الموضوع: الحرية مقابل الرقابة

انا كنت لسه بتفرج على برنامج (حبة عسيلى ) على otv و لفت إنتباهى الموضوع اللى بيتكلم عنه و حبيت أنقله

موضوع الحلقة كان عن الرقابة بجميع أنواعها و اللى انا شفته كاملآ الجزء بتاع الرقابة على الفن

و كان بيطرح مشكلة الرقابة و انها المفروض انها تتلغى تمامآ من على السينما ليه؟؟
عشان المفروض ان كل مخرج يطرح الفكرة اللى هو عايزها اى كانت شكلها او محتواها بمعنى ان لا يمنع ان يحتوى الفيلم على مشاهد إباحية او الفاظ خارجة او أفكار غربية حتى لو كانت ضد ثقافتنا و تعاليم الدين بحجة ان هذه هى الحرية التى تكفل تثقيف المجتمع و تطويره
و ان المفروض ان الفيلم يبقى له تصنيف معلن وواضح وان كل واحد يختار الفيلم اللى ينسبه و يتفرج عليه بمعنى ان الفيلم يتكتب عليه انه يحتوى على مشاهد إباحية او مشاهد دموية او الفاظ خارجة و المشاهد يختار هو عايز يتفرج على إيه و يدخله بحرية كاملة مثل ما يحدث فى أمريكا

و اتكلم عن الأفلام التى تحتوى على مشاهد إباحية و قال ان بسبب ان الرقابة بتحذف هذه المشاهد اصبح الشباب لما بيشوفوا لقطة فى اى فيلم بيركزوا اوى على هذه اللقطة و يتركوا فكرة الفيلم بعيدآ و هذا يدل على حالة من الحرمان لدى الشباب و ان ايضآ هى سبب إنتشار معاكسات البنات فى الشارع و الحل هو ترك هذه المشاهد

و اتكلم عن فكرة الحرام و الحلال و ان المخرج اللى بيعمل أفلام إباحية يحتمل ان يحمل ذنوبآ و ان من يشاهد هذه الأفلام يحمل ذنوبآ أيضآ و يشترك فيها المخرج إلا ان هذه حرية و كل واحد يعمل اللى على مزاجه و ان الحرية قضية منفصلة عن قضية الحرام و الحلال

طيب و الناس اللى معترضة على هذه الأفكار تعمل إيه؟
الحل انها تعلم أولادها و تربيهم على ان هذه الأفكار ممنوعة و لابد من عدم السب او عدم مشاهدة الأفلام الإباحية و تربيتهم تربية تبعدهم عن هذه الأفكار لكن هذا لا يمنع ان من يريد مشاهدة هذه الأفلام او دخول افلام بها ألفاظ سيئة فهده حرية شخصية و كل واحد يشوف اللى يناسبه
---------------------------------------------------------------------------------------

انا حبيت أنقل الكلام ده مش عشان نشتم فى الراجل او فى القناة
لكن انا وجدت ان كتير من الشباب بيفكروا بالمنطق ده و ان ممكن الواحد يتفرج او يجرب حاجة حرام زى المخدرات بحجة انها للعلم او المعرفة
ده غير الفهم السىء للحرية و علاقتها بالدين.. فحبيت اوضح منطق كتير ممكن يقتنع به

منتظر ارائكم

لما تتوقف قصه او فكره فيلم علي مشهد اباحي اذا فالفيلم كله فيلم اباحي :)