الاكسسوارات بسعر الجمله

**h_zahra** · 01-01-2011 01:30 PM

اصدقائى
نزلت يوم الجمعه من البيت صباحا وانا كالعاده احب التسوق يوم الجمعه
نزلت التوفيقية
ولاقيت حاجة جديده
محل دورين فاتح على الشارع الرئيسى (رمسيس)
المحل جديد مش عارف اسمه بصراحه
بس المهم
ان لقيت الاكسسوارات بسعر الجمله
بدل تعب الفصال مع الاكشاك الصغيره داخل التوفيقية
على سبيل المثال
جبت منظف الرشاشات بسعر 13.5 واقل سعر له داخل السوق 18
جبت استيكرات بلاستيكيه واكسسوورات الصالون باسعار جميله
تصل إلي 2.5 فى بعض الاحيان
الموضوع مش دعاية .. انا معرفش الناس دي
بس اخوانى فى المنتدى من حقهم يعرفو ويلقوا نظره
اخوكم حسام

**Ashraf_Ibrahim** · 01-01-2011 02:15 PM

جميل جدا جدا جدا
كل الاكسسوارات موجودة هناك؟!
يعني لو حبيت اجيب اريال للعربية او فانوس او ما شابه هلاقيهم هناك؟!
ياريت بس توصفلنا بالظبط من اول شبرا هروح ازاي هناك؟!

**h_zahra** · 01-01-2011 02:31 PM

المشاركة الأصلية كتبت بواسطة ranger

جميل جدا جدا جدا
كل الاكسسوارات موجودة هناك؟!
يعني لو حبيت اجيب اريال للعربية او فانوس او ما شابه هلاقيهم هناك؟!
ياريت بس توصفلنا بالظبط من اول شبرا هروح ازاي هناك؟!

شوف يا سيدى
المحل مساحته كبيرة جدا ودورين
اكيد في حاجات كتير ، شوفت فوانيس وشوفت ارايل الموديلات القديمة والجديدة
انا بصراحة معرفش تروح اذاي من شبرا بس لو انت وصلت لغاية شارع رمسيس والاسعاف
هتلاقى اللي انا بقول عليه

**h_zahra** · 01-01-2011 02:36 PM

المشاركة الأصلية كتبت بواسطة hema_lancer

طيب كويس انه باعلك عادي
اصل كل الجمله بتوع الكماليات بيبيعو جمله فقط محدش بيبيع قطاعي
انا عارف المحل ده مش اللي قدامه موتيسكلات عجيبه :))))

لالالالا
المحل اللي بتقول عليه ده جوه السوق من ناحية السينما عارفه اسمه بطراوي باين مش عارف
المحل اللي انا اقصده بره خالص
ناحية اولاد فتح الباب شارع رمسيس الرئيسيى وده محل جديد
وحاطط الاسعار على الحاجة يعنى مش محتاج حتى تسال
انا اتفاجئت بيه لانه فعلا اسعار جمله
اشتريت حاجة صغيره مليت شنطه كامله ودفعت 44ج
كان من ضمنهم منظف راشاشات بـ 13.5 وكان من ضمنهم بدالات اللي بتتحط فوق دواسات او بدلات العربية