الموضوع: مانويل جوزيه في الأهلي...كلاكيت تالت مرة

ادارة الاهلي كان قدامها 3 اختيارات عودة جوزيه او بقاء زيزو او مدرب اجنبي بديل
الحل اللي بفضله كان مدرب اجنبي بديل بس دة كان معناه ان الدوري السنه دي خلاص و ممكن كمان بطولة افريقيا لان اي مدرب مش هيلحق يصلح عك البدري في الدور التاني

ادارة الاهلي اختارت الحل الاسهل و هو المدرب الاجنبي اللي حافظ الفريق و ممكن يلحق يعمل حاجة الموسم دة

انا مختلف تماما مع اللي بيقول ان جوزيه فشل في السعوديه او في انجولا لان نجاج اي فريق او استمرار نجاح اي فريق مربط بمدرب جيد مع لاعيبه كويسيين و ادارة مستقرة في انجولا الراجل مكنش معاه لعيبه علي مستوي عالي و هو نفسة قال قبل البطوله انه بيوعد بالدور الثمانيه علي الاقل و نفذ وعده

و مع الاتحاد السعودي لعيبه السعوديه مرفهين جدااااااا مينفعشي معاهم مدرب حازم زي جوزيه عايز استمراريه عطاء و من اول ماتشين تلاته كان مقعد احسن لاعب و هو محمد نور جنبه علي الدكه

في الاهلي دلوقتي مجموعة لعيبه كويسيين جدااااا عايزين مدرب فاهمهم و حافظ الكورة المصريه و اعتقد كله فهم و شاف ان لعيبه جامدة من غير مدرب كويس ملهومشي لازمه و كله فهم ان كلمه الاهلي مليان نجوم و اي حد يدربهم كلمه خاطئة تماما

اتمني بس يغير شوية من سياسته و هي الاعتماد علي عدد محدد من اللعيبه

و في النهايه احنا كأهلاويه بنحب النادي الاهلي نفسه سواء بقي مع جوزيه مع غيرة ميهمناش غير النادي ربنا يوفقه ان شاء الله