الموضوع: غيرت ماستر الفرامل بس فيه مشكلة

النهاردة رحت الحرفيين واشتريت ماستر فرامل يابانى ب 300 جنيه ورحت ركبته بس بعد ماركب حسيت ان الفرامل بعدت شوية وقلت للراجل قالى انه هيقربهالى من دواسة الفرامل وفعلا قعد يعمل حاجة فى دواسة الفرامل قربت الفرامل شويه بس مرجعتش زى الاول قلتله تانى

قالى انه ممكن يقربهالى ويقلل ال push بس ده غلط عالماستر لان هيبقى فيه ضغط عالفرامل جامد وده ممكن يبوظلى الماستر الجديد ويحصل زى ماحصل للقديم وقالى بلاش يزودها عن كده بس هى بعد شويه من الاستعمال هتقرب شوية وفعلا رجعت من الحرفيين للزقازيق بيها على كده

هى الفرامل قوية اه بس بعيدة فمش عارفة ده عادى وللا ايه لان الحوار ده مضايقنى

بكل بساطه قبل كده كانت الفرامل عندك محجرة ودي مش طبيعتها وده كان عامل ضغط على تيل الفرامل وطبعا على الماستر فكرة ان ده السبب فان المستر باظ الله اعلم بيها ممكن يكون عمره الافتراضي انتهى وممكن يكون ده السبب المهم ان الفرامل تكون جامده وتقفش ساعه اللزوم ومش بعيدة ازي متوسطه وان بدال الفرامل ميسرحش من تحت رجلك دي اهم حاجات ولو انتي مغيرة تيل كمان مع الماستر اصبري شويه وهتشوفي فرامل كويسه انشا الله