عملت حادثة اول امبارح وكنت هنزل انا واولادى فى الترعه على الخط السريع مصر اسوان واحد مقابل ضرب نور عالى ضلم عليا الدنيا وبقيت ارعشلو عشان اشوف قدامى وهو مطنش وفى ثانيه لقيت نفسى ضارب فى صدادة زفت
" مرور" وبقيت العربية تلف 360 درجة على الطريق وانا بحاول منزلش فى الترعة المهم انى شوفت الموت انا واولادى ( مراتى وبنتين 2.5 سنة و 1.5 سنة )والحمد لله الكريم نجانا ولله الفضل والمنه المهم ان الرفرف الامامى بالفوجيهات ادمرو والرفرف اليمين ادعك وضربة فى الباب الامامى اليمين وضربة فى العتب اليمين والمراية اليمين اتكسرت
وانا عايز اعرف الحاجات دى تكلف كام وربنا يستر ميكونش حصل حاجة فى العربية من تحت
1 -رفرف امامى
2- 2 لمبة فوج
3 - رفرف اليمين
4 - مراية يمين
5- وشوية خدوش فى الباب والعتب
والله العربية لسه مكملتش ثمنها ولس مكملتش 5000 كيلو وانا كنت لسه من اسبوعين التكييف فصل معايا ووديتها التوكيل عشان اشوف ايه المشكله قالولى منظم التكييف باز ولسه هيبعتو عليه عشان يركبو وقبل ميجيبوه ويركبوه حصلت الحادثة دى

ارجو من الجميع الدعاء لي