بخصوص الزميل أحمد سامى Horsepower

**Sameh** · 01-01-2011 07:37 PM

أصدقائى رجالة الهوندا

فى مقابلة هوندا اللى فاتت فى المقطم واللى تشرفت بحضورها كان فيه مناقشة وطلب مشترك بين الحاضرين بخصوص عودة زميلنا م / أحمد سامى للعودة للمنتدى بالأكونت بتاعه Horsepower

يمكن معظمكم فاكر إيه اللى حصل ، وهو بإختصار شديد للى مايعرفش كان حصل شكوى من أحمد سامى ضد أحد الأعضاء بخصوص إستخدامه الفاظ غير لائقة لوصف قسم الهوندا ، ولجنة فض المنازعات رأت إن الأعضاء بما فيهم أحمد سامى ردوا على العضو اللى قال الكلام ده إلى حد ما و بالتالى كان القرار أقل صرامة مما توقعه بعض أعضاء الهوندا بما فيهم Horsepower
وبناء عليه خاطب أحمد سامى اللجنة وقالهم إن العقوبة غير كافية وبطل يدخل المنتدى لفترة إعتراضاً على حجم العقوبة ، وأرسل إلى اللجنة مسجلاً إعتراضه

بعد فترة تم إيقاف الأكونت الخاص ب Horsepower

النهاردة بعد الأحداث دى بشهور ، كان فيه إجماع أثناء المقابلة إن الموضوع تطور وأخذ أكبر من حجمه ، وخصوصاً إن العضو اللى خرج بره المنتدى كلنا بنحترمه وعارفينه من المقابلات والمشاركات بشكل شخصى

أنا بعمل الموضوع ده هنا فى الهوندا لأخذ الآراء مبدئياً إيه رأيكم فى الطلب من الإدارة رفع الإيقاف عن الأكونت Horsepower وخصوصاً انه موقوف ليس بسبب عقوبات ولكن لقرار صاحبه عدم المشاركة فى فترة من الفترات نتيجة ظروف معينة
فإذا كان هناك إجماع على نفس الرأى ممكن نطلب من الإدارة الإطلاع على الموضوع هنا والنظر فيه من جديد ، وإذا كان أحدكم لديه رأى آخر فليتفضل ويعلنه

فى إنتظار آرائكم ؟

**Hamdy Masria** · 01-01-2011 08:02 PM

اضم صوتى لصوتك

**M!SHO** · 01-01-2011 08:59 PM

الموضوع ده كان أتفتح قبل كده والأداره مكانتش ممانعه أنه يرجع

أنا مش عارف هو أتوقف ليه !!

على العموم الأستاذ أحمد سامى من الناس المحترمه وعن نفسى أستفدت منه وأكيد نفسى يرجع

**tarekzein** · 01-01-2011 11:24 PM

طب عشان الموضوع يبقى منظم

ويحقق الهدف المطلوب

كل واحد يدخل الوضوع يعمل تقرير مشاركه

ودى أكتر حاجه بيشوفها المشرفين والإداره

وفقا لكلام كريم منير نفسه

فياريت الكل يشارك ويكتب رأيه فى تقرير المشاركه

شكرا يا سامح لإثارة الموضوع

تحيه من القلب

**SAMEH_FOUAD** · 01-01-2011 11:34 PM

ياباشا انا كلمت احمد سامى وان شاء الله يرجع وربنا يسهل ويقتنع

**Yones** · 02-01-2011 01:47 AM

طبعا مع كامل احترامى لطرفى النزاع واحترامى لجميع اعضاء المنتدى والادمنز وانا شوفت التوبيك اللى حصل فيه النزاع بالفعل وده كان من فترة طويلة شوية
بصراحة شايف ان الزميل دكتور هلمنز كان اسلوبه حاد فى التعبير عن رايه وكان بيقارن بين منتدى نايل موتورز ومنتديات اسيوية مع ان فيه فوارق فى الامكانيات والاوبشنز اللى بتنزل هنا وهناك طبعا كل واحد ليه حرية فى التعبير عن رايه بصدق بس مع مراعاة احترام اراء الاخرين ومراعاة مشاعرهم
وطبعا مش قصدى اسئ لاى حد وياريت اننانراعى بس النقطة دى ونحترم اراء بعض دايما ومنستخدمش اساليب تحرج وتجرح شعور الاخرين او توصفهم بالرجعية او اى شئ جارح لانى بجد بحترم المنتدى ده جدا جدا وخصوصا منتدى هوندا واستفدت منه كتير وبحترم كل اعضائه
واسف على الاطالة

**SaberMan** · 02-01-2011 12:38 PM

يا ريت يرجع طبعا و يشاركنا بمواضيعه الجامده زى زمان و شكرا يا استاذ سامح على الفكره .

**Sameh** · 02-01-2011 01:42 PM

المشاركة الأصلية كتبت بواسطة hamdymsr

اضم صوتى لصوتك

المشاركة الأصلية كتبت بواسطة hesham hamza

الموضوع ده كان أتفتح قبل كده والأداره مكانتش ممانعه أنه يرجع

أنا مش عارف هو أتوقف ليه !!

على العموم الأستاذ أحمد سامى من الناس المحترمه وعن نفسى أستفدت منه وأكيد نفسى يرجع

المشاركة الأصلية كتبت بواسطة tarekzein

طب عشان الموضوع يبقى منظم

ويحقق الهدف المطلوب

كل واحد يدخل الوضوع يعمل تقرير مشاركه

ودى أكتر حاجه بيشوفها المشرفين والإداره

وفقا لكلام كريم منير نفسه

فياريت الكل يشارك ويكتب رأيه فى تقرير المشاركه

شكرا يا سامح لإثارة الموضوع

تحيه من القلب

المشاركة الأصلية كتبت بواسطة over6

والله يا جدعان ان زعلان من اللي حصل وتطور الامور الغريب بين عضو محترم بيحبه كله الناس وشخصيه جميله زي الاستاذ احمد سامي وعضو اخر هو صديق عزيز وشخصيه غايه في الاخلاص وتقديم المساعده لكل الناس ومخصص جزء من حياته في تطوير الهوندا لاعلى درجه ممكنه وهو د .هلمنز
فانا ادعو الناس للصلح بينهم والعوده للمنتدى لانهم قيمه عظيمه تزيد من قوه قسم الهوندا وده كان رايي الشخصي

المشاركة الأصلية كتبت بواسطة yones

طبعا مع كامل احترامى لطرفى النزاع واحترامى لجميع اعضاء المنتدى والادمنز وانا شوفت التوبيك اللى حصل فيه النزاع بالفعل وده كان من فترة طويلة شوية
بصراحة شايف ان الزميل دكتور هلمنز كان اسلوبه حاد فى التعبير عن رايه وكان بيقارن بين منتدى نايل موتورز ومنتديات اسيوية مع ان فيه فوارق فى الامكانيات والاوبشنز اللى بتنزل هنا وهناك طبعا كل واحد ليه حرية فى التعبير عن رايه بصدق بس مع مراعاة احترام اراء الاخرين ومراعاة مشاعرهم
وطبعا مش قصدى اسئ لاى حد وياريت اننانراعى بس النقطة دى ونحترم اراء بعض دايما ومنستخدمش اساليب تحرج وتجرح شعور الاخرين او توصفهم بالرجعية او اى شئ جارح لانى بجد بحترم المنتدى ده جدا جدا وخصوصا منتدى هوندا واستفدت منه كتير وبحترم كل اعضائه
واسف على الاطالة

المشاركة الأصلية كتبت بواسطة saberman

يا ريت يرجع طبعا و يشاركنا بمواضيعه الجامده زى زمان و شكرا يا استاذ سامح على الفكره .

طيب يا جماعة كويس إن الرأى واحد ، تقترحوا نبلغ الإدارة إزاى ؟ هل عن طريق الإقتراح بتاع تقارير المشاركة ؟ أو عن طريق إرسال إيميل ؟ أوقسم المقترحات ؟
يا ريت رأيكم برضه

**haythamkmal** · 02-01-2011 02:18 PM

طبعا صوتى معاكم
وللاسف انا بعت للادارة مرتين قبل كده عشان يرجعوا عضوية احمد سامى لانه فعلا من الاعضاء المحترميين اللى اتشرفت بيهم فى المنتدى ، ولكن للاسف محكمة جنوب المنتدى رفضت !!!!!!! لية ؟ عشان هو اللى ساب المنتدى

قوانين المنتدى تمنع التعليق على القرارات الاداريه و كذلك تمنع التهكم. كما ان الموضوع لا ينتمى لمنتدى هوندا. يرجى الالتزام بقوانين المنتدى و كتابة المواضيع في مكانها المناسب.

1830 - 03.01.2010

3أ