504 ماحدش يبخل عليا بالمشورة

السلام عليكم
انا بفكر فى شراء 504 ولقيت ان فيها ميزات كتير مخلية اصحابها متمسكين بيها جدا ومش بيبخلوا عليها زى سهولة البيع والاداء القوى والاعتمادية والاتقان الشديد فى تصميم السيارة ده كفاية تكة الباب وهوا بيتقفل مش موجودة فى الزيرو
اما ما يقلقنى
1 - السيارة موديل سبعينات يعنى اولا ممكن قطع الغيار تنقرض وثانيا موضوع قطع الغيار استيراد اكيد كلها قديمة وطالع عينها
2 - الموتور 2000 سىسى ممكن اعرف هل استهلاكه عالى ولا معقول والضريبة بتاعته كام فى السنة
3 - اعرف ان اللعب فى قطع غيارها والمضروب بالهبل يعنى عن تجربة شفت حاجات ب 300 ونفس الحاجة ب 1200
4 - الميكانيكى بتاعى قلقنى منها وقاللى ان حاجتها بقت غالية جدا لدلاجة ان الموتور وصل 9 الاف !!
ولو سمحتم ممكن اعرف الاسعار الاتية :

مساعدين امامى وخلفى جديد واستيراد
طقم شنبر
عمرة موتور كاملة فى اسوا حالاته
موتور استيراد بالفتيس وبدون
كرونة جديدة واستيراد
كبالن الكرونة
الصاج عموما من رفارف وكبوت وخلافه جديد واستيراد
طقم دبرياج
واى قطع غيار اخرى اكون شاكر لمساعدتى على اتخاذ القرار

قطع غيار البيجو نااااااااااااااااااااااار انا لسه بايع عربيه ولدي مثلا الاكصدام الامامي استيراد ب 700 جنيه وصيني 200 وبتاكل بنزين بس طبعا بتاخد 80

عربيتى بتعمل 60 - 70 كيلو في صفيحة البنزين جوة البلد يعنى خراب بيوت
وحاولت وظبطت الكهربا والكاوتش وكل حاجة ، وعملت الكربراتير عند واحد بتاع كربراتيرات ومفيش فايدة
بس بصراحة هى عربية بس للى غاويها

السلام عليكم اولا

انا حبيت افيدك لانى بصراحة من محبى ال 504 لان والدى عنده واحده وانا عندى بردوا واحدة
العربية اولا ماشاء الله ممتازة فى السواقة والجرى والقرص لان موتورها 2000 سى سى تانى حاجة قطع الغيار معقولة جدا جدا لانى لسة عامل عفشة كاملة واقدر افيدك باسعار قطع الغيار الاصلى مش الصينى خالى بالك جدا من قطع الغيار لان ظهر الصينى كتير


2 مساعدين امامى فرنساوى اصلى 450

كرونة استيراد وعمود كردان جبتهم لعربية والدى ب 700 من حوالى سنة


طقم الدبرياج الاصلى حوالى 450

وعلى فركة بالنسبة للضريبة هى حوالى 300

بالنسبة للبنزين ال 80 ينفع لها جدا جدا عن تجربة
بالنسبة للاستهلاك الى قاله الاستاذ عمرو السقا دا كتير جدا جدا جدا اكيد يا استاذ عمرو العربية عندك مش مظبوطة العربية عندى بتعمل فى السفر 200 كيلو فى الصفيحة وفى البلد حوالى 150 كيلو فى الصفيحة


اتمنى اكون افادتك

ولو محتاج اى حاجة كلمنى على الخاص وانا افيدك

وشكرا

اقتباس:

---

المشاركة الأصلية كتبت بواسطة lovely_love

السلام عليكم اولا

انا حبيت افيدك لانى بصراحة من محبى ال 504 لان والدى عنده واحده وانا عندى بردوا واحدة
العربية اولا ماشاء الله ممتازة فى السواقة والجرى والقرص لان موتورها 2000 سى سى تانى حاجة قطع الغيار معقولة جدا جدا لانى لسة عامل عفشة كاملة واقدر افيدك باسعار قطع الغيار الاصلى مش الصينى خالى بالك جدا من قطع الغيار لان ظهر الصينى كتير


2 مساعدين امامى فرنساوى اصلى 450

كرونة استيراد وعمود كردان جبتهم لعربية والدى ب 700 من حوالى سنة


طقم الدبرياج الاصلى حوالى 450

وعلى فركة بالنسبة للضريبة هى حوالى 300

بالنسبة للبنزين ال 80 ينفع لها جدا جدا عن تجربة
بالنسبة للاستهلاك الى قاله الاستاذ عمرو السقا دا كتير جدا جدا جدا اكيد يا استاذ عمرو العربية عندك مش مظبوطة العربية عندى بتعمل فى السفر 200 كيلو فى الصفيحة وفى البلد حوالى 150 كيلو فى الصفيحة


اتمنى اكون افادتك

ولو محتاج اى حاجة كلمنى على الخاص وانا افيدك

وشكرا

---

تسلم على المعلومات ، حضرتك نورت الموضوع بجد
بس بعد اذن صاحب الموضوع ،
تفتكر مشكلة البنزين عندى حلها ايه ؟
انا ظبطت طقم الكهربا كله وغيرت بيكات الكربراتير جبتهم 110 و 125 وللاسف لسه المشكلة قائمة ، تفتكر ايه الحل ؟؟؟؟؟؟؟
وبما ان حضرتك عندك فكرة عن الاسعار ، لو فكرت اغير الكربراتير اجيب جديد ولا استيراد ومنين وبكام ؟

مشكله الكربراتير حلها بكل بساطه تجيب كربراتير جديد
أنا كان عندى نفس المشكله وغيرت الكربراتير ب_ 700 جنيه ووصل إستهلاك البنزبن عندى ل 260 فى الصفيحه على الطوالى و 220 فى الصفيحه داخل البلد
ده بالنسبه لل305 - 1500 cc
كربراتير ال 504 أعتقد فى حدود ال 400 جنيه وممكن يوصلك الإستهلاك إلى 180 كيلو فى الصفيحه داخل البلد

اقتباس:

---

المشاركة الأصلية كتبت بواسطة hesham_shousha

مشكله الكربراتير حلها بكل بساطه تجيب كربراتير جديد
أنا كان عندى نفس المشكله وغيرت الكربراتير ب_ 700 جنيه ووصل إستهلاك البنزبن عندى ل 260 فى الصفيحه على الطوالى و 220 فى الصفيحه داخل البلد
ده بالنسبه لل305 - 1500 cc
كربراتير ال 504 أعتقد فى حدود ال 400 جنيه وممكن يوصلك الإستهلاك إلى 180 كيلو فى الصفيحه داخل البلد

---

طيب الكارب ب 400 جديد ولا استيراد ومنيييييين ، ولو استيراد اضمن ازاى انه هيشتغل كويس ؟

السلام عليكم


يا استاذ عمرو موضوع تصليح الكربراتير دا عبارة عن نصبة كبيرة اوى من بتوع الكربتيرات ودا عن تجربة شخصية جدا

ويستحسن تبعد عن الاستيراد لو حضرتك عاوز واحد الى هو الكربراتير الكبير الى هو الاصلى بتاع العربية يكون جديد واصلى دا غالى اوى حوالى 2500 جنيه

لكن فى حل تانى الكربراتير الصغير الى عو بعين واحدة ودا لو عاوز تجيبه اسمه زينوكس

دا على فكرة اصلى بص المصنع بتاعه فى الصين بس هو اصلى واحسن وارخص مكان تجيبه منه الصباحى بتاع مجلس الامه لانى سالت عليه برا قالولى دا فرنساوى اصلى لما روحتولا الراجل بصراحة طلع محترم جدا قالللى انه اصلى بس صيبنى ولو فى اى حاجة فى خلال اسبوعين ممكن ترجعهولوا وهو ارخص سعر لان عنده بحوالى 250 جنيه


يارب اكون افدتك وشكرا

نسيت اقول لحضرتك حاجة مهمة ان قبل تغير الكاربراتير فى ميكانيكى معرفة بيشتغل فى البيجو وبس انصحك قبل التغير تروحلوا وهو هيفيدك جدا لانوا متخصص بيجو وبس

البيجو قطع غيارها نار
القديم مشاكله كثيرة
أحنا لسة بايعين 504 موديل تمانين بعد ما صرفت مصاريف غزيرة

لا أنصحك بشراءها إلا لو عايزها لإستخدامات خاصة بالنسبة لل 7 راكب مثلاً

لكن لو عايزها إستخدام شخصي بلاش أحسن

اقتباس:

---

المشاركة الأصلية كتبت بواسطة lovely_love

السلام عليكم


يا استاذ عمرو موضوع تصليح الكربراتير دا عبارة عن نصبة كبيرة اوى من بتوع الكربتيرات ودا عن تجربة شخصية جدا

ويستحسن تبعد عن الاستيراد لو حضرتك عاوز واحد الى هو الكربراتير الكبير الى هو الاصلى بتاع العربية يكون جديد واصلى دا غالى اوى حوالى 2500 جنيه

لكن فى حل تانى الكربراتير الصغير الى عو بعين واحدة ودا لو عاوز تجيبه اسمه زينوكس

دا على فكرة اصلى بص المصنع بتاعه فى الصين بس هو اصلى واحسن وارخص مكان تجيبه منه الصباحى بتاع مجلس الامه لانى سالت عليه برا قالولى دا فرنساوى اصلى لما روحتولا الراجل بصراحة طلع محترم جدا قالللى انه اصلى بس صيبنى ولو فى اى حاجة فى خلال اسبوعين ممكن ترجعهولوا وهو ارخص سعر لان عنده بحوالى 250 جنيه


يارب اكون افدتك وشكرا

---

انا شاكر لحضرتك جدا على المعلومات دى وطالما ب250 يبقى كويس جدا حتى لو صينى ، بس هل هو بيكتم العربية في السحب ولا مش بيأثر ؟
وانا متأسف جدا لصاحب الموضوع لأنى دخلت في موضوع تانى

طيب انا كده تهت منكم !!
العربية زى لسة اسد وكل قطع غيارها فى السالك زى ما بعض الناس بتقول ولا اسد عجوز وهرازى نفسى بقطع غيار نار زى ما البعض الاخر بيقول انا اهم حاجة عندى العربية تكون عملية يعنى انا عارف ان البيجو فى الاداء وحش ولكن ما يمنعش ان اى عربية مستعملة هاتصرف كتير وفيه فرق لما تصرفلها 1000 ولما الاقيها محتاجة 10000
وارجو برضه الافادة فى
مساعدين امامى وخلفى جديد واستيراد
طقم شنبر
عمرة موتور كاملة فى اسوا حالاته
موتور استيراد بالفتيس وبدون
كرونة جديدة واستيراد
كبالن الكرونة
الصاج عموما من رفارف وكبوت وخلافه جديد واستيراد
طقم دبرياج
وخالص شكرى لكل الردود

اقتباس:

---

المشاركة الأصلية كتبت بواسطة keko

عمرة موتور كاملة فى اسوا حالاته

---

تكلف حوالي 5000 جنيه

اقتباس:

---

المشاركة الأصلية كتبت بواسطة keko

موتور استيراد بالفتيس وبدون

---

موتوربالفتيس سعره حوالي 9000 جنيه

اقتباس:

---

المشاركة الأصلية كتبت بواسطة keko

كرونة جديدة واستيراد

---

كرونة إستيراد 500 جنيه

اقتباس:

---

المشاركة الأصلية كتبت بواسطة keko

الصاج عموما من رفارف وكبوت وخلافه جديد واستيراد

---

كبوت استيراد = 650 جنيه
رفرف استيراد = 200 جنيه

اقتباس:

---

المشاركة الأصلية كتبت بواسطة ahmed1981

تكلف حوالي 5000 جنيه

موتوربالفتيس سعره حوالي 9000 جنيه

كرونة إستيراد 500 جنيه

كبوت استيراد = 650 جنيه
رفرف استيراد = 200 جنيه

---

اولا الف شكر على الرد
ثانيا انا كدا قلبى هايوقف يعنى الميكانيكى ماغلطش لما قالى ابعد عنها دا الموتور وصل 9 الاف جنيه

يا جماعة انا راجل راكب 504 من سنين واقول لكل الناس عربية كويسة وقطع غيارها ببلاش


فعلا انا سمعت ان الموتور الاستيراد وصل 9000


بس حضرتك ليه هتتطر لموتور جديد انت ممكن بعمرة ترجع الموتور احسن من الاستيراد لان عمرتها سهله جدا لانك بتغير طقم البساتم بالشميز بواحد جديد فرنساوى اصلى وكل حاجتها موجودة ومتوفرة ورخيصى والعمرة ممكن تتكلف فى حدود 4000 بالكتير اوى اوى

بالنسبة للصاج الرفرف بحوالى 80 جنيه وده صناعة برتغالى وصاج حلو وتقيل ومحمل

اقتباس:

---

المشاركة الأصلية كتبت بواسطة lovely_love

يا جماعة انا راجل راكب 504 من سنين واقول لكل الناس عربية كويسة وقطع غيارها ببلاش


فعلا انا سمعت ان الموتور الاستيراد وصل 9000


بس حضرتك ليه هتتطر لموتور جديد انت ممكن بعمرة ترجع الموتور احسن من الاستيراد لان عمرتها سهله جدا لانك بتغير طقم البساتم بالشميز بواحد جديد فرنساوى اصلى وكل حاجتها موجودة ومتوفرة ورخيصى والعمرة ممكن تتكلف فى حدود 4000 بالكتير اوى اوى

---

هوا مش موضوع عربية محتاجة موتور بس قبل ما اشتى لازم احط اسوا الفروض واشوفها مناسبة لامكانياتى ولا لا وانا عارف ان العمرة افضل للبيجو وفى نفس الوقت سعر الموتور يحدد حاجات تانية كتير زى المارش والدينامو والفتيس وطرمبة الزيت والكاربراتير الخ لان الموتور الكامل بيكون معاه كل دول فلما موتور اللادا مثلا يكون ب 2000 كامل والمارش ب 200 يبقى المفروض اعرف ان مارش البيجو ب 900 تقريبا ولا ايه ؟؟

اقتباس:

---

المشاركة الأصلية كتبت بواسطة lovely_love

بالنسبة للصاج الرفرف بحوالى 80 جنيه وده صناعة برتغالى وصاج حلو وتقيل ومحمل

---

السعر ده ممتاز جدا فى الصاج

الفتيس سعره كام

لا لا لا لا لا
يا كيكو العربه زى الفل و ادائها زى الفل و بالنسبه للجرى انا جريت مع عربيات كتير زيرو و اخر مره جريت جبت بيها 180 عند المنصه و انا اول مره اسمع ان متورها ب 9 الاف
اذا كان المتور ال2200 سى سى بتاع ال504 التيربو انجيكشن عامل 7 الاف و ال 2300 الديزيل الامريكانى بتاعها
عامل 7000 فى بور سعيد مرمى و مش لاقى الى يشيلو
ازاى بقى متورها ب 9000 و العربيه ادائها حلو و
انا اخر واحد فى الدنيا يفكر يبيع العربيه دى

اقتباس:

---

المشاركة الأصلية كتبت بواسطة lovely_love

بالنسبة للصاج الرفرف بحوالى 80 جنيه وده صناعة برتغالى وصاج حلو وتقيل ومحمل

---

لو سمحت يعنى يا باشا
فين الرفرف الى ب 80 جنيه ده
انا سالت عليه فى التوفقيه قالولى ب 180 مش 80

منتظر ردكم سعر فتيس البيجو 504 موديل 77
عامل كام