شحاتة ... غبية جداااااااا

**نور القمر** · 01-01-2011 01:45 AM

قولتله:"كويس والله..أنا رايح بني سويف بعد ساعة..ساعة وإرجعلي وأنا هوديك لحد البيت""

ههههههههههههه طبعا انت كدة قطعت اكل عيشه
حصلت معايا مرتين واحدة عايزة فلوس تأكل عيالها والتانية معاها روشته عايزة تصرفها
والله اول واحدة قولت لها احنا جنب الجزار اهو تعالي اشتريلك لحمة والله مرضيتش وطلبت جنيه واخدته ومشت
والتانية قولت لها الصيدلية اهي تعالي اشتريلك الدواء دي بقه تقولي مش قادرة امشي واحنا بينا وبين الصيدلية 10م

**heshamzaky** · 01-01-2011 01:45 AM

المشاركة الأصلية كتبت بواسطة n.y.s.m.a

ما هو الفكة والربع جنيه والنص جنيه دول همة اللى لما تلمهم من كل واحد تقابله تبقى مليونيرة .. إنتوا متخيلين ياجماعة لما دخل الشحات بيوصل في الشهر لأكتر من عشر آلاف جنيه وبكتير

حكم الشرع في الموضوع ده واسع .... بل إن ولي الأمر له الحق في توقيع عقوبة تعذيرية على المتسولين

ودول يقال عليهم متسولين وليسوا سائلين .. السائل هو اللى بيسأل في حاجة ضرورية لمعيشته أو محتاجها بشدة وده نديله فعلا حتى ولو كان على ظهر بعير كما قال الرسول (ص) ... لكن دول مش كده ولا ينطبق عليهم هذا القول

:pointiy2[2]::pointiy2[2]::pointiy2[2]::pointiy2[2]:

حلو انت جبت الكلام الى كنت عاوز اعرفة و لو بصيت حا تلاقينى نزلت مشاركة منقولة فى حكم الشرع و لو المتسول بيكسب 10 الاف جنية فى الشهر حا اسيب شغلى و اشتغل متسول ههههههههههههههههههههههه يخرب بيتة دة ملك كدة مش شحات

**amribrahim** · 01-01-2011 01:50 AM

موضوع الصيدلية دة قديم أوي أوي أوي و كل بتوع الصيادلة عارفين موضوع الروشتة ديه و بتكون نفس الدوا و كذا واحد معاه نفس الورقة ههههههة

**D . a .\ AYMAN** · 01-01-2011 01:56 AM

المشاركة الأصلية كتبت بواسطة heshamzaky

حلو انت جبت الكلام الى كنت عاوز اعرفة و لو بصيت حا تلاقينى نزلت مشاركة منقولة فى حكم الشرع و لو المتسول بيكسب 10 الاف جنية فى الشهر حا اسيب شغلى و اشتغل متسول ههههههههههههههههههههههه يخرب بيتة دة ملك كدة مش شحات

ياباشا أنا شوفت الناس دي لما بتتمسك في قضايا التسول .... الفلوس المضبوطة معاهم بتعدي الـ 500 جنيه والألف جنيه ... حصيلة يوم واحد .... يــــــــــــــــــــــــ ــــــــــــــــــــــوم واحــــــــــــــــــــــ ــــــــــــد فقط

يعني بنتكلم في الشهر 15000 لـ 30000 جنيه وساعات أكتر ... والناس بيصعب عليها المتسول !!! وبرضه بتديله

والله في ناس قاعدة في بيوتها من غير بطاطين في التلج اللى إحنا فيه ده ومفكروش ينزلوا يشحتوا مليم واحد وغيرهم كتير .. اللى محتاج فعلا بيتكسف

وعموما أنا مابطلعش فلوس خالص للنوعية دي ... بأديله أي حاجة غير الفلوس ... لو معايا أكل .. حلويات ... لبس (بس مايكونش باين عليه إنه جديد عشان مايبيعوش)

**heshamzaky** · 01-01-2011 02:02 AM

المشاركة الأصلية كتبت بواسطة n.y.s.m.a

ياباشا أنا شوفت الناس دي لما بتتمسك في قضايا التسول .... الفلوس المضبوطة معاهم بتعدي الـ 500 جنيه والألف جنيه ... حصيلة يوم واحد .... يــــــــــــــــــــــــ ــــــــــــــــــــــوم واحــــــــــــــــــــــ ــــــــــــد فقط

يعني بنتكلم في الشهر 15000 لـ 30000 جنيه وساعات أكتر ... والناس بيصعب عليها المتسول !!! وبرضه بتديله

والله في ناس قاعدة في بيوتها من غير بطاطين في التلج اللى إحنا فيه ده ومفكروش ينزلوا يشحتوا مليم واحد وغيرهم كتير .. اللى محتاج فعلا بيتكسف

وعموما أنا مابطلعش فلوس خالص للنوعية دي ... بأديله أي حاجة غير الفلوس ... لو معايا أكل .. حلويات ... لبس (بس مايكونش باين عليه إنه جديد عشان مايبيعوش)

و الله عارف بس ساعات الواحد قلبة بيوجعة و لو حسيت فعلا ان الى ادامى زلنطحى كدة مش بديلة خالص اى حاجة و ربنا يكفى الجميع شر الحاجة و الفاقة و يسترها معانا أجمعين و 15 الف المبلغ مغرى جدا هههههههههههههه يخرب بيتة دة حا يطلع بعمارة لو هوة و بقية العيلة متسولين و محترفين تسول طبعا بمنهى السهولة فى خلال كام شهر

**aimank** · 01-01-2011 02:24 AM

انا بقى حصل معايا نوع جديد من التسول على طريق الساحل الشمالى قبل سيدى كرير و انا ماشى على الطريق لقيت 2 فى عربية ماشية جنبى قاعدين يشورولى انا قولت يمكن تايهين ولا فى حاجة عندى غلط وانا مش واخد بالى انا كانت داخل على يوتيرن رحت داخل واقف مستنى السكة تفضى علشان الف لقيتهم ورايا و نزلوا بيقولولى احنا شباب زى بعض و احنا مش من هنا و الفلوس الى معانا خلصت و احنا ولاد ناس و عايزين 50 جنيه نحط بنزين
مش عرف مقتنعتش بكلامهم ليه ساعتها يعنى مدخلش عليا الحوار و مأدتلهمش حاجة

**عصام غنايم** · 01-01-2011 02:25 AM

طيب انا هقولكم على حاجه غريبه اوى

الشحاتين كانوا عاملين المحل بتاعى مركز لازم يزوروه كل يوم

انا مكنتش بدى الا لكبار السن واللى باين عليهم الاعاقه

وفى مره راجع بيتى بليل ومريت على بقال فى طريقى واتفاجئ بوجود واحد من اللى بيجولى ( راجل عجوز لايقل عن 70 سنه )

والقاه بيجمد الفكه من البقال ( حصيلة اليوم )

كام يا اخوانى ؟
؟
؟
؟
175 جنيه

بعد ما مشى بسأل البقال هو فيه ايه ؟

قالى انه كل يوم يجيله يجمد منه الفكه يوم 150 يوم 200 يوم 250 وعلى ذلك

الغريب بقى ان الشحات ده لابس معفن ومقطع طول السنه وبياكل اى اكل من اى حد شحاته برده

السؤال هنا

ده بيستفيد ايه من الفلوس اللى بيجمعها دى ؟

لا بياكل كويس

ولا بيشرب كويس

ولا بيلبس كويس

طيب بيستفيد ايه ؟

**yassin_samir** · 01-01-2011 02:34 AM

المشاركة الأصلية كتبت بواسطة عصام غنايم

طيب انا هقولكم على حاجه غريبه اوى

الشحاتين كانوا عاملين المحل بتاعى مركز لازم يزوروه كل يوم

انا مكنتش بدى الا لكبار السن واللى باين عليهم الاعاقه

وفى مره راجع بيتى بليل ومريت على بقال فى طريقى واتفاجئ بوجود واحد من اللى بيجولى ( راجل عجوز لايقل عن 70 سنه )

والقاه بيجمد الفكه من البقال ( حصيلة اليوم )

كام يا اخوانى ؟
؟
؟
؟
175 جنيه

بعد ما مشى بسأل البقال هو فيه ايه ؟

قالى انه كل يوم يجيله يجمد منه الفكه يوم 150 يوم 200 يوم 250 وعلى ذلك

الغريب بقى ان الشحات ده لابس معفن ومقطع طول السنه وبياكل اى اكل من اى حد شحاته برده

السؤال هنا

ده بيستفيد ايه من الفلوس اللى بيجمعها دى ؟

لا بياكل كويس

ولا بيشرب كويس

ولا بيلبس كويس

طيب بيستفيد ايه ؟

ويعيشوا ويموتوا على نفس الوضع و نفس العيشة و يموتوا ويسيبوا الفلوسفاكرينالفيلم بتاع فريد شوقى و فاروق الفيشاوى

**pro_samir** · 01-01-2011 03:31 AM

بيحصلي مواقف كتير بس اللي فاكره كنت مره سهران في المعرض وعدي عليا شاب قالي انا من اسكندريه والفلوس معرفش ايه وعايز فلوس المواصلات وخد الرامه دي خليها عندك هعدي عليك تاني اديلك الفلوس واخدها ،بعد حوار اديتله فلوس المواصلات وخدت الرامه فعلا ومجاش تاني

الغريب ان الرامه طلعت سليمه وبيعتها بعد كده .. شكله كان سارقها طبعا

وبعدها بكام يوم كنت مروح مواصلات في وقت متأخر ولاقيته في الميكروباص ! بقوله ايه مجتش خدت الرامه ليه ؟ يقولي رامة ايه يا استاذ انت تعرفني ! وعمل فيها عبيط