عشان هو دا دينا عشان هي دي بلدنا وعلشان طول عمرنا مع بعض
يا جماعة بجد محتاجين وقفة
لما بلدنا بيحصل فيها كدا ..!
لما الناس اللي عايشة معانا بقالها سنين قالوا علينا كدا ..
لما الناس اللي عارفينا ومتربين معانا فكروا فينا بالشكل دا ..
يبقي نزعل ومنزعلش ..
مين اللي قال اني لما يبقي جاري جنبي ومتربي معاه وعارفني وعارف اخلاقي وشايف تعاملي وديني قدامه وبنحترم بعض ويجي ناس ملهمش علاقة بيه ولا بديني فهمين مش الدين بس اللي غلط لأ الدنيا كلها غلط .. يقوم برعونة وقلت تفكير وتسيب يقتل ابرياء ومدنين .. يقوم جاري اللي متربي معاه وعارفين يغير تعامله وكلامه معايا ..
عارفين المشكلة فين : كل واحد مسلم وواحد مش مسلم متربين مع بعض وجران مش هيفرق معاهم لكن لو مسلم دلوقتي شاف واحد مش مسلم ممكن يفرموا بعض ..
للأسف الحكم مبقاش بالدين ولا بالعقائد ولا بالتفكير .. بقي كل واحد بيحكم بعاطفته دا عرفه يبقي مش غلطان دا معرفهوش يبقي غلطان ..
يعني احمد وجرجس جران وحصل موضوع زي دا يبقي احمد ملوش علاقة لأن انا عارف احمد واخلاقه عمره ميعمل كدا لكن جرجس لو شاف محمد بعد اللي حصل ومحمد جاب سيرت حاجة ممكن ياكله .. وكان اللي بيحكم محمد واحمد مش دين واحد .. ومتربين في بلد واحدة ..
يا جماعة انا بجد مضايق جدا
لما الاقي اللي ناس متربين معانا وعافينا يقولوا اصل هو يعني العمليات دي مبتجيش غير فينا والبلد مبقتش بتاعتنا .. وهو مبقاش في امان . وامريكا تيجي تحمينا احسن .
يا جماعة الكلام دا للأسف ممكن ميتقلش قدامنا بس كتير بسمعه من ورايا اه مش من اللي اعرفهم بس ممكن من غيرهم .. زي مبقول الحكم بالعاطفة .. دا صحبي ودا مش صحبي وكأن الملل مختلفة ...
انا امبارح واحد صحبي مش مسلم لما سمعت الخبر بتصل بيه مردش نزلت الف عليه في الشارع ولما وصلتلوا هزقتوا من كتر مقلقت عليه لدرجن انه كان مستغرب من اللي عملته ...
هو احنا ريحين على فين ؟!
هو معني ان في قلة متطرفة مش عارفين اصلا جين منين والا ملتهم ايه ..! نقوم نقلب البلد على بعض وناس تقول ان الإسلام دين قتل ودم .. ليه حد شاف مسلم ماشي بسيف بيقتل في كل واحد مش على الإسلام ..؟!
وبيعدين احداث نجع حمادي مثلا :
مش معني ان ناس اتعركوا وقتلوا بعض يبقى على طول فتنة طائفية
يا جماعة دا في عائلات بتتعارك بيقتلوا اضاعف اللي ماتوا . دا التار في الصعيد ممكن يروح فيها اجيال .. مهو بيبقوا مسلمين بس او نصارى بس ..؟
وكام مسلم بيتعارك كل يوم مع مسلم زيه وبيفرموا بعض .. لكن لو مسلم وواحد غير مسلم تبقي اتقلبت .. ودول بيكرهونا والجرايد تكلم وفتنة طائفية وكلام فارغ ..
يا جماعة ممكن اكون عكيت في الكلام اللي فوق بس انا معلش مش مركز عشان كلام عصبني كتير .. مكنتش اتخيل الردود دي .. دا في ردود في مواقع وخصوصا مواقع الأخبار تجيب ضغط ..
الخلاصة كل دا عشان كنت هقول : اني بقترح نجمع اعضاء اسكندرية ونروح نزور المصابين .ونعزي اهاليهم ..
يمكن الناس تفهم (اللي هما فهمين غلط انا مش بعمم) انا احنا مش وحوش ..
عشان الناس تعرف ان احنا دينا دين تسامح مش دين دم ولا سيف .. وعشان بلدنا تفضل في امان وعشان احنا طول عمرنا مع بعض
واسف لو عكيت ..