السلام عليكم احلى ناس على احلى منتدى
صحيت من النوم يوم السبت بدري وجدت نفسي فاضي قلت اروح اظبط العربية وشيك عليها
لبست ونزلت ورحت المدينة الصناعية عن الميكانيكي
1- فكيت الاربع عجلات خالص وتم الكشف على البلي الامامي وجد انه سليم والحمد لله وطلع الماني كمان وتم تنظيف تيل الفرامل على الصاروخ والحمد لله حالة كويسه
تم تشحيم البلي وتركيب العجل مره اخرى
2- وجد في العجلة الخلفية شمال زيت واتضح انه من أولسيه الاكس وتم فك الاكس وتغيير الأولسيه وتركيبه مره أخرى
طبعا الشغل ده بعد غسل كل اجزاء العجل اللي اتفكت من بلي الى طنابير الى اكس وغيره بالبنزين 90 بعد سحب جركن من العربية بالخرطوم
3- تم تغيير البوجيهات بعد الكشف عليها ووجد انها متهالكه( البوجيهات الجديدة NGK ياباني ب 45 جنيه)
4- فك وغسل وتنظيف فلتر البنزين
5- تغيير زيت الفرامل بالكامل لانه اتحرق ولونه بقى اسود ( الزيت الجديد في علبة صفيح 14 جنيه 500ملي )
7- الكشف على العفشة وتربيطها وتم تربيط الشدادات
8- تغيير زيت الفتيس بزيت 90 شيل لان اللى كان فيها 140 وده مخلي الفتيس تقيل جدا وبالذات في الصباح محجر
6- بالنسبة للريداتير انا من 6 شهور غيرت مية الريداتير وجبت ميه خضراء الجركن ب 25 جنية والراجل بعد مغسل الريداتير ونزل الميه اللي في الموتور راح حط الميه الخضرا وزود ميه من الحنفية
بعد فترة 3 الى 4 شهور وجدت ان الميه كلها صدأ في قربة المياه
من اسبوع رحت لواحد بتاع ريداتير معرفة واشتريت الاول جركن 4 لتر موبيل مياه خضراء ب 55 جنية وكمان 4 زجاجة مياه مقطرة
راح الراجل قلي بص انا هنظف الريداتير وافضي الميه اللى في الموتور وهاحط ميه من الحنفية الاول وبكره تيجي وتجيب معاك جركن كركديه ( عناب تجيب الكركديه وتغليها في البيت وبعدين تصفيها بقطعه من القماش )
رحت تاني يوم وفض الريداتير من الميه كويس والموتور وحط مياه الكركديه ( العناب ) وقلي ده بيغسل الموتورمن جوه وبيزيل الصدأ وامش بالعربية وتعالى بعد 5 ايام نغير مياه الكركديه ونحط المياه الخضراء موبيل
وفعلا رحت وغير امس المياه ونظف الريداتير وحط الجركن وساب شويه في الجركن حطهم في القربة وكمل الريداتير بنصف زجاجة مياه مقطرة وشكرا على كده
التكلفة ( 55 جنية جركن مياه خضراء - 2.5 جنيه زجاجة مياه مقطرة - 20 جنيه مصنعيه - 5 جنيه للصبي )
التكلفة
12 جم علبة شحم
45 جم بوجيهات
14 جم علبة زيت فرامل
32 جم 2 جركن زيت فتيس اخد الفتيس جركن ونصف والباقي معايا
55 جم منصنعية
-------
158 جم الاجمالي
+
82.5 جم للريداتير
------
240.5 جم الاجمالي
اداء السيارة بعد الصيانة
صوت العربية بقه هادي وحلو بس في حالة القرص بيعلى
السحب ضعف شوية
السخونه بين 50 و 70 علما بأني شايل ثرموستات الكوعه بتاعت الموتور
زيت شل 90 للفتيس
زيت الفرامل
مياه الريداتير موبيل 55 جنية
وبأذن الله سوااوافيكم بتقرير مفصل عن استهلاك البنزين وكل شيء بعد مااعمل بيها مشوار
المفضلات