السلام عليكم
انا دلوقتى عاوز اعمل الطارة عندى جلد و زراع الفتيس فا عاوز افك الطارة علشان عاوز اودى للراجل الطارة فقط مش العربية كلها علشان لا يكمن اودى لحد العربية و ترجع زى الأول
المهم الكفر الى علية علامة hyundai دة افكة ازاى ؟؟؟؟
هل لية مسامير ولا هوة كلبسات اشدها لبرة تطلع ؟؟؟؟؟؟؟؟؟؟؟؟
و بالنسبة لعصاية الفتيس بتتفك ازاى ؟
و هل الهاند بريك سهلة انها تتفك ولا صعبة و لو سهلة انا عاوز افكها و اوديهالة بالمرة
ياريت حد يكون مجرب الموضوع دة
و شكرا جزيلا
بص يا باشا اللى انا هقدر اقولك عليه هو بالنسبه للطاره
بص يا سيدى اول حاجه حتجيب مفتاح ألنكيه وتفك بيه المسمارين اللى ورا الطاره ولو بصيت ورا الطاره هتلاقى فى فتحه فى اليمين وفتحه فى الشمال هدخل بعد كده الألنكيه وتفك المسمار اللى جوه
وبعد كده الناحيه التانيه بنفس الطريقه وبعد كده هتلاقى الكف اللى فيه علامه الh
طلع فى ايدك
وبعد كده هتجيب مفتاح عجل وتفك الصاموله الكبيره وبعد كده فك الفيشه وبعد كده طلع الطاره فى ايدك ومبروك عليك
بس الخلاصه متعملش كده
احسلك وديها للراجل وخليك معاه لغايه ميخلص الشغل
واشترى دماغك
وتقبل مرورى
شكرا جزيلا يا باشا
بس لية معملش كدة ؟؟؟؟
اصل انا عارف لو وديتهالة حلاقى حاجات متجرحة و انت عارف الحاجات دية بتدايق الواحد
لو هتعملها جلد طبيعى يبقى أكيد هتكلف
يبقى الأفضل تعملها عند جينز كار أو حربى فى الحرفيين وفى الحالتين العربيه هتتصان ومحدش هيهينها
اقتباس:
المشاركة الأصلية كتبت بواسطة hesham hamza
شكرا جزيلا لردك بس انا من الأسكندرية
انت خليك معاه لحد ميخلص وكده كده الحكايه دى مش كبيره
انا خلاص عرفت موضوع الدريكسيون و عصاية الفتيس !
هل حد يعرف حاجة عن الهاند بريك ؟
هل الموضوع بسيط ولا عاوز شغل جامد ؟؟؟؟؟؟
و شكرا جزيلا انا عارف انى تاعبكم معايا
تقريبا عرفت ازاى افك الهاندبريك
لازم افك الكنسول كلة فا حجرب و حقولكم