السلام عليكم يا شباب
معروض على عربية c 280 موديل 2008 عاملة 35 الف كيلو ومعروضة ب 330 الف جنيه
حالتها ممتازة لونها ذهبى والفرش أسود
يا ترى السعر ده مناسب ، علشان ده أول تعامل لى مع المرسيدس على الإطلاق
محتاج ريكم الله يخليكم
السلام عليكم يا شباب
معروض على عربية c 280 موديل 2008 عاملة 35 الف كيلو ومعروضة ب 330 الف جنيه
حالتها ممتازة لونها ذهبى والفرش أسود
يا ترى السعر ده مناسب ، علشان ده أول تعامل لى مع المرسيدس على الإطلاق
محتاج ريكم الله يخليكم
مقدرش اقيمها سعرها بصراحه لكن اكيد هى عربيه ممتازه
بس انا شايف ان ال bmw 330 افضل منها لو تعرف تلاقى واحده حالتها كويسه
هيا حضرتك سعرها كده كويس و ممكن تخدها تكشف عليها في التوكيل للتاكد فقط ب500 تقريبا
و هيا Elegance ولاAvantgarde
انا مش فاهم يعني بالعقل كده انا لو معايا حاليا ومكنتش لسى جبت اي عربيه ومعايا ال 330 الف اكيد يعني
حشغل مخي ومش حروح اجيب عربيه يوووووووووووووووووزد مهما كان الفرق بينها وبين الجديد كام ميهمنيش
والفرق في الاوبشنز بردوا ميهمش يهم انك راكب زيرو يعني محدش اخد بيها مطب ولا حفره بالغلط او فيها اي حاجه مين عارف
ولا سوقتها كانت عامله ازاي انا اروح اجيب حاجه زيرو ب 330 الف جنيه واحنا مش بنتكلم على 100 الف لا 330 يعني الاختيار
قدااااااااااااااااااااااا ااااااااااااااااامك كبير بين انواع كتيره
ياباشا كل واحد ودماغه
انا مثلا
عندى استعداد ادفع 350 الف فى bmw 330i
مركبش c180 زيرو
يا جماعة لولا اختلاف الاذواق لبارت السلع
الراجل عايز يركب مرسيدس w204 C280 و ال330 مش حيبوها زيرو و حيجبها استعمال ايه المشكلة
و العربية المستعملة تحكمها الحالة و هيا حالتها ممتازة
انا لو معايا 330 الف و عايز اجيب عربية حديثة شوية اجيب مرسيدس S-class W220
السلام عليكم و رحمة الله و بركاته
آه, أهى الW220 دى عربية ممتازة و مالهاش حل و اللى بيفهم و يقدر يجيبها, مايتأخرش ثانية واحدة, مش دى اللى اسمها الفياجرا , صح؟؟؟
بس بما أن الموضوع بيجيب بعضه , هى الضريبة السنوية بتاع الMercedes S320 موديل 1997 , تعمل كااااااااااااااام ؟؟؟؟؟
شكرا ليكم جدا على النصائح الغالية
وان شاء الله ربنا يكرم واشترى خلال هذا الأسبوع
و الله يا باشا انت ذوقك عالي
وزي ما حضرتك قلت اللي يقدر يجبها و في ناس فعلا بيسموها الفياجرا
انا ليا تجربة مع S430 فرد كاوتش ضربت علي 160 و العربية ولا لعبت و حدفت و لا اي حاجة و معرفتش الا من Warning في الشاشة اللي فيها ......و طلع عيني عشان اجيب فرد الكاوتش دي
و ضريبة الW140 الشبح بتبقي 2% من تمنها و هيا دلوقتي في حدود 200 علي حسب الحالة و الكماليات و الموديل
السلام عليكم و رحمة الله و بركاته
هى الS430 نزلت مصر , أنا كل اللى شوفته كان الS320,S350,S500 من الشكل اللى هو الW220 ده.
أنا متهيألى أنى كنت شوفت الS430 دى بس مش هنا فى مصر , كانت فى كندا و كانت لونها دهبى, بصراحة , عربية ممتازة جدا و محترمة و شكلها تحفة جدا , أنا نفسى ربنا يكرمنى و أجرب أسوقها بس:F_eyeb1[1]:, مش أشتريها , بس أسوقها .
ربنا يوعدنا
ال اس 320 تمنها 900 الف؟ عموما هي الضريبة 2.5% بتقل 5% سنويا يعني لو تمنها 900 الف يبقى الضريبة لو هي موديل 2011 22 الف جنيه سنويا و كل سنة حتخصم 1100 جنيه يعني لو موديل 2005 ضريبتها 17 الف
سوري اصلي مليش في المرسيدس! بيعمللي حساسية
السلام عليكم و رحمة الله و بركاته
يا باشا , ربنا يكرمك و يرزقك بالS65AMG و يكون لونها فضى و من جوه فيرانى .
العربية دى أكتر حاجة شدتنى ليها هى سعرها المتدنى فى أميركا لأنك ممكن توقعلك واحدة مو 2000-2002 ب 11000-12000 دولار و تكون ماشية أقل من 100 ألف ميل و تركب و تنبسط يا باشا .
Find Your Car: Mercedes-Benz S430 Listings Near New York, NY 10025 - AutoTrader.com
هى العربية اللى أنت سوقتها , كان دركسيونها يمين و لا شمال , أصل الدركسيون فى استراليا بيبقى عاليمين , صح؟؟؟؟
بس, ده مايمنعش أن يمشى هناك عربيات دركسيونها عالشمال عادى, زى انجلترا , رغم أن الدركسيون عاليمين, الا أن فيه عربيات دركسيونها عالشمال و بتترخص و تمشى عادى, بس لازم تلتزم بقوانين و اتجاهات المرور هناك .
الله يكرمك يا باشا
كان دريكيسونها شمال عادي بس تقريبا استراليا المرور عندهم يمين مش زي عندنا
و اسعار العربيات بره مصر مش زي عندنا خالص يعني ممكن ب 400 دولار تجبلك عربية مش زي مصر لان مصر من دول العالم التاسع او العاشر .....
[frame="8 10"]
انا لو معايا 330 جنية كنت اخدت اسبوع اجازة من الشغل ونزلت اى حنة اغير جو
[/frame]