الموضوع: دماغي وقفت !! ممكن دة يكون ليع علاقة بالتفجيرات الارهابية ؟؟؟!!!!

المشاركة الأصلية كتبت بواسطة ganash

هوه من كلامه كده يدل انه مش شغال طيب العربيه المفخخه دى جابها منين ؟؟ لو هوه الى عاملها يبقى معاه شركاء

مظنش الكلام ده صح لسبب اكتر وضوحا هو المتفجرات بقت بتتوزع ولا ايه؟!!

هو حد اداله المتفجرات و العربيه (ده لو كانت العربيه مفخخه اصلا)

المشاركة الأصلية كتبت بواسطة fadod

الواد دة هو اللي نفذ العملية ...العملية ديه استشهادية ...العربية السكودا يملكها واحد مسيحي كان في الكنيسه ساعه الحدث .الانتحاري بيعتقدو إنه كان جنب العربية لما فجر نفسه ف العربية طارت وانقلبت من الإنفجار
الأخبار على ال-bbc بتقول إنه تفجير إنتحاري
bbc news - egypt bomb kills 21 at alexandria coptic church

أول سطرين بيقولو
egyptian officials now believe that an attack on a church which killed at least 21 worshippers in alexandria was the work of a suicide bomber


لو الكلام دة صح يبقي شبهه المؤامره والموساد وامريكا ومتخلف عقليا وماس كهربي ...إلخ كلها خلصنا منها

المفروض البحث الجنائي هيكشف اذا كانت العربيه نفسها مفخخه من عدمه لأن في فرق ما بين اثر انفجار عربيه ملغومه او متفجرات بجوارها

(اخوكم كان طفل من اطفال المدرسه اللي حصل عندها التفجير بتاع رئيس الوزراء عاطف صدقي)

المشاركة الأصلية كتبت بواسطة fadod

معلش أنا مش قادر استوعب الفرق بين إستشهادي وإنتحاري في الوقت الراهن ..ليا 2 مصابيين في الحادث وحالتهم حرجه =..هو بيعتقد إنه بيستشهد لما بيفجر نفسه أو استشهادي ..واحنا بنعتقد إنه إنتحر أو إنتحاري لانه قتل نفسه ..الفرق في المعنيين بيختلف بإختلاف تفكير الشخص وحكمه ...مش عارف أوضح أكتر من كده

فادي
سيبك دلوقتي من الفرق بين المعنيين
اظنك لمست فيا اني عندي تقبل للاخر و احترام ليه و لرأيه
ارجوك اسمع مني الكلام و تقبله بصدر رحب
اولا ربنا يشفي قرايبك و كل المصابين و يرحمنا من اعمال التخريب دي
هل تفتكر ان اللي عمل كده كان قاصد ينصر المسلمين علي المسيحيين؟؟
هل اصلا في حرب ما بين المسلمين و المسيحيين في مصر؟
احنا مصريين في بلد واحده و علاقتنا و جذورنا طالعه من منبت واحد
محاولات التقطيع في جذورنا و تقليبنا علي بعض لو نجحت هتبقي نجحت في فصل جزء من جسد البلد عن باقي الجسم
محدش في مصر هيستفاد اطلاقا
العمليه الارهابيه دي قمه في المكر و الدهاء و فاتحه شر كبير
اول خطوه في انهيار استقرار الدول اجتماعيا هو شحن و تحفيز الفئات المكونه للمجتمع علي بعضها
قبل الحرب الاهليه الامريكيه كانت الشمال الغني و الجنوب الفقير و مسمار جحا كان موضوع العبيد
و في لبنان قبل الحرب الاهليه
و في السودان
و في العراق, و موقف العراق اكتر وضوحا لتفسير الاسباب و الدوافع لأنهم بيقلبو المسلمين علي بعض

احنا لو في مصر قلناها احزاب ما بين مسلم و مسيحي يبقي ضعنا

من امتي اصلا و مجرد ذكر كلمه مسلم و مسيحي انتشرت في مصر؟
ماهو مصر دايما كانت فاتحه اذرعها لكل الاديان و الاعراق و الاجناس
ليه التركيز من فتره علي الفئات المكونه للنسيج الاجتماعي

المخطط العالمي واضح وضوح الشمس

افغانستان كانت الثور الابيض
لبنان سوريا العراق السودان و مصر
و الموضوع مش مؤامرات في عقلي
ده تخطيط و تكتيكات المراد بيها اهداف مستقبليه واضحه و بتخدم الكيان الصهيوني

ارجوك يا فادي انا حاسس بيك فعلا و بالالم اللي جواك
اهدي شويه و راجع نفسك بجد
و اقرا توقيعك و فكر هل هيعجبك ان المسيحيين ينقلبو علي المسلمين نتيجه حادث حقير زي ده؟

المشاركة الأصلية كتبت بواسطة tlrsiap

ده واحد واضح ان عنده خلل عقلي

انا مش قادر اقتنع ان ده دليل على اي حاجة
ببساطة لأن ده لو واحد عارف انه رايح (يستشهد) , هايبقى اصلا فرحان , و مش هايقول وقعة انتحار
الأفكار دي مش افكار واحد في باله انه هايروح يستشهد و بعدين يدخل الجنة

مش شرط علي فكره ممكن لو هو مثقف و واعي كده يكون قادر علي الفصل التام بين تصرفاته و تفكيره و ممكن يكون عنده عرض من اعراض انفصام الشخصيه