أعمل اية

**beeronasr** · 28-03-2008 11:10 PM

لو سمحتوا يا شباب أنا جبت لانسر اتوماتيك 1600 سىسى خليجى 2008 الشكل القديم و مشيت 1500 كيلو لغاية دلوقتى من غير ما أغير زيت دى تعمل مشكلة للموتور؟
و كمان مش عارفة استعمل زيت نوعة اية؟
منتظرة ردكم و شكرا أوى
أختكم الجديدة ـ عبير

**اسلام المصرى** · 28-03-2008 11:33 PM

بسم الله الرحمن الرحيم
أهلا وسهلا يا أخت عبير معانا فى أسرة "نايل موتورز" أولا ألف مبروك العربية ربنا يعطيكى خيرها و يبعد عنك شرها.
المفروض حضرتك كنت غيرتى الزيت عند ال1000 كم و فلتر الزيت برده , ان شاء الله مفيش مشاكل على الموتور بس يفضل تغيير الزيت و الفلتر عند ال1000 , لو حضرتك هتعملى صيانة خارج التوكيل على أساس أنها خليجى "بدون ضمان" ممكن تستعملى أى زيت موبيل - شل - أمارات مصر - و لو حضرتك هتعملى صيانة فى التوكيل ممكن برده تستخدمى الزيت اللى يريحك على أساس أن حضرتك ممكن تجيبى الزيت معاكى , التوكيل بيستخدم زيت موبيل عادة يتم تغييره كل 3000 ألاف كم أو زيت موبيل وان و يتم تغييره كل 10000 ألاف كم , أنا عن نفسى بستخدم زيت موبيل وان و مرتاح , فى أخوة أفاضل معانا هنا فى المنتدى بيستخدموا زيوت شل و برده بيشكروا فيها و مرتاحين معاها , يعنى حضرتك ممكن تختارى بين زيت موبيل كل 3 ألاف أو زيت موبيل وان كل 10 ألاف أو زيوت شل بمختلف أنواعها و أرشح لحضرتك شل :) ان شاء الله أنا ناوى أغير لشل بس بعد ما الضمان ينتهى , منعا لحدوث أى مشاكل........
أنصح حضرتك مرة تانية بضرورة تغير زيت الموتور فى أقرب وقت , أى محطة بنزين موبيل أو شل ينجزوا المهمة ديه فى ظرف 10 دقائق و بالتوفيق ان شاء الله , و أنا تحت أمر حضرتك لو فى أى أستفسار أخر.

**beeronasr** · 29-03-2008 01:41 PM

ألف ألف ِكر يا أ- اسلام

**مازن الطويل** · 29-03-2008 06:31 PM

انا مشيت علي الزيت الاولاني لحد 5 الاف كيلو ومحصلش حاجة

**beeronasr** · 29-03-2008 08:28 PM

أنا غيرت الزيت النهاردة ب موبيل XP 5000 kilo و رفضوا يغيروا الفلتر و قالوا انة كويس أوى و الفلاتر الى عندهم أقل جودة من الاصلى بتاع العربية.
وقالوا كمان: غيرى بزيت 5000 بسرعة و قبل ما يكمل 5000 كيلو أحسن ما تستعملى نفس الزيت و تحرقى فية 10000 كيلو كاملين ودة حتى لو كان أجود؟
مش عارفة الكلام دة صح ولا غلط بس أنا سمعت الكلام. ؟!

**atolba** · 30-03-2008 12:29 PM

not true ! cause the 10,000 kilometer oil is not only made to stay more than the 5000 but it is also much more better that the other one it is fully synthetic it can withstand extreme driving conditions and still dont change it`s specification those guys who are saying so dont know about the function of each type and how each type is made

**محمد عز** · 30-03-2008 12:55 PM

على الفكرة الموضوع غير كده خالص
تغيير الزيت بعد اول الف كليو
علشان الموتور يبقى فى حالة تليين وبيبقى فيه رايش متناهي الصغر نتجية التشغيل
علشان كده يتم تغيير الزيت كله واضافه زيت جديد

**اسلام المصرى** · 31-03-2008 07:36 PM

المشاركة الأصلية كتبت بواسطة beeronasr

ألف ألف ِكر يا أ- اسلام

بسم الله الرحمن الرحيم
الشكر لله.
أحنا تحت أمرك.

المشاركة الأصلية كتبت بواسطة مازن الطويل

انا مشيت علي الزيت الاولاني لحد 5 الاف كيلو ومحصلش حاجة

الأفضل حضرتك كنت غيرته عند الألف. الحمد لله.

المشاركة الأصلية كتبت بواسطة casber

على الفكرة الموضوع غير كده خالص
تغيير الزيت بعد اول الف كليو
علشان الموتور يبقى فى حالة تليين وبيبقى فيه رايش متناهي الصغر نتجية التشغيل
علشان كده يتم تغيير الزيت كله واضافه زيت جديد

تمام تمام , نفس الكلام سمعته فى التوكيل و خارج التوكيل , و الله تعالى أعلم.
شرط سريان الضمان بالنسبة "للمصرى" عند الألف تغيير الزيت و الفلتر!