السلام عليكم ورحمة الله وبركاته
كل عام وانتم بخير وصحه وسعاده
حبيت اوضح لاحلي منتدي تجربتي مع التوكيل في تركيب جهاز GPS
انا رحت عملت صيانة 20000 لعربيتي في التوكيل ولقيت هناك جهاز mio 300 وعجبني الجهاز سالت علي سعره لقيته ب 2000 جنيه ولقيت الراجل لوحده من غير متكلم عملي تخفيض 100 جنيه فيه فقلت خلاص انا حخده وانا جي استلم العربيه وهو قالي ده تركيبه سهل قبل متستلم العربيه بنصف ساعه حبقي اعلمك امكانياته ومشيت وسلمت العربيه وقلت اما انزل الف شويا في شارع دمشق عشان اسال علي الجهاز
وللاسف ملقتش زيه هناك فقلت اروح compu me اتفرج هناك وهناك لقيت المفاجاء لقيت الجهاز ب 1500 جنيه فقط لاغير وعليه نفس الضمان بصراحه انا اتنرفزت جدا لان اصلا compu me غالي فالتوكيل يغلي كل ده ليه؟؟؟
المهم اشتريت ماركه تانيه كنت سمعت عنها ورحت بيه علي التوكيل لقيت الاستاذ بيقولي احنا ركبناه في العربيه ومينفعش نطلعه ولازم تدفع 1900 جنيه قلتله لا وحكتله اللي حصل معايا بس مقلتلوش اني اشتريته لقيته دخل مكتب وطلعلي قالي التوكيل مستعد يخفض السعر ليا انا لوحدي ويخليه ب 1500 جنيه هنا بصراحه عرفت ان العمليه كلها ......
كان ردي عليه اني انا اشتريته وعايز اشيل اللي هما ركبوه فراح قيلي مينفعش نرجعه وقفلي الدنيا في وشي
رحت مزعق وطلبت مقابلة مدير الصيانه فراح قالي انتظرني هنا وانا حقابلك بيه وراحله ورجع قالي خلاص حنرجعه بس حتدفع المصنعيه 80 جنيه مع انه والله يا جماعه تركيبه بضاغظ علي الزجاج الامامي للعربيه وعلي ولاعة العربيه يعني تركيبه في 5 دقائق بس انا كان ركبني عفريت وابتدي صوتي يعلي جالي مدير الصيانه وكان محترم وقالي خلاص مش حتدفع حاجه بس كان دمي اتحرق
وده يعلمني حاجه اننا منشتريش اي كماليات من التوكيل
وانا اسف جدا للاطاله
وكل سنه وانتم طيبين