عندي مشكلة في شقتي وجاري عملي محضر

**mohamed2002** · 01-01-2011 10:20 PM

السلام عليكم ورحمة الله وبركاته

السادة الافاضل تحية طيبة وبعد,, من شهر تقريبا لقيت شقتي المقفولة وانا رايح بالصدفة غرقانة مياه صرف وبقالها مدة,المياه غرقت الشقة اللي تحتيا ,,وجدنا أن السبب ان المواسير الخارجية متهالكة ومحتاجة تتغير ,الناحية بتاعتي مكونة من 7 ادوار,السكان كل واحد رافع ايده ويقول انا مالي المهم نجحت في اقناع التلات ادوار الاخيرة اللي انا منهم اننا نغير وبالفعل احضرنا السباك وقام بالتغيير ولكن لتهالك المواسير اللي تحت ورفضل السكان تغييرها ادي ذلك الي أنسداد داخلي في الشقة بتاعت جاري وهوة عاوزنا نعملها له علي حسابنا واحنا اللي نجيب السباك يعني من الاخر مش ندفع بس لا ندفع ونجيب السباك وننزله من شقتنا ,قلت له انا بالنسبة للفلوس انا اصلا مليش اني اصلح ماسورتك الخارجية ,لكن حتعاون معاك وادفع
المهم هوة [overline]
,عمل محضر في القسم النهاردة بعد الضهر وتم تحويله لانتداب مهندس من الحي.

[/overline]يا تري موقفي اية؟
الراجل رفض يتعاون معانا مع العلم ان شقته بياجرها مفروض اليوم ب 200 جنية في الصيف ومستخصر يدفع 70 جنية واحنا نكمل

انا بفكر اني اسبق الصبح واعمل شكوي في الحي

افيدوني افادكم الله

**mohamed2002** · 01-01-2011 10:21 PM

مع العلم ان المحضر اتعمل باسمي والشقة باسم والدي

**Lion_Heart** · 01-01-2011 10:42 PM

بصراحة قانونا معرفش
افضل حاجة انك تعمل صرف منفصل لشقتك عن العمارة كلها منعا للمشاكل
و ربنا معاك

**A.Saad** · 01-01-2011 11:03 PM

هوة ممكن يجيب امر من النيابة بكسر الشقة واصلاحها على حسابك
بس الكلام ده لو العيب بسببك واللى هوة هيحاول يثبته بان المياة مغرقة شقته وشقتك
وياريت توضيح ازاى تهالك المواسير يعمل سدد فى شقته

**wahba87** · 01-01-2011 11:03 PM

انا مش هقدر افيدك فى موضوعك اوى

بس هقولك ان احنا حصلنا مشاكل من السباكة فى العمارة وشقتنا غرقت مياه صرف حوض و المواسير متهالكة و مصدية و محدش عايز يدفع و حوارات

و كان حلها النهائى صرف منفصل , حل جذرى و الحمد لله كل المشاكل دى نسيناها

تعديل : انا اسف كتبت الرد قبل ما اشوف ردك اللى قبلى

**mohamed2002** · 01-01-2011 11:05 PM

المشاركة الأصلية كتبت بواسطة a.saad

هوة ممكن يجيب امر من النيابة بكسر الشقة واصلاحها على حسابك
بس الكلام ده لو العيب بسببك واللى هوة هيحاول يثبته بان المياة مغرقة شقته وشقتك
وياريت توضيح ازاى تهالك المواسير يعمل سدد فى شقته

باشا دة قايم زهر عمره 40 سنة فلما وكله بيخر وبايظ يعني تقدر تقول متلصم .. طبعا لما فكو اللي فوق منه حصل في اللي تحت سدد تقريبا وبالتالي المياه اللي بتنزل فوق بتلاقي سدد فبتدخل في شقتة مع العلم اننا مشتركين احنا التلات شقق اللي فوق في التغيرر مش انا بس

**mohamed2002** · 01-01-2011 11:07 PM

المشاركة الأصلية كتبت بواسطة wahba87

انا مش هقدر افيدك فى موضوعك اوى

بس هقولك ان احنا حصلنا مشاكل من السباكة فى العمارة وشقتنا غرقت مياه صرف حوض و المواسير متهالكة و مصدية و محدش عايز يدفع و حوارات

و كان حلها النهائى صرف منفصل , حل جذرى و الحمد لله كل المشاكل دى نسيناها

تعديل : انا اسف كتبت الرد قبل ما اشوف ردك اللى قبلى

شكرا لردك يا باشا انا اللي عاوز اعرفه دلوقت موقفي القانوني؟ هل اشتكي في الحي ان عنده خلل في المواسير ومغرق المنور ودة فعلا اللي حاصل

**beetleMOSH** · 01-01-2011 11:17 PM

معتقدش ان عليك مساله قانونيه اصلا
لانك سهل اوى تثبت ان هو اللى امتنع عن التغيير
و ان السبب فى المشكله عنده و ده دليل ان هو اللى الميه بتخش عنده
و جيرانك اللى معاك ابسط دليل انكوا اتعاونتوا
و انه برضه هو اللى عاند و مش عايز يتعاون

عموما يعنى خلى بالك عشان المهندسين و الخبير و الكلام ده
بيتظب بفلوس و يكت ب اللى انت عايزه فى حدودو اللى موجود

خلى بالك و متديش الامان لجارك ده طالما هو ابتداها كده
عشان اكيد مش هايهدا
و نصيحه يعنى خلى موضوع انكوا تدفعولوا ده اخر حل خالص
عشان مايسوقش اعبط بعد كده و يبقى كل حاجه بشكوى و انتوا اللى تعملوا

و ربنا معاك و يعينك على وجع القلب ده
عندنا فى العماره النوعيه دى :(

**A.Saad** · 01-01-2011 11:31 PM

ان مياة الصرف تدخل عنده من الشقق اللى فوق
يبقى هو كمان الصرف فى شقته للاحواض وبلاعات الارض مش شغال
ولاحظ ان مواسير الصرف ساعات بيكون ليها امتداد افقى يعنى وصلة افقية
ودى بتبقى بميل شوية
فمعنى ان المياة تمشى فيها عكس الميل يبقى السدد جامد
وعلى فكرة
هو لو قال ان السدد اتعمل بسبب اصلاحك الشقة يبقى بوظ المحضر اللى عمله
لكن ممكن يضغط عليك بجزئية المياة اللى كانت عندك فى الشقة
اللى شايفه
اعمل زيه وياريت كل جار فيكم يعمل محضر لوحده
ان عنده سدد وانكم متضررين لان ده بيسبب روائح وبيضر بعمر البيت وهيكله الخرسانى وكدة زى ما بيضغط تضغطوا

من وجهة نظره
انكم السبب فى السدد
قله خلاص نسلكهالك وانت لو عملت كدة قبل الحى ما ييجى يبقى برده ضربته
وحاول تجيب صورة المحضر ونعرف هو قايل فيها ايه
بكره انا السكان اللى من الشكل ده

الموضوع: عندي مشكلة في شقتي وجاري عملي محضر

LinkBack

أدوات الموضوع

عرض

-

-

-

-

المواضيع المتشابهه

شقتي اتسرقت لتاني مرة ... هتجنن !

عندي مشكلة في دي في دي

الحقوني.. تصرف غرييب وبسيط بس عملي مشكلة كبيرة

ازاي أقدر أعرف سعر شقتي عشا أبيعها

تم تركيب التعديلات على سيارتي وجاري العمل

الكلمات الدلالية لهذا الموضوع

المفضلات

المفضلات

ضوابط المشاركة