عندي مشكلة في شقتي وجاري عملي محضر

**mohamed2002** · 02-01-2011 02:16 AM

المشاركة الأصلية كتبت بواسطة kamalsalem

محضر بعشرين حنيه تقول فيه اي حاجة... وتعرفه انه المرمطة في الاقسام سهلة... وانه لو هيعملك محضر هتعمله 10.... والله ممكن بعشرين جنيه كمان تروح تتغدى عند حودة جندل يوم وتعمل محضر في اسكندرية... يبعتوا يجرجروه لحد اسكندرية

العين بالعين

باشا انا من اسكندرية علي فكرة انا مكنش عندي مانع اني اساهم معاه ولكن حسيت انه كدة عامل معايا واجب ولما عمل المحضر قلت والله ما انا دافع ويضرب دماغه في الحيط لكن انا مش حابب اني اعمل له محضر مش ضعف مني بس مش عاوز الموضوع يوصل للكره ,فانا حكتفي اني اشتكيه في الحي بكرة

**zoom2zoom** · 02-01-2011 04:18 AM

بصراحه ربنا يكون في عونك وطوله بالك علي الراجل التيييييييت ده
انا لو كنت مكانك كنت دشملت عليه شقته ومشيته عريان في الشارع بسبب المحضر ده

**mohamed2002** · 02-01-2011 08:56 AM

المشاركة الأصلية كتبت بواسطة zoom2zoom

بصراحه ربنا يكون في عونك وطوله بالك علي الراجل التيييييييت ده
انا لو كنت مكانك كنت دشملت عليه شقته ومشيته عريان في الشارع بسبب المحضر ده

انا نازل الحي اقدم شكوي فيه ادعيلي يا باشا وننتظر رد من محامين المنتدي

**heshamzaky** · 02-01-2011 09:47 AM

بص يا باشا لو التسريب من الشقة عندك أنت علية الحى بيبعت جواب للقسم و القسم بيبعت ليك علشان تتسلم هذا الخطاب و محتوى الخطاب انك ملزم بعملية الاصلاح و عمل العزل اللازم تحت أشراف مهندس

أنا بحكيلك واقع مش كلام سمعتة لان دة حدث معايا الجار الى ساكن فوقى كان الحمام عندة بيخر مية عندى و هو ساكن مش قافل الشقة و كلمتة بالحسنى أكثر من مرة و الجيران كلموة كتير جدا للأسف هو راجل كبير و مخة لاسع قولت لة حا اتصرف قانونى معاك عملت محضر و جبت أمين شرطة و عمل معاينة و بعد ذلك ذهبت الى الحى و قدمت شكوى و أرفقت رقم المحضر الى عملتة و الحى بعد كدة أرسل خطاب الى القسم و تم أستدعاؤة ليتسلم الخطاب و عندى صورة طبعا من الخطاب بس أنا عملت كدة معاة بعد استفاذ كل الطرق الممكنة أنة يصلح بس هو كان بيستهبل و أنا و لله الحمد بفهم على قدى شوية أزاى أتصرف قانونيا مع الحاجات دى و أنا لست محاميا و لا رجل قانون بس عارف الدنيا ماشية ازاى بالقانون الى حد ما

**mohamed2002** · 02-01-2011 10:39 AM

المشاركة الأصلية كتبت بواسطة heshamzaky

أنا بحكيلك واقع مش كلام سمعتة لان دة حدث معايا الجار الى ساكن فوقى كان الحمام عندة بيخر مية عندى و هو ساكن مش قافل الشقة و كلمتة بالحسنى أكثر من مرة و الجيران كلموة كتير جدا للأسف هو راجل كبير و مخة لاسع قولت لة حا اتصرف قانونى معاك عملت محضر و جبت أمين شرطة و عمل معاينة و بعد ذلك ذهبت الى الحى و قدمت شكوى و أرفقت رقم المحضر الى عملتة و الحى بعد كدة أرسل خطاب الى القسم و تم أستدعاؤة ليتسلم الخطاب و عندى صورة طبعا من الخطاب بس أنا عملت كدة معاة بعد استفاذ كل الطرق الممكنة أنة يصلح بس هو كان بيستهبل و أنا و لله الحمد بفهم على قدى شوية أزاى أتصرف قانونيا مع الحاجات دى و أنا لست محاميا و لا رجل قانون بس عارف الدنيا ماشية ازاى بالقانون الى حد ما

ياباشا انا عاوز حضرتك تتخيل معايا الموقف
احنا غيرنا الدور الاخير واللي تحته واللي تحته من بعد كدة تبدا المشكلة عند الراجل الجزء بتاعه بايظ اللي عند شقته

**heshamzaky** · 02-01-2011 12:48 PM

المشاركة الأصلية كتبت بواسطة mohamed2002

ياباشا انا عاوز حضرتك تتخيل معايا الموقف
احنا غيرنا الدور الاخير واللي تحته واللي تحته من بعد كدة تبدا المشكلة عند الراجل الجزء بتاعه بايظ اللي عند شقته

انا فاهم حضرتك انا كنت بقولك فقط أية سلطة الحى أنة يجبر أحد على التصليح

**mohamed2002** · 02-01-2011 01:14 PM

المشاركة الأصلية كتبت بواسطة heshamzaky

انا فاهم حضرتك انا كنت بقولك فقط أية سلطة الحى أنة يجبر أحد على التصليح

طيب ما الحي لما يجي يلاقي ان التسريب من عنده فحيجبره هوة علي التصليح صح ولا اية؟ولا ممكن الحي يقول انتم لما صلحتم اتلفتم عنده وبخبرتك يا باشا اخر الحي ممكن يكون اية ؟مع العلم ان كل الشقق اللي فوق الراجل مغلقة

انا من ساعة رحت الحي وعملت شكوي فيه ان مواسيره متهالكة ومغرقة المنور مياه

**yascro** · 02-01-2011 01:21 PM

باشا انا سالت المحامى بتاعى قبل ما اكتب المشاركه
دى
وانت معلكش اى مسؤليه قانونيه

وانا من رايي انك تتصل بجارك وتخليه يلم الدور او انك تهدده انك هتشتغله ف الازرق
(ضرايب محاضر ازعاج من المستاجرين للشقه بتاعته)

**mohamed2002** · 02-01-2011 01:26 PM

المشاركة الأصلية كتبت بواسطة yascro

باشا انا سالت المحامى بتاعى قبل ما اكتب المشاركه
دى
وانت معلكش اى مسؤليه قانونيه

وانا من رايي انك تتصل بجارك وتخليه يلم الدور او انك تهدده انك هتشتغله ف الازرق
(ضرايب محاضر ازعاج من المستاجرين للشقه بتاعته)

الف شكر ليك يا باشا ونخدمك في الافراح ان شاء الله انا لا حتصل ولا حعمل انا كنت ناوي ادفع له في تصليح الماسورة الخاصة بة فمعني انه يعمل محضر يبقي يشرب من البحر وهوة حر

**heshamzaky** · 02-01-2011 03:07 PM

المشاركة الأصلية كتبت بواسطة mohamed2002

طيب ما الحي لما يجي يلاقي ان التسريب من عنده فحيجبره هوة علي التصليح صح ولا اية؟ولا ممكن الحي يقول انتم لما صلحتم اتلفتم عنده وبخبرتك يا باشا اخر الحي ممكن يكون اية ؟مع العلم ان كل الشقق اللي فوق الراجل مغلقة

بص يا باشا الحى مش حا يضربة على أيدة بس لو هو رفض التصليح الحى هو الى بيرفع علية قضية و على ما أظن بيكون فية غرامة يومية عن كل يوم تأخير ما أصلحش فية بالبلدى أفهمك كدة الى حصل معايا لما الراجل الى ساكن فوقى رفض التصليح و أنا كنت عملت الشكوى فى الحى الحى أرسل خطاب موجة للرجل بس بيرسلة لة عن طريق القسم و طبعا أنا كنت عارف أرقام الصادر و الوارد سواء من الحى أو القسم و بعد وصول الخطاب الى القسم الى مبعوت من الحى القسم أرسل الى الراجل للحضور للقسم هو بعت قرايبة و خاف يروح و لما عرف أنة خطاب من الحى راح و أستلمة بعد 3 أيام و طبعا كسر و صلح كل الى بايظ بس هو جاب سباك و عمل محضر أثبات حالة أنة صلح بس ههههههههههههههههههههههههه هه و لا ينفع ببصلة لآنى لو حبيت أغلس علية تانى حا أقول أنة لسة فية تسريب مياة و هو ما صلحش تحت أشراف مهندس خطاب الحى الموجة ألية بيقول كدة و لما سألت قالو لى لو أشتكيتة تانى ممكن أضايقة بس أنا كنت عاوز تسريب المياة يقف و السلام و كبرت دماغى معاة و علشان أوضحلك الخطاب بتاع الحى دة لو الراجل ما أستلمهوش القسم بيصدرة مرة اخرى للحى و الحى ممكن يعملها قضية لة و أسأل محامى يكون أشتغل الحاجات دى قبل كدة أو عارف اجرائاتها و انا لولا الملامة كنت رفعت لك صورة من خطاب الحى الى عندى بعد ما حا أمسح كافة الاسماء و البيانات الى علية و هو علية 6 توقيعات و مختوم بختم النسر و بصراحة لو أنت ما لكش حد قوى ممكن الحى ما يتحركش من أساسة