الموضوع: مقارنة لسيارة فى حدود 100 الف

المشاركة الأصلية كتبت بواسطة hfekry

السلام عليكم ورحمة الله وبركاته
كل عام وأنتم بخير
لى صديق محتار فى شراء سيارة وقولت أعرف رأيكم
الميزانية المتاحة : 100 الف جنيه
الاختيارات المعروضة
تويوتا كرولا 1600 أتوماتيك موديل 2007
نيسان صنى أتوماتيك فول أوبشن زيرو
بى أم دبيلو 318 موديل 2000
أرجو التكرم بإعطائى آرائكم
وشكرا

There's nothing compard the BMW drive , but you should search thoroughly for a good condition & new gearbox(steptronic) , & also keep in mind you're driving an executive car, so spares must be more expensive , you can find spare parts prices in this link:
http://www.nilemotors.net/Nile/19113...98-2002-a.html

اولا ابعد عن الصنى تماما نصيحة لوجه الله
دى تكنولوجيا من 2001 والا 2000 وعمالين نجمع فيها لحد دلوقتى .
النترا احسن من الصنى ودا عن تجربة

ولحد دلوقتى لى صديق كان خلاص هيجيب الصنى وانا فضلت اقنعه بالانترا زدلوقتى بيشكرنى كل ما يشوفنى لانه فهم قصة الصنى .


التويوتا كورولا 2007 العربية دى اكثر عربية اتباعت فى التاريخ على مستوى العالم
عربية ناعمة جدا وتقفيلها رائع واستهلاك بنزين رائع وسحب ممتاز وثبات معقول
وعموما هى مريحة اوى وواسعة وانتخة ما بعدها انتخة

البى ام دبليو طبعا انت بتتكلم فى عربية فات عليها 10 سنين
انا معاك المانى وبى ام

بس شوف قطع الغيار بقى والصيانة والقصص دى هتبقى قلق
وبالنسبة للعربية لاتتصور انها مركبة فضائية يعنى واحنا فى مصر بنبالغ فى تقديس المرسيدس والبى ام

فى اى بلد بره بى ام موديل 2000 هتلاقيها برخص التراب
وهتلاقى ان كورولا 2007 اغلى بشكل واضح .


بس صحيح سعر الكورولا ال 2007 برده مبالغ فيه فى المستعمل والناس مزودينها برده اوى
يعنى بصراحة ميدفعش فيها 100 الف خصوصا ان احنا بنتكلم فى مستعمل

كورولا 2007 اخرى ادفع فيها 80 الف مثلا او اقل كمان .

فى عندك عربيات احسن


جولف 2006 مثلا او 2007 وبتكلم عن الجولف 5
فى عندك الفيكترا 2007 و 2008 بيتكلموا فى 100 الف الى 110 الف
فى الاسترا والبيجو 307 ودول من 80 ال 100 وممكن توفر فلوس كمان ااهو

فى صحيح الرائعة مازدا 3
ب 100 الف تجيب واحدة 2008 او 2007 كاملة الى اسمها ايرو
عربية تحفة .


نصيحة حاول تلقط عربية من دول
لانك هتركب حاجة محترمة بسعر مميز
وفى عربيات كتير من دى حالتها ممتازة جدا
متفتكرش انها هتفرق كتير عن الزيرو

المصريين شعب بيحافظ على العربيات عموما خصوصا العربيات الغالية بشكل عام .


انا بصراحة اول ما ربنا يرزقنى بفلوس
هبيع الياريس وازود واجيب جولف 5 2007 او 2008

وهتعمل فى حدود من 110 الى 115 او 120 حسب الحالة

وفى منها ب 100 لو بتتكلم فى 2005 او 2006

دى احسن من البى ام ال 2000 ال 318


لو هنتكلم فى زيروا

ابعد عن الصنى

ممكن البومة ولو انى لا احبزها

فى الفيات بونتو ايفو روعة صراحة
فى الالنترا رائعة برده ولو ان الشكل الجديد هينزل خلاص
ممكن تزود شوية وتجيب اول فئة اوتو فى السيراتو


عموما رقم 100 الف فى الزيرو متعب ومحير
انا كنت فى نفس الحيرة دى

بس دلوقتى خلاص بقيت مؤمن بانى اجيب مستعمل المانى او اوروبى عموما احسن ما اجيب يابانى والا كورى زيرو

المشاركة الأصلية كتبت بواسطة zezmograby

100 الف حرام في عربية مستعملة
وحرام في عربية كوري
يزود كمان 6 الاف ويركب سوزوكي sx4
ياباني وزيرو وشكلها جامد جدا
الكورولا دي فيها عيوب كتير لوالفتيس mmt

غير كدا ممكن لانسر كسر زيرو صفقة رابحة

لو شفت الفيكترا الى انا شفتها وكانت 2007 ومطلوب فيها 105 الف وممكن اخلصها على 100
حقيقى هتقول تستاهل وتستاهل

حاجة تانية خالص وفئئة تانية والعربية كانت 60 الف كيلو تقريبا وزيها زى الزيرو مفيش حتى خربوش .

العربية دى صاحبها كان جايبها ب 175 الف .


فى برده الجولف 5

العربيتين دول بجد صفقة رابحة جدا .

خصوصا الجولف .

المشاركة الأصلية كتبت بواسطة romioramy

_________________________________
بص يا باشا رأي الشخصي كالتالي :-
1- تويوتا كورولا - لو بتحب العربيات اللي سعرها قطع الغيار في متناول الجميع - واسعة - تكييف ممتاز عائلية - بتشم البنزين و موفرة جدا و معمرة ايضا و لهذا هو الإختيار الأول .
2- ب ام - عربية ما يختلفش عليها اتنين - بس خلي بالك من حاجة العربية موديل بعيد يعني حتحتاج صيانة من العيار الثقيل و التكلفة مش قليلة بالالاف علشان تبقا عارف - انا بتكلم علي الاوريجنال طبعا .بس عربية شياكة و فخامة و ماتور عفي جدا و ثبات ما فيش زيه .
3- النيسان صني - مش هتكلم عليها علشان ما بحبهاش خالص و لا شكل و لا طعم و لا لون .. مع إحترامي لكل مالكي الصني بس ده رأي الشخصي فقط و لا يقلل من شأن العربية في شيء .

اتمني اكون افدتكم ،،،

هو حضرتك جربت العربية النيسان عشان تحكم عليها