الموضوع: حصريا أول تقرير عن ال i 20 بمناسبة العام الجديد

بسم الله الرحمن الرحيم

السلام عليكم ورحمة الله وبركاته,ده إن شاء الله أول تقرير اعمله في هذا المنتدى الرائع,وهيكون عن ال hyundai i 20.


نبدأ التقرير

أولا مواصفات العربية:

عدد السلندرت:4, 16 valve
سعة المحرك : 1400 cc
القوة بالحصان : 100hp @ 5500 rpm
عزم الدوران : 137Nm @4200 rpm
ناقل الحركة:اتوماتيك
وزن العربية : 1110kg
قاعدة العجلات : 2525mm
سعة تنك البنزين :45 لتر
نسبة الانضغات:10.5:1
التسارع من 0-100 حوالي 13 ثانية
نظام التوجيه : كهربة يقسو مع السرعة
نظام الفرامل: مانعة للانغلاق (ABS)
مقاس الكاوتش:175/70 R14


ثانيا
صور العربية:

دي صورة من الامام نلاحظ إنها واخدة شوية من ال i30



صورة العربية من الخلف



صورة من الجانب



صورة موتور العربية وضعه غريب, تحس إنه مايل على ورا شوية
و منظم ومش مقفول يعني كل حاجة باينة.بس صوته هادي مش مزعج



صورة الشنطة من الداخل مساحة معقولة بنسبة إنها هتش بك



صورة الشنطة بعد تني الكنبة والمساحة كبيرة فعلا



صورة الستبن وهو مش إطار كامل ,يعني يوصلك لاقرب واحد بتاع كاوتش



صورة الباب الامامي من الداخل



صورة التبلوه



صورة الكاسيت


صورة شاشة المعلومات و بتظهر كلمة هيونداي أول لما تشغل العربية



وبعد كده بتظهر عداد trip A و trip B و عداد اخر بيقيس زمان تشغيل العربية من ساعة لما دارت لحد لما بطلت



صورة للعدادات,عداد السرعة وعداد ال rpm وعداد البنزين وعداد الحرارة



صورة درج الموجود في ال تابلوه و مساحته كبيرة



و دي فتحة التكيف موجودة داخل درج التابلوه



صورة الفتيس



صورة زراير الزجاج والمرايات الكهربا



صورة الكنسول اللي بين الكرسيين الأمامية



دي مساحة الكنبة الخلفية في ال وضع الطبيعي للكراسي الأمامية



دي بعد ترجيع الكرسي للاخر



مميزات السيارة:
1-عفشه مريحة
2-صالون واسع مش ضيق
3-عزل ممتاز
4-تسارع جيد
5-ثبات جيد جدا مقارنا بل new accent
6-الركسيون بيتقل مع السرعة فعلا
7-فرامل ممتازة
8-أول مرة أشوف عربية hyundai بل كاسيت الأصلي
العيوب :
1-مفيش مسند يد امامي ولا خلفي
2-بعض عيوب في التقفيل
3-سعر مبالغ فيه شوية
4-مفيش جراب للنضارة في السقف
5-مفيش نور في السقف عند السائق
دي عيب العربية لحد دلوقتي اللي اكتشفتها
في المجمل العربية حلوة وتنفع أسرة صغيرة أو الشباب والبنات بس سعرها مرتفع شوية بس أنا اتوقع إنها مش هتنتشر كتير.

يارب التقرير يكون كويس وماكُنش نسيت حاجة,التقرير ده من مجهودي الشخصي و اهداء ل نايل موترز ,والله الموفق

السلام عليكم ورحمة الله وبركاته