سيارة لانوس جديدة

**amrokhafagy** · 30-05-2007 10:32 AM

الى الاخوة زوار الموقع الشيق السلام عليكم
انا اشتريت سيارة لانوس 2007 منذ اربع شهور ولى بعض الاستفسارات عنها وبعض المعلومات التى من الممكن اضيفها
اولا بمجرد ما عملت الف كيلو طلعت على الصحراوى (اسكندرية مطروح) لانى اى عربية اشتريها احب اعرف سرعتها القصوى عمليا يعنى لما كان معايا 128 جبت بيها 150 ك/ساعة
ولكن مع اللانوس جبت 162ك/ساعة ومش عارف هل كان ده تسرع منى ولا لأ؟
ثانيا هل يوجد فى تكييف اللانوس ثرموستات بمعنى عند وصول التكييف لدرجة الحرارة المطلوبة يوقف عمل كباس التكييف؟
ثالثا اسمع صوت شخشخة بالعجل منتظمة مع السرعة زى ما يكون فى صاجة مفكوكة وبتحك فى حاجة بتلف؟
رابعا هل يوجد فى اللانوس حساس يرفع عدد لفات الموتور لغاية ما العربية تسخن ثم تخفض الموتور بعد التسخين؟
خامسا مهندس التوكيل نصحنى بوضع موبي XHP وتغييره مع الفلتر وعندما قلت له نضع موبيل 1 قاللى ان ده هيكون على حساب الفلتر ويبقى كتير ان نسيب الفلتر يعمل 10,000 ك او ست شهور؟
سادسا تنك البنزين لما استلمت السيارة اخذ 50 لتر وربع فى بنزينة محترمة فهل هذا صحيح؟
سابعا واخيرا اجد بعض الصعوبة فى غيار المرشدير والاول لو السيارة ماشية زى السلحفاة وحبيت احط الاول ولا احط الثانى ؟
وجزاكم الله خيرا
:roll: :roll:

**emmoneam** · 30-05-2007 11:37 AM

الف مبروك يا استاذ عمرو
اقصي سرعه لللانوس 165 كم/س و كل مره بتوصل للسرعه ديه فانت بتقلل من عمر الموتور.تغيير الفلتر و الزيت باستمرار ديه حاجه كويسه و هما بيقولو انه بيعيش 10000كم علشان سعره غالي بس في ظرف بلدنا لااعتقد انه يعيش اكتر من 7000كم.

**MMamdouh** · 30-05-2007 12:06 PM

اولا الف مبروك

1- السرعة القصوى للانوس حسب الكتالوج 172 كيلو... انا جبت 170 بعربيتى

2- لا يوجد ثرموستات تحكم فى حرارة التكييف... التحكم بيبقى يدوى عن طريق ادخال بعض الهواء الساخن مع الهواء البارد لتعديل درجة حرارة الهواء الداخل الى الكابينة

3- راجع التوكيل فى الموضوع دة

4- رفع لفات الموتور يتم عن طريق كونترولر بياخد الاموامر بتاعتة من كمبيوتر العربية و بالتالى الكمبيوتر بيرفع اللفات الى 1500 و العربية باردة و ينزل بالتدريج كل ما العربية تسخن

5- قول لمهندس التوكيل "حمرا" و هو حيعرف هى ايه... انا بغير زيت و فلتر كل 10000 و فى الكتالوج مكتوب ان عادى تغير الزيت و الفلتر كل 10000

6- حسب الكتالوج التنك بياخد 48 لتر فقط مع انى مرة حطيت 49.5 لتر... اعتقد ان السعة اللى فى الكتالوج غلط

7- المرشدير حساس شوية فا متخطفوش... انقلة بالراحةو ممكن تحط اول بس محتاج حرص و ضبط لفات الموتور قبل النقل

MMamdouh

30-05-2007 01:15 PM

الف مبروك يا عمروا ربنا يملاهالك بركة يا رب ويكفيك شرها ويهبك سبحانة خيرها ،

بالنسبة لادراك السرعة القصوي للسيارة فده مرهق جدا للموتور فعلا بس مش غلط انك تعمل كده مرات معدوده في عمر السيارة مع مراعة سلامة اجزائها وحداثة عمر زيت المحرك (يعني الزيت يكون جديد)
الا اني لا انصح بذلك في اي سيارة تجميع شرق اوسطي الا بعد عمل خدمة ال 1000كم الاولي عشان العربية بتبقي مش متربطة كويس خاصة قواعد الموتور والعفشة

بالنسبة للسرعة القصوي للانوس فانا بيتهئلي انها اكتر من ال 160kmh ، لان عربيتي 1300cc والسرعة القصوي فيها 180kmh وصلت منهم ل 160kmh في الساعة

اخيرا بالنسبة لتغيير فلتر البنزين فده انا اويده بشده لان البنزين في بلدنا مش نقي خالص عشان كده انا بفضل استخدام زيوت غير تخليقية عمرها 5000 كيلو متر وتغير معاها الفتلر لاكن عشان تغير الفلتر كل قبل 5000 كم فده كتير اوي لاكن مش مضر برضوا

**sokasoon** · 30-05-2007 04:22 PM

يا ريت توضيح لموضوع السرعة

ليه كل ما تزود السرعه لبعد ال160 بـاثر على عمر الموتور

وهل ده فى كل السيارات ولا الدايوو بس مع العلم ان العداد عندى اخره 220

يعنى ماينفعش اوصل لل200 حتى انا ماجربتش اوصل لل200 لان ماجتليش الفرصة انى اوصل لل200 ومش عارف هتوصل ولا لا

**MMamdouh** · 30-05-2007 04:58 PM

يا جماعة عمر الموتور مش حيقصر لو جبت 160 ولا 170... عمر الموتور بينقص لما تهمل صيانة

انا ليا واحد صاحبى مركب تيربو على لانوس و العربية عاملة 500000 كيلو

MMamdouh

**Abdallah** · 30-05-2007 08:15 PM

مين قال ان الموتور عمرة هيقصر لو جريت على 160 ؟؟؟
انا فى اول تجربة على الطريق العربية جابت 160 على 4000 RPM يعنى كان ممكن توصل الى 200 كم/س وانا شفت تجارب قيادة لسيارات لانوس نفس موديل عربيتى كانت ماشية على 200 فعلا وبالنسبة لموضوع الزيت دة انا بغير فلتر كل 10 الف كم ودة الطبيعى بتاعى واقل من كدة يبقا حرام الحقيقة.
بالنسبة لصوت الشخشخة اتاكد هو من ورا ولا من قدام عشان ممكن تبقى حاجة فاكة من العجل وبالذات فى الهعجل الخلفى.