كرتيرة الزيت

**mostafa3000** · 31-12-2010 05:00 PM

وانا بعمل صيانة لعربيتي الاوكتافيا
الميكانيكي قاللي ان طبة الزيت كانت مربوطة غلط وبالتالي حصل بوش للمكان الطبة
والحل
1- نفك الكريترة ونخرط مكان الطبة ونجيب طبة اكبر
والحل دة مش مفضلة
2- نشتري كرتيرة صيني وهو بيقول ان مكان الطبة حديد مش الومنيوم ودة سغرها 400 جنية
عموما انا مش عارف اعمل اية ياريت اهل الخبرة والمشورة يفتوني

**amroebraheem** · 01-01-2011 01:00 AM

لو الكرتيرة سليمة مشط وجيب مسمار المقاس الاكبر اى المقابل للتمشيط وتوكل على الله
والسلام عليكم ورحمة الله وبركاته

**EngAhmedSayed** · 01-01-2011 06:50 PM

المشاركة الأصلية كتبت بواسطة amroebraheem

لو الكرتيرة سليمة مشط وجيب مسمار المقاس الاكبر اى المقابل للتمشيط وتوكل على الله
والسلام عليكم ورحمة الله وبركاته

كلامك مظبوط و قول لميكانيكى يمشطهالك بذكر القلوظ و اعرف مقاس الذكر علشان تجيب مقاس المسمار قلى بيطبب الكرتيره
الموضوع مش محتاج نحل و نفك الكرتيره
يارب ارحمنا بقى من اشتغالة الميكانيكيه

**EngAhmedSayed** · 03-01-2011 08:30 PM

المشاركة الأصلية كتبت بواسطة mostafa3000

شكرا علي الرد يا باشا
بس ياريت توضح يعني اية امشط ومين اللي يمشطها وممكن دة يتعمل بدون فك الكرتيرة

ماهو انا ذكرلك يا صديقى فى مشاركتى ازاى يمشطها و قيالك يعمله بايه علشان تيبقى فاهم و عارف لما تكلمه
علشان احنا مش ناقصيين اشتغالات من البهوات الميكانيكا اقرا مشاركتى كويس
هقولك يعملها ازاى من غير ما تفك الكرتيره
صلى بينا على النبى
انتا هتعمل اول حاجه تكون العربيه برده خالص علشان السخونه و فك طبة الزيت القديمه علشان تفضى الزيت قلى فيها تمام نزلة كل الزيت
هتعمل ايه هتجيب الطبه القديمه و تروح عند الخراط قولو عاوز ذكر القلوظ مقاسه اكبر من قلوظ الطبه بدرجه تمام و تكون نفس سنة القلاووظ الطبه و هتعمل ايه هو المقصود انو تخلق سنة قلاووظ جديده بدل قلى اتاكلة و اتنحلة ينزل تحت العربيه و يركب الذكر و يقعد يلف يمين و شمال و يدى نقطتين زيت تليين على الذكر و يعمل يمين و شمال و سنه سنه لحد ما يخلق السنه الجديده و ارمى الطبه القديمه وركب طبه جديده بنفس المقاس الجديد ده كل قلى يتعمل لو اتعمل غير كده يبقى اشتغالات و الكرتيره الالمنيوم يعنى حديد طرى يعنى هتتعمل بسهوله قدى القصه كلها انتا لو قريب من اعملهالك دى سهله و متقلقش نفسك بس لازم تعملها علشان تنسى انو الزيت مينقصش منك
و يعمل مشكله لا قدر الله
يارب اكون و افقة فى الشرح
و انا على اتم المساعده
م / احمد سيد
0126880055

**AhMeD MeTwAlY** · 06-01-2011 02:19 AM

11111111111111111+

**EngAhmedSayed** · 10-01-2011 11:22 AM

تعب ايه بس ده اقل واجب هنا فى المنتدى للواحد يقدمه للاخوه هنا
و ربنا يوفقنا و يكرمنا يارب
و يبعد عننا اشتغالات الميكانيكا

**EngAhmedSayed** · 05-02-2011 11:31 PM

المشاركة الأصلية كتبت بواسطة amroebraheem

ما شاء الله عليك اخى احمد سيد واحب اضيف معلومة صغيرة لاخونا مصطفى 3000 لو رحت لاى خراط بيبقى عند صنيعى لهذه الامور وبيحل عند وينزل الزيت ويمشط ويركب الطبة الجديدة وبعدين يحطلك الزيت تانى ويبقى مشوار واحد فقط وربنا معاك ان شاء الله
والسلام عليكم ورحمة الله وبركاته

انا معاك فى هذا الاقتراح يا اخى و جزاك كل خير