اكسل 1300 و لا فورد اسكورت 1300

السلام عليكم ورحمة الله وبركاته

اخواني الاعزاء

اريد نصيحتكم .. معايا 30 الف و بفكر في عربية من الاثنين دول

هيونداى اكسل 1300cc
او
فورد اسكورت 1300cc

انا مفهمش في العربيات ولكن لي طلبات في السيارة

- شكل جيد
-تكييف شغال
-قطع غيار متوفرة
-استهلاك بنزين مش عالي
-ثابتة علي الطريق
-شنطة السيارة واسعه
-مش ناوي احتفظ بالعربية اكتر من 3 سنوات - اذن سهولة في اعادة البيع والسعر ميخسرش
-استخدامي للسيارة الذهاب والعودة للعمل وممكن السفر مرة بالسنة خارج القاهرة

لو حد مكنكم ينصحني و يديني رأيه ولو في سيارة اخرى غير دول يدلني بس المهم متنكش موديل اقل من سنة 98

شكرا

كل طلباتك دى فى الاكسيل

اقتباس:

---

المشاركة الأصلية كتبت بواسطة ahmed_nubira

كل طلباتك دى فى الاكسيل

---

معاك حق
بس للاسف مش لاقي عربية اكسيل تكون حالتها جيدة
مع ان الاكسيل و الفورد لو تدور علي موديل 98 بس لازم تلاقي الاكسيل متبهدلة لكن الفورد ماسكه نفسها وشكلها جديد

مش عارف ايه السبب ... ولكن ده بيخليني اميل اكتر للفورد

مع ان في ناس كتير تقول متخليش الفورد اول عربية تشتريها.. ومش عارف ليه بيقولوا كده

الاسكورت عربيه تقيله ومتعبه وقطع غيارها غاليه وهتتعب معاها جدا....بص فى الوسيط فى عربيات كتير نضيفه

السلام عليكم
بص يا سيدى انا معرفش اوى الاكسيل وخصوصا انى مش بحبها العربية ديه
انا هتكلم عن الفورد السكورت 1300
الشكل : ديه اذواق
التكيف : مش قد كده لان الموتور 1300 على بودى جامد جداااا فبيأثر فى السحب طبعا
قطع الغيار: الفورد 1300 متوفر ورخيص(بس مش 128 يعنى ) مع اضافة ان عمر قطع الغيار اطول من الكورى طبعااااا
استهلاك البنزين : الفورد مش وحش والله بس اعتقد ان الاكسيل احسن
الثبات : بدون اى كلام فووووووووووورد طبعا ثااااااااااابتة جداااااا والله 160 ولا كأنك جايب 80 والاكسيل ديه بحس انها ماشية ترقص ( كعادة هيونداى)
الشنطة : الفورد شنطتها واسعة بس معرفش الاكسيل
ضيف كمان ان الصاج الفورد أقوى وطبعا الامان عموما فى الفورد أحسن
طبعا أعادة البيع أكسيل
على العموم فكر وشوف انهى أحسن
انا طبعا بحب وبميل للفورد بس ده قرارك وانا حاولت ابين وجه نظرى على قد معلوماتى القليلة جداااااا :(
وربنا معاك ويوفقك فى حالة كويسة لان ديه اهم حاجه واسف لو طولت عليك

طبعا الفورد بس المشكلة فى السعر

فورد افضل ثابتة علي الطريق بس واطية بردو
قطعها معمرة بس اغلي من الاكسل
انا واحد صحبي معاة فورد اسكورت 1600 حريقة بنزين
مش عارف 1300 عاملة اية في الاستهلاك بس معروف ان الفورد بتحرق بنزين جامد
مفيش حاجة لصالح الاكسيل خالص غير توافر قطع الغيار اكتر واستهلاك بنزين اقل
الفورد حجاتها موجودة بردو بس اقل وممكن بعض قطع الغيار تدوخ علي ما تلاقيها
بس كعربية تركبها الفورد

متااااااااااااااااابع

انا من رأيي ان استهلاك بنزين وتوافر قطع الغيار و سعر اعادة بيع للإكسيل .. وبالنسبه للثبات والسرعه برضو مش وحشه والراجل طول السنه جوه القاهره ومش بيسافر كتير يعني مش فارق معاه ... بجد اكسيل أفضل لأحتياجاتك .. الفورد مش هاتنفعك أوي .......