وجميلة شكلا وبها موتور يابانى وهو موتور
شارد وقطع غيارها متوفرة وعربية جميلة جدا جدا وعمرها ما قلت
باصلها العربية معايا بقالها سنة المهم ده كله حسب استعمال العربية
وكل رجل بتختلف عن اخرى

اقتباس:

---

المشاركة الأصلية كتبت بواسطة Rerii

اوك كلامك صح بس الفيرنا اساسا مش كويسة بالمرة موتورها قوى عليها وثباتها فى الضياع وفراملها مش حلوة بصراحة عمرى ماافكر اشترى فيرنا لاختى خاصة انى عندى لانسر كريستالة والعربية بسم الله ماشاء الله عليها ثباتها جميل والفيرنا بالنسبة لها ولا شئ

ثم انا لا مع الصينى ولا بهاجمه الصينى صناعة زى اى صناعة فيه عيوب ومميزات بنحاول نكتشفها مع بعض عشان يبقى عندنا صورة شاملة عنه ونقدر نحدد اذا كان فعلا يستاهل نصرف فلوسنا فيه وللا لا

عشان كده باخد الاراء من اصحاب السيارات الصينية نفسهم لانهم هم اكثر خبرة منا بعربياتهم

---

:11:
مش عارف لية معظم اللي معاهم لانسر كريستالة بيهاجموا الفيرنا كده .. كأن الفيرنا فئة الـsubcompact و اللانسر فئة الـfull size luxury sedan و هما في الآخر مبنيين على شاسيه واحد و حجم الجنط مثلاً واحد 13" بينما يوجد إختلاف في نظام التعليق ...
اه في فرق في الثبات لصالح اللانسر بس مش اللي يخليني اسيب عربية زيرو و اكون اول واحد يستخدمها و اروح اجيب عربية ماشية في الشوارع اكتر من 10 سنين او اشتري عربية صيني مكتوب ان فيها ABS

اقتباس:

---

مش عارف لية معظم اللي معاهم لانسر كريستالة بيهاجموا الفيرنا كده .. كأن الفيرنا فئة الـsubcompact و اللانسر فئة الـfull size luxury sedan و هما في الآخر مبنيين على شاسيه واحد و حجم الجنط مثلاً واحد 13" بينما يوجد إختلاف في نظام التعليق ...
اه في فرق في الثبات لصالح اللانسر بس مش اللي يخليني اسيب عربية زيرو و اكون اول واحد يستخدمها و اروح اجيب عربية ماشية في الشوارع اكتر من 10 سنين او اشتري عربية صيني مكتوب ان فيها ABS

---

هههههههههههههه لا والله وانا اقدر برضه

انا بس مبحبش الفيرنا ممكن تكون قريبة من اللانسر بس بصراحه بحسها مش ثابتة وهى موتورها قوى مش هنكر بس بحسه اكبر منها يعنى الفيرنا تلاقيها بتجرى من جنبى بس فى المقابل خفيفة ومش ثابتة وفراملها مش حلوة

ده مجرد رأيى انا ولكل حد عربيات مبيحبهاش وعربيات بيحبها والمهم فى الاخر انك تحب العربية اللى انت راكبها وانت هتكون اقدر واحد على التعامل معاها

اما بالنسبة لموضوع صينى و abs فانا عمرى ماركبت عربية صينى ولا اعرف عنهم حاجه وده مجرد استفسار عن امكانيات العربيات دى

حتى لما الكوري كان لسة طالع عمركو سمعتو عن عربية كوري بس ماتورها صيني أو هندي و العفشة روسي و الشاسيه هولندي .. والله أنا لما بسمع ناس بتقول عفشة كذا و ماتور من هنا و شاسيه من هناك بفضل أضحك

اقتباس:

---

انا اعلم ان ردى لن يلاقى ترحيب من الكثير وسوف يتعرض لهجوم ولاكن لك فى النهاية الاختيار ومن حكم تجربتى على مدى 8 شهور لسيارتى وهى ليفان 620 اقول وبكل ثقة السيارة لا تفرق عن الكورى بل ثابته عن الهيونداى كثيرا وذات عزم كبير وامكانيات كثيرة ولقد جربت من قبل الهيونداى الاكسل وما يميز الاكسل عن اليفان فقط العفشه انعم وصوت الموتور اهدأ .. ولم تواجهنى مشاكل مع السيارة الا صفارة التيل وعضة الفتيس وعدم خبرة فنيين التوكيل فى علاج تلك المشاكل لاكن بعد مقابلة المسئولين عن التوكيل وجدت منهم تعاون وتفاهم واهتمام كبير وتم تغيير بعض الفنيين وعلاج المشاكل فى السيارة حيث تم تغيير طقم الدبرياج بالكامل مجانا والان السيارة انا راضى عنها تماما.. ولقد فكرت جديا فى شراء ليفان مينى لابنتى وقمت بسؤال ملاك تلك السيارة فى التوكيل عن كل شىء وخصوصا اذا كان لديهم اى تعليق عن السيارة حتى ولو بسيط .. والحقيقة كلهم اجمعوا عن الرضا التام لتلك السيارة وفى رأى المتواضع انها مناسبة جدا للبنات وتشبه تلك السيارة كثيرا المينى كوبر ولقد سئلت عن سعرها وهو 55000جم

---

على فكرة العربية دى فعلا شدت انتباهى وخاصة لانها شبه المينى كوبر وميرسى على ردك بجد ومن جهتى انا اقدر رأيك جدا لانه عن تجربة

اقتباس:

---

حتى لما الكوري كان لسة طالع عمركو سمعتو عن عربية كوري بس ماتورها صيني أو هندي و العفشة روسي و الشاسيه هولندي .. والله أنا لما بسمع ناس بتقول عفشة كذا و ماتور من هنا و شاسيه من هناك بفضل أضحك

---

اسمحلى اقولك حاجة ومن غير زعل انا حاسة انك بتهاجم الصينى لمجرد الهجوم انا عمرى ماركبت عربية صينى ولا حتى جربتها بس يوم ما هقول ان الصينى فيه عيوب هيكون عن تجربة

وده مش موقف مع الصينى ولا معناه انى قررت اشترى صينى لاختى بالعكس انا هاخد الاراء من اصحاب الخبرة الاول وهجربه بنفسى وبعدين احكم

ودى فايدة منتدى زى نايل موتورز اننا نتشارك الخبرات بقلب مفتوح وعقل مفكر

اقتباس:

---

المشاركة الأصلية كتبت بواسطة rerii

هههههههههههههه لا والله وانا اقدر برضه

انا بس مبحبش الفيرنا ممكن تكون قريبة من اللانسر بس بصراحه بحسها مش ثابتة وهى موتورها قوى مش هنكر بس بحسه اكبر منها يعنى الفيرنا تلاقيها بتجرى من جنبى بس فى المقابل خفيفة ومش ثابتة وفراملها مش حلوة

ده مجرد رأيى انا ولكل حد عربيات مبيحبهاش وعربيات بيحبها والمهم فى الاخر انك تحب العربية اللى انت راكبها وانت هتكون اقدر واحد على التعامل معاها

اما بالنسبة لموضوع صينى و abs فانا عمرى ماركبت عربية صينى ولا اعرف عنهم حاجه وده مجرد استفسار عن امكانيات العربيات دى

---

هي فعلاً خفيفة على السرعات العالية و انا مقولتش لأ :)
الفكرة ان الفرق مش كبير... و الموتور القوي مفيد في حالة تشغيل التكييف و في حالة الفتيس الأوتو ... :) مش لازم عشان موتور قوي امشي 200 ...


اخيراً ربنا يوفقكم في الإختيار

اقتباس:

---

المشاركة الأصلية كتبت بواسطة rerii

اسمحلى اقولك حاجة ومن غير زعل انا حاسة انك بتهاجم الصينى لمجرد الهجوم انا عمرى ماركبت عربية صينى ولا حتى جربتها بس يوم ما هقول ان الصينى فيه عيوب هيكون عن تجربة

وده مش موقف مع الصينى ولا معناه انى قررت اشترى صينى لاختى بالعكس انا هاخد الاراء من اصحاب الخبرة الاول وهجربه بنفسى وبعدين احكم

ودى فايدة منتدى زى نايل موتورز اننا نتشارك الخبرات بقلب مفتوح وعقل مفكر

---

أنا على فكرة ركبت مع سواقين التاكسي اللي معاهم الاسبرانزا و كلو بيشتكي منها و السواق اللي أنا عارفو عربية جابت مقصات ده غير لما أنا روحت معرض الأهرام و الأخبار شوفت التقفيل شكلو عامل ازاي و سمعت من كذا واحد إن التيجو مثلاً تقفيل الأبواب وحش جداً و لازم ترزعي الباب جامد .. أنا مش بهاجم كدة و خلاص .. بلاش صيني نفس الكلام بقولو على العربيات الهندي زي السكوربيو ديه كشك سجاير متحرك و جودة الخامات رديئة جداً

انا كنت جربت ال a113 (بتاعت اختى )
والله لذيذه يعنى مش وحشه و مش جامده
عربيه كويسه تقضى احتياجات صاحبها
و توفر الراحه و بدل بهدله المواصلات
و اهو احسن من القديم و البهدله بتاعته برضه

و ليا واحد صاحبى معاه برضه واحده
و الحمد لله مشفتوش اشتكى منها يعنى
او يعنى الحاجات اللى فيها زى اى عربيه ممكن يحصل فيها اى مشاكل
غير كده بيقول عليها كويسه برضه
والله اعلم

يعنى رايى الشخصى انها عربيه اقل من الاعتماديه شويه ( بنسبه بسيطه )
و فى نفس الوقت مش العربيه الجباره اللى توهم الواحد

الواحد واخد حاجه على قد الفلوس اللى دفعها
وكل سنه و انتوا طيبين :)

اقتباس:

---

الواحد واخد حاجه على قد الفلوس اللى دفعها

---

صح كده وميرسى على ردك اوى

انا شايف بدام اللى هتستخدم العربية بنوتة , يبقى ال ِ113 فعلا احسن اختيار تحت ال 50 الف و سيبك بقة من صينى ومش صينى انا بتكلم تحديدا على الاسبرانزا ال a 113 مفيش شكاوى منها خزعبلية حتى فى المنتدى هنا

انا ممكن اكون بكره الصينى كله بصفة عامة فى الفئة الاعلى علشان فى منافسات قوية زى اللوجان و الفيرنا ,.... لكن فى فئة 50 الف بمنتهى الامانة هى الاسبرانزا الوحيدة اللى تكسب لان الباقى كله يا اما قطع غياره فى العالى يا اما ماتور 1000 سسى و العربية بس تشغل التكيف تبقى بطة بلدى.

استخير و الله المستعان

اقتباس:

---

المشاركة الأصلية كتبت بواسطة rerii

على فكرة العربية دى فعلا شدت انتباهى وخاصة لانها شبه المينى كوبر وميرسى على ردك بجد ومن جهتى انا اقدر رأيك جدا لانه عن تجربة

---

العفو .. واتمنى ان توفقى فى الاختيار وحتى لا تحتارى قارنى بين 3 سيارات وهم الافضل ( سبرانزا / باندا / ليفان مينى )