الموضوع: تحذير هام جدا بخصوص gps

المشاركة الأصلية كتبت بواسطة ahmed.tv

شكرا على عرض تجربتك الهامة
*ولكن انا من رائى كان مفروض تلف وتسال بره الاول
اى واحد لما بيجى يشترى حاجة لازم يعمل بحث شوية على الحاجة , ويسال الناس ويلف على كل المحلات ويعرف بتتركب ازاى

*عشان اولا يستفاد من اى فرق فى السعر ويكون لمصلحتك
وثانيا تتطمن من تركيب الحاجة دى حيكون ازاى , وتتاكد انها مش حتقصر على حاجة فى العربية
وثالثا تشوف ضمان الحاجة اللى بيشتريها لو ليها ضمان ,, هل ضمان فعلى ولا كلام

"دول اهم حاجة فى طريقة البحث لشراء حاجة جديدة وخصوصا لو كان من بره التوكيل وقبل ماتروح تشترى منه"

*وبخصوص الكماليات فى التوكيل , الواحد بيلجا ليهم فى الحاجات اللى متعلقة بالكهرباء وبالضفيرة , حتى لو تركيبها بسيط عشان بس ضمان الكهرباء بتاع السيارة,
*ولو جبت اى كماليات من عندهم متعلق تركيبها بالضفيرة هما بيتحملوا اى عطل لو حصل منها فى الضفيرة عشان انت مركبها عندهم

( انا بتكلم على الكماليات الاخرى مش على جهاز الجى بى اس )(لان حضرتك قولت على كل الكماليات عموما ) فبوضحلك السبب
*ليه بنركب تبعهم الكماليات المتعلقة بالضفيرة ,لان وارد يحصل عطل فى الضفيرة فى يوم من الايام اثناء فترة الضمان من نفسها لوحدها , ولما يشيكوا عليها ويلاقوا انك كمان مركب حاجة متوصلة بالضفيرة مش تبعهم يتلككوا ويقولوا بسبب اللى انت ركبته , مع ان ممكن ميكنش بسبب اللى انت ركبته بره, ويبقا كدا خسرنا ضمان الكهرباء

*وعشان كدا التوكيل بيستغل الموضوع ده , وبيكون نقطة فى صالحهما , وبيغلوا الاسعار وفى حاجات بتكون غالية فعلا

*الواحد بيشترى فى اوقات العروض اللى بتكون على الكماليات لانهم بيعملوا تخفضيات كويسة بصراحة وبيكون فى اسعار احسن من بره احيانا
وفى اعضاء هنا ركبوا كتير فى التوكيل واشادوا باسعار الحاجة اللى اتركبت وانها ارخص من بره

*وبخصوص موضوع انك تجيب الحاجة من بره التوكيل وتركبها عندهم مش بيوفقوا ولو وافقوا حيركبوه بس حيقولك على مسئولية العميل , واكنك ولا عملت حاجة ,
يعنى لو اشتريت حاجة من بره وركبوها وبوظت حاجة عندك , يبقا عليك بردوا ويروح الضمان

*وعلى قد ما ممكن يكون فى منتجات كويسة بره وارخص الا وانى بخاف من السوق بتعنا بجد ومن البضائع اللى فيه

لان كان ليه تجارب سيئة مع محلات كتير بره للكماليات وقت ما كان معايا بولو قبل التيدا من جودة بضاعة وسوء تركيب

*عن نفسى مش بحب اجيب حاجة من بره التوكيل , خصوصا لو متعلقة بالكهرباء عشان الضمان
وحتى لو عارف انها غالية شويتين , بس لو انا عاوزها بكون مضطر ,لغاية ما اخلص الضمان

وبعدين افترى براحتى ههههههههه


*دى وجهة نظرى وبتخلف من واحد لواحد حسب الدماغ وقوة قلبه فى المغامرة , فى حالة لو حيغامر بتركيب حاجة بره التوكيل خصوصا لو كانت متعلقة بالكهرباء

*وكويس انك عرفت تتصرف وقدرت تخلع

وقدر الله ماشاء فعلا

والحمد لله انها خلصت على خير

تحياتى

انا متشكر جدا علي رايك اللي هو كان نفس رايي بالظبط قبل ميحصل معايا الموقف ده لدرجة اني مرحتش اسال علي الحاجه قبل مشتريها انا كان في دماغي كده كده اني حشتري الجاز من عندهم لمجرد انهم توكيل حتي لو حدفع اكتر شويا

انما انا لاقيت نفس الجهاز بالظبط ونفس الضمان عليه واقل 500 جنيه
يعني اكنهم بيستخفوا بالعملاء
واكبر دليل انهم كده انه قالولي في النوكيل حنخفضلك 500 جنيه فيه

المهم انا ركبت عندهم زينون في نفس اليوم وكان عليه عرض ب 830 جنيه عشان الضمان
بس بيني وبينك انا حاسس انه عادي جدا اكنها لمض زينون المغشوشه
قولي بقي تعمل ايه لو كنت مكاني

مشكور

بص بصراحة هى غلطة حضرتك من الأول عشان مسألتش قبل ما تركبه .. التوكيل غالى دى حاجة تانية.

المشاركة الأصلية كتبت بواسطة ahmed.tv

انا مقدر مكانك وحاسس بيك

وعشان كدا قولتلك فى ردى السابق , ان الواحد بيكون مضطر فى الحاجات اللى بتكون ليها علاقة فى الضفيرة , انه يتعامل ويشترى منهم

اما اى حاجة تانية ممكن تركب عادى ومش تقصر على الكهرباء والاهم الضمان , يبقا من بره على طول

وموضوع الزينون بصراحة انا نفسى فيه والعرض ده كويس

عشان بسافر كتير

وتقريبا مش بتقف على لمض وبس لان بيكون ليه اكيد كتاوت او بيكون متوافق مع كهرباء العربية والله اعلم وضمانه اعتقد 3 سنين

هو اللي في التوكيل عليه ضمان سنه بس وبيركبله جهاز بتاع الزينون بس ومبيركبلوش كتاوت لانه بياخد نفس البور بتاع اللمبه العاديه بس بيخرج اضاءه اشد زي فكرة اللمض الموفره للطاقه اللي بنركبها في البيوت
وانا انشاء الله حعمل تقرير مفصل عنها قريب
بس هيا اضاءتها انا حاسس انها مش شديده زي الواحد بيشوفه بره
والله اعلم انا لسا حبقي احاول اسال علي حاجه اقوي

المشاركة الأصلية كتبت بواسطة kareemz

بص بصراحة هى غلطة حضرتك من الأول عشان مسألتش قبل ما تركبه .. التوكيل غالى دى حاجة تانية.

كلامك صحيح
بس الحمد لله محدش اتعور

المشاركة الأصلية كتبت بواسطة مراقب المنتدى

شكرا عضونا الكريم على نقل التجربة
نرجو من جميع الاعضاء الالتزام بالنقد الموضوعى ونقل التجربة لعموم الفائدة بدون سب لاى جهة

اسف فعلا بس عشان الواحد كان شويه عصبي
بس خلاص عفا الله عما سلف