عيب التوكيل واباطرة الميكانيكية عجز عن حلة

**samirayad** · 04-01-2011 04:21 PM

المشاركة الأصلية كتبت بواسطة mmamdouh

مفيش عيب دبرياج يقدر يخنق المكنة

mmamdouh

يعنى لو الدبرياج فوت لحظة التعشيق ومبقاش فيه نقل كامل لقدرة المكنه

وحصل فقد فى قدرة المكنه

برضه مش حيكون فيه خنق للقدره المنقوله من المكنه لمحاور السياره

**MMamdouh** · 04-01-2011 04:31 PM

الخنق حاجة و التفويت حاجة... الراجل بيشتكى ان المكنة مخنوقة و مجابش سيرة تفويت

MMamdouh

**samirayad** · 04-01-2011 04:56 PM

فى الغيار الاو والثانى يوجد خنقة فى الماتور اثناء الدوس على البنزين وخصوصا والعربية سخنة

ولا يوجد امامى حل اخر غير الكارتة اولا انا من الاسكندرية ومعرفش ثمن الكارتة كام

جرب تريح الكارته يوم بفصل الكهربه عنها

وأرجع وصل البطاريه تانى بعد يوم راحه لبروسيسور الكارته

يمكن ربنا يكرم

وترتاح الكارته شويه

وتلاقى أمورك أنظبطت

8- علبة البيئة ولقيتها فراغة من الداخل

شيل دى كمان وحط مكانها ماسوره بفلانشتين

و فبه إحتمال تاني بس بعيد شوية و هو سلك البنزين نفسه اتأكد إنه سليم .

كلام تمام

10-الحساس اللى تحت حساس الايدل

لو تعرف تشاورلنا على صوره لما تقصد يبقى أفضل برضه

المشاركة الأصلية كتبت بواسطة MMamdouh

الخنق حاجة و التفويت حاجة... الراجل بيشتكى ان المكنة مخنوقة و مجابش سيرة تفويت

MMamdouh

ما أنا فاهم يا ريسى

هو أساسا بيشتكى من تناوب وأختلال سحب السياره

هو حيعرف الدبرياج بيفوت أزاى أو المكنه عزمها بيقل

ماهو ده بيعرفه من خلال أحساسه بعجز السياره على التسارع والسحب

اكشف على مجموعة الدبرياج لانها ممكن من السخونيه تضعف

كلام سليم

وخصوصا فيما يخص سوست الديسك

فممكن تكون مركب ديسك نوعيته وحشه

( وكلامى هذا موجه لصاحب التوبيك )

فياريت برضه تدينا فكره

عن نوع الديسك الراكب حاليا عندك

نظرا لأشارتك لتغييرك للدبرياج

وبرضه أدينا فكره

هل الميكانيكى كشفلك على أستواء وش الفلام بتاع المكنه ولا لا .........؟

وقت عمرتك للدبرياج

_______________________

وعاوزك تركز فى كل حاجه أتقالتك مننا وتشيك عليها صح

**أبو صلاح** · 04-01-2011 05:29 PM

انا متابع الموضوع من الاول وشفت كل الردود
بس كنت عايز أقول ان المشكلة دي حصلت معايا في الريو
وقعدت مكبر دماغي لفترة وبعدين زادت جدا في مرة وانا على الصحراوي راجع القاهرة الساعة 2 بالليل لدرجة ان العربية بقت تبطل خالص (مرحلة متطورة)
كان حلها معايا تغيير ماكينة الطرمبة (150ج) صيني ومتصدقش حد يقولك دي بوش الماني لانها برضه صيني
وغيرت فلتر البنزين معاها بالمرة

الدنيا كلها ظبطت 100%
حتى الدوارة بقت اسرع

**samirayad** · 04-01-2011 05:32 PM

كان حلها معايا تغيير ماكينة الطرمبة (150ج) صيني ومتصدقش حد يقولك دي بوش الماني لانها برضه صيني
وغيرت فلتر البنزين معاها بالمرة

دى وجهة نظر طيبه برضه يا أبو صلاح

فممكن مع مواتير الطلمبات التعبانه يحصل سخونه لملفات موتور الطلمبه

ويقل ضغطها مع السخونه

وخصوصا مع تواجد بنزين قليل بتنك البنزين

وضغط بنزين ضعيف ولو لحظيا ..........يعنى عجز فى السحب والتسارع لحظيا وخصوصا على الأحمال الكبيره زى الأول والتانى

**swimmer25** · 04-01-2011 05:38 PM

المشاركة الأصلية كتبت بواسطة samirayad

جرب تريح الكارته يوم بفصل الكهربه عنها

وأرجع وصل البطاريه تانى بعد يوم راحه لبروسيسور الكارته

يمكن ربنا يكرم

وترتاح الكارته شويه

وتلاقى أمورك أنظبطت

البروسيسور ده دائرة الكترونية مش بتتعب فنطفيها شوية ونقوم نشغلها تاني تبقي حصان
لو المقصود انه بيسخن فممكن لان الحرارة بتاثر علي اداء الدايرة...بس برده ترييحها لمدة يوم مش هياثر لانه برده هتسخن..ممكن تكون فيه سخونية جاية علي الكارتة..وده ممكن يتكشف عليه بسهولة
لو المقصود انه يعمل ريسيت للداتا...مش عارف اذا كان ده يعمل ريسيت للداتا او لا..بس اعتقد ممكن يعمل ده عن طريق كشف بالكمبيوتر او يكون فيه زرار ريسيت في الكارتة

هو برده بيقول

فى الغيار الاو والثانى يوجد خنقة فى الماتور اثناء الدوس على البنزين وخصوصا والعربية سخنة

وجد خنقة فى سحب الماتور وخصوصا بعد مشوارطويل وبيظهر قوى فى زحمة السير وليس بشكل ثابت يعنى مش فى كل دوسة بنزين بس بيظهر قوى لما اشيل رجلى من على البنزين وادوس خفيف كذة مرة مع الدبرياج ودة بحكم اى زحمة والعيب يظهر كالاتى صوت الماتور يتخنق سحب ضعيف وفجاءة يظهر السحب المطلوب فجاءة مع الدوس على بدالة البنزين للاخر

فممكن تكون حاجة في الشكمان بتسده او كده..في الميكانيكا انا مش فاهم اوي بس يمكن

**samirayad** · 04-01-2011 05:38 PM

ياريت برضه أخونا صاحب التوبيك يوضح

هل يوجد عنده علبة كانستر ولا لا ........؟

بتكون موجوده فى الانوس جنب الفرده الخلفيه يمين فى بطن العربيه من تحت

ممكن فعلا تكون هى سبب هذه الخنقه فى السحب وخصوصا مع تعرض تنك البنزين للسخونه مع السير البطىء ( على الأول والتانى فى الأماكن المذدحمه )

**samirayad** · 04-01-2011 05:46 PM

البروسيسور ده دائرة الكترونية مش بتتعب فنطفيها شوية ونقوم نشغلها تاني تبقي حصان

من أين لك بهذا الكلام

جرب كده لما الكمبيوتر اللى بتشتغل عليه حاليا يهنج معاك بسبب خلل فى البروسيسور

أو مروحته عطلت شويه

وطفيه شويه وأرجع شغله وظبط أمورك مع مروحته

حتلاقيه رجع زى الرهوان ( وليس الحصان )

لو المقصود انه بيسخن فممكن لان الحرارة بتاثر علي اداء الدايرة...بس برده ترييحها لمدة يوم مش هياثر لانه برده هتسخن..ممكن تكون فيه سخونية جاية علي الكارتة..وده ممكن يتكشف عليه بسهولة

ياريت تبين للراجل أزاى يكشف بسهوله على سخونة الكارته نتيجة مرور التيار الكهربى إليها ( ليل ونهار )

لتشغيل وحدة التحكم