معلش الموضوع ممكن يبقى طويل شوية بس كان لازم احكيلكم واعرف رايكم هو هو اللي صح قوي ولا احنا اللي غلط قوي ؟
الحكاية باختصار نزلى واحد زميلي في الشركة علاقتي بيه سطحية تماما يسالني على مكان يجيب منه هارد ديسك 40 جيجا مستعمل بس يكون سامسونج
المهم قولتلة ليه مع انه معروف ان كفائتة مش قد كدة وفي حاجات افضل بكتير
المهم قولتلة انا عندي واحد 10 جيجا مش بستعملة تقريبا خدة بس كان سجيت مش سامسونج المهم خدة على مضض بعد مالقتلوش اي حاجة سامسونج
قعدت ادردش معاه وقلتلو انت ليه مش عايز اي هارد غير السامسونج فوجئت باغرب اجابة ممكن اتوقعها
قاللي عشان المقاطعة-قولتلة نعم !!!!!!!!!!!!!!
قاللي انا عندي كمبوتر تعبان في البيت ومش عايز اجيب واحد جديد لانه غالبا هايكون برسيسور انتل وده اسرائيل ليها دخل كبير في شركتة والهاردات كلها امريكي الماركة حتى لو كان صيني التصنيع لكن المسكب كلة لامريكا وووووو شوية حاجات مش هاقدر الاقي بديل غير شركات امريكية الاصل
وانا مش ممكن انفع ال ...... بولا جنية من جيبي ياخدوة يقتلونا بيه ويسرطنونا بيه
بصراحة كنت مندهش من المنطق واحنا بكل سهولة ممكن نشتري اي سلعة امريكية لمجرد الرفاهية وهو مهندس ومحتاج كمبيوتر حديث جدا في بيتة دايما غير الشغل وضاغط على نفسة قوي كدة وماشي بمبدأ ومن يتق الله يجعل له مخرجا
بصراحة زعلت على نفسي قوي قوي وعلى غيري كتير من المسلمين والعرب عموما واللي عملاه فيهوم امريكا واسرائل والدانمارك وهولندا والبقية تاتي :(:(:(
طبعا في نهاية الحوار مانستش اقولوة عن شركة AMD واصولها الالمانية وتفوقها الملحوظ على انتل واننا نجيبلة بورد وبرسيسور منها ولو دورنا هانلاقي هارد اسيوي سواء سامسونج ولا هيتاشي و فوجيتسو والشاشة سهلة وكدة يعني
طبعا فرح قوي قوي
وانا زعلت قوي قوي قوي قوي قوي

أعوذ بالله من الشيطان الرجيم
« ان الله لا يغير ما بقوم حتى يغيروا ما بأنفسهم »

{ومن يتق الله يجعل له مخرجاً ويرزقه من حيث لا يحتسب}