-
جميل جدا جدا جدا جدا يا جماعة يعني كرأي مبدئي هوة اننا استقرينا على اجازة نصف العام الدراسي اللي ها تكون في خلال 30 يوم تقريبا من الأن بحيث يكون فيه متسع للكل من الناس اللي بتشتغل واللي بتدرس انه يتقابلوا وكتقدير مبدئي المكان هوة مدينة الرحاب وفي انتظار بقية ارآء الإخوة الأعضاء في مكان آخر او موعد آخر عشان نشوف الآرآء فين الناس عايزاها... وفي انتظار آرآء كبار رجال بروتون عشان نشوف فكرة اللوجو ..
-
بالنسبه للوجو يا جماعه هنخلي النمر هوه شعار اللوجو و هنكتب علي اللوجو Proton Knights واللتي تعني فرسان بروتون و بكدا مش هيبقي في فرق بين جين 2 او برسونا او ساجا او واجا او ويرا او اي حاجه تانيه من موديلات بروتون و يبقي الشعار ده خاص بالناس اللي هنا في المنتدي و معاهم بروتون و هيبقي البادج علي مساحه مش كبيره اوي يعني نقدر نحطوا ورا علي الزجاج اللي ورا و مش هيضايق اللي سايق و مش هيبقي في مشاكل و منها كلنا نعرف بعض اول ما نشوف اللوجو ده انا انهارده هظبطلكم كام لوجو كدا من تصميمي الشخصي و ياريت يا جماعه اللي ليه في التصميمات بردوا يعملنا كام تصميم كدا علشان يبقي عندنا اكتر من لوجو و نشوف اي لوجو منهم اللي هنطبعوا و نسلموا للناس و اعتقد المبلغ هيبقي شيء رمزي فقط ثمن الطباعه مش اكتر
-
معاكوا في المقابلة في نصف العام ..
اما بالنسبة للوجو فممكن اشارك بكام تصميم كدا بس في اخر الشـهر لاني مشغول بمشروع التخرج والامتحانات ..
بالتوفيق
-
لى راى طالما استقرينا على الكلمة
knights proton
يبقى كل واحد يشترى الحروف ويلزقها على السيارة وده سوف يبقى اسهل من جمع فلوس و طبع استيكر وتوزيعه
بس نتفق على اللون وشكل وحجم الحروف ومكان اللزق عشان نبقى واحد
ومش مهم يكون فى رسمه مع الكلام لان فى الاصل الكلمة ليها معنى ومعروفه بس لرواد المنتدى قسم بروتون
-
بالنسبه للبادج او اللوجو يا استاذ محمد اعتقد هيبقي افضل شويه و هيبقي ظاهر عن الحروف انا كتبت كلمة proton Knights كدا علي لوجو عملتوا سريعا كدا و اعتقد في كلمة كمان هتبقي حلوه جدا و هي Proton Tigers و هي نمور بروتون فكنت عاوز اعرف اراّكم انهي احسن فرسان بروتون ولا نمور بروتون و نتفق علي الكلمه و كلنا نقوم بالتصميم اللوجو و كتابة الكلمه المناسبه و ده اللوجو اللي بقولكم عليه
http://sphotos.ak.fbcdn.net/hphotos-..._4692825_n.jpg
اعتقد لو كتبنا Proton Tigers هتبقي افضل لأن اللوجو الخاص ببروتون في الاساس مستوحي من شكل النمر و الكلمه هيبقي معناها نمور بروتون ايه رأيكم ؟
Content Relevant URLs by
vBSEO 3.6.0 PL2