-
ايه المشكله انا مش عارف
العربيه اجي ادورها تفضل تعتل ومترضاش تدور انزل ااخر كهربه العربيه والف الاسبراتير سنه وادور تدور عادي جدا بس لو سبت الاسبراتير على الوضع ده العربيه سحبها بيبقى زفت واجي ادوس بنزين الاقيها بتتخنق
انا مش عارف ايه المشكله مع العلم ان الاسبراتير عندي الكتروني يعني مش ابلاتين وكوندينسر , لا في حاجه اسمها مشط كده هي اللي بتظبط الكهرباء
هل ده ممكن يكون عيب مارش ولا عيب بطاريه ولا ايه بالظبط انا مش عارف
اه صحيح انا عندي التاكيهات فيها سنهمش مظبوطه هل ده ممكن يكون السبب
-
-
شوف مدام انت لما بتلعب في الاسبراتير بتشتغل يبقي في احتمالين
اما البوجيهات فيها حاجه الانها مش بترضي تدور و بتعتل
طلع البوجيهات و نضفها و شوف هل في اثار ترطيب او زيت عليها او شوف هل البوجيهات مهببه كربون لو كان تنضفهم او تغيرهم
و اتئكد من ان الاسلاك اللي طالعه من البوبينه ل الاسبراتير و اللي رايحه للشمعات من الاسبراتير انهم متوصلين كويس
اما الأسبراتير عايز يتنضف او يتغيرله حاجه
عموما روح لميكانيكي يشوفلك الحاجات دي و يظبطهالك كويس و ينضفهم
-
انا فعلا النهارده فكيت البوجيهات بس لاقيتها حارقه كويس جدا ولونها زي ميكون محمر كده ومش مهببه ولا حاجه
المهم رحت مغير البوجيهات خالص وغيرت ثرموثتات الحرار بدل ماكان 80--90 خليتو 62--82 عشان حركه التعتيلدي بحصل والمكنه سخنه جدا بس ومستني اجرب بقى ربنا يسهل وشكرا لرد حضرتك جدا
-
شوف حضرتك معني ان البوجيهات محمره يعني مرطبه عموما كويس انك غيرتها
نيجي لحكايه التعتيل لو الحكايه حصلت معاك تاني بعد تغيير البوجيهات
غير الابلاتين و الكوندنسر انا لسه مغيرهم ابلاتين انجليزي و كوندنسر فرنساوي و الاتنين ميعملوش 20 جنيه بالكتير و خلي الميكانيكي يركبهم و ينضفلك الاسبراتير بالمره
-
مهو انا معنديش ابلاتين وكوندينسر لان عندي الاشعال بتاع العربيه الكتروني على العموم بكره ان شاء الله هجرب واقولك ايه اللي حصل
والله انا مش عارف اقولك ايه الف شكر على انك بتفكر معايا وعاوز توصل لحل
-
ههههه معلش مخدتش بالي من ان الاسبراتير الكتروني
عموما برضوا خلي الميكانيكي يشوف المشط بتاع الاسبراتير حالته ايه
ربنا معاك
-
-
يعني حضرتك لما بتاخر الاسبراتير تدور ولما تقدمة متدورش غريبة اوي المفروض العكس
بس كدا يبقي الاسبراتير في حاجة
خلي الميكانيكي يطلعة وينضفة ويشحمة
-
والله انا مستنى ان شاء الله شويه كده وانزل ادور العربيه واشوف ايه نظامها لو اتعدلت يبقى خلاص تمام ماتعدلتش اروح لميكانيكي يشوفها وربنا يستر
Content Relevant URLs by
vBSEO 3.6.0 PL2