اوبترا 2005 اوتو ازرق غامق للبيع ، محتاج رأيكم
السلام عليكم
اول مشاركه ليا فى المنتدى
انا من اسكندريه
بفكر بقالى فترة اجيب اوبترا اوتو زيرو
رحت المصرية وقلت ها ادفع 70 مقدم واقسط 1000 كل شهر على 3 سنين
لكن حاليا لقيت قدامى عربيه اوبترا 2005 اوتو معروضه للبيع
صاحبها عايز 60 الف جنيه
هى ماشيه 66 الف كيلو
وانا بصراحه معرفش فى العربيات كويس ومش عارف اعمل ايه
انا ركبتها محستش بحاجه شكلها تمام مشيت على سرعه وورا وقدام عادى ومش شايف فيها حاجه وحشه
صاحبها قالى انها راشه حزام علشان كانت اتخبطت من الباب الشمال خبطه بسيطه
ومن جوه مرشتش اى حاجه
فا انا مش عارف اقرر بصراحه وخايف من العربيه استعمال فتيسها الاتو ميكنش كويس ويعملى مشاكل
فمحتاج رأيكم خبراء الاوبترا - العربيه فى البيطاش وانا فى وسط البلد حد يعرف مكان كويس فى العجمى اكشف عليها فيه
ولا اكبر دماغى واجيب واحده زيروا وخلاص.
وسؤال اخبر ، الفتيس الاتوماتيك للأوبترا بكام جديد ؟
شكرا ليكم