لو انت قاعد لا بيك ولا عليك ... لقيت موبايلك الثرى جى بيرن ...تررن تررن او م بى ثرى تون .. المهم

صوت جميل و متفائل بيقولك ....

مستر/ ميسز ..... مش كدة

نعم ايوة انا ...افندم

معاك شركة عالم العربيات فى الفضاء الخارجى

نعم يا خويا ..

مبروك يا فندم حضرتك كسبت معانا عربية


انا ....اية ... وطى يا بنى التلفزيون دة ...عايز اسمع ....حضرتك متأكد ...طب ازاى ..امتى و فين ... مش ممكن ... طب لية ...

ابن حضرتك بعتلنا sms فى المسابقة بتاعتنا ..مش كدة برضو !

اية ؟.. اةةة.الواد ال.. ..دة حبيبى روحى روحى ...عفريت ..الواد دة (ماكنتش عارف قيمتة الواد دة )

ممكن حضرتك بقى تسمع شروط المسابقة ..عشان مفيش وقت عندنا :(

هو لسة فى شروط !! ..مش انا كسبت خلاص !

اة يا فندم طبعاً ..بس فى شوية شروط بسيطة بخصوص العربية اللى حضرتك تختارها
ماشى ماشى ... قول يا بية انا معاك

بص يا فندم :( ;)
قبل اى حاجة هناخد منك عربيتك القديمة ...ذى بتوع التمنينات كدة ..:p
المبلغ : اى مبلغ
العربية :اى نوع حضرتك تحبة
الصيانة : هاتجيلك ديلفرى .. واحنا اللى هاندفع الشيك
البنزين : علينا و 98 كمان
البيع : محظور
التغيير او الترجيع : ممنوع
تأمين : شامل واحنا اللى هاندفعة ليك
الركن : جراج خاص فى منتطقتك

معايا يا فندم :p

اة اةة معاك ماشى ماشى حلو اوى كدة :)

بس فى شرط صغير
اية تانى حرام عليكم اعصابى باظت

احنا عندنا كل البيانات الخاصة بحضرتك و متابعينك من مدة و عارفين عنك كل حاجة و كلامك مع
اصحابك واللى بتقعد معاهم على النت فى العربيات و عارفين ارائك وانت بتحب اية و ما بتحبش اية ... وكمان عمرك ما فكرت فى اية :p:p

ياةةة كل دة ...دة انا متراقب بقى ..وبعدين يعنى

طبعاً يا فندم ... الحقيقة الشرط صغير اوى اد كدهووووو و هو
ادامك نص ساعة فقط تقولنا نوع العربية اللى انت عايزها اية
لو حضرتك قولت نوع مابتحلمش بية او لمجرد انة غالى وخلاص ... هاتعتبر المسابقة لاغيـــــــــــة

ميرسى يا فندم على وقت حضرتك . باى ................... تك


---------------------------------------------------
يا ترى لو حصلك كدة ... وعايز تكسب المسابقة
هاتقول اية ؟