صوت غريب متل الرجة في غطاء جيب التابلو في الساجا
حد عانى من المشكلة دي؟؟
عرض للطباعة
صوت غريب متل الرجة في غطاء جيب التابلو في الساجا
حد عانى من المشكلة دي؟؟
لا مفيش يس ممكن تكشف عليها فى التوكيل واعتد ان السيارة فى الضمان معاك يعنى كل بالمجان
انا عندي اصوات تانيه بس مش في التابلوه
الاواص عندي كلها في الابواب
انا كمان عندى ساعات بسمع اصوات كده وساعات بسمع خبط لما باخد مطب ناحية العجلة اليمين وخايف يكون عندى مشكلة عند العجل
بالنسبه للأخ صاحب الموضوع ممكن يكون في حاجه في الاسلاك جوه مش متركبه في مكانها الصحيح و مع المطبات و الكلام ده بتخبط في جسم التابلون من جوه متقلقش اطلع علي التوكيل هيفكوا التابلون و المشكله هتتحل ان شاء الله و كلوا تبع الضمان و من حقك
الف شكر يا سبيدر انك طمنتنى اصل انا مشكلتى انى لو سمعت اي صوت ببقى مقلق
كنت كده مع عربيتى الفيورا فكنت بطلع على الميكانيكى بتاعى وفعلا كنت بكتشف حاجات وبصلحها فى ساعتها
اما مع الساجا فمش عارف اروح لمين ومش معقول كل شوية اروح للتوكيل خصوصا انهم مبيرضوش يدخلوا حد مع العربية انك تشوفهم وهما شغلين ودى حاجة مضايقانى وبفكر فى صيانة ال5000 ادخل لمدير المركز واطلب منه انى ادخل مع العربية اشيك عليها بنفسي معاهم ولا انت ايه رايك ؟؟؟
وشكرا ليك مرة تانية
بص هوه بالنسبه لتوكيل العجوزه هتشوف عربيتك و هيه بتتعمل لأن في استراحه بتبقي قاعد فيها و بينها و بين الورشه في زجاج و هتشوفها و هما شغاليين فيها اما بالنسبه لأبو رواش فالاستراحه منفصله عن الورشه بس اعتقد مفيش مانع انك تبص عليها و هيه مرفوعه و شغاليين فيها ده من حقك وكمان ممكن تروح للمخزن تعرف اسعار قطع الغيار و ده بيبقي جوه الورشه كمان
هما بس يفكوا المساعدين ويركبهم تانى مع الربط المظبوط المحكم بدون تقريط
وايضا تربط الكليبرات وتبص على حزام التنك
ويراجع على الجلب فى العفشه
كان عندى نفس الصوت واختفى لما فاكيت المساعد وركبته تانى
كمان لما السيارة سوف تعدى 10 الف كيلو الحديد عايريح مفيش مشكله
ارجو ان تكون وصلت كل السيارات الجديده بيبقى فيها صوت ويبداء يختفى مع الوقت
- بالنسبة لتوكيل اسكندرية هوه فعلا فى استراحة وبشوف العربية بس انا قصدى اشوفها وهيه مرفوعه وهوه بيغير الزيت وبيربط وكده
- وبالنسبة لموضوع المساعدين هوه انا الى اقولهم يفكو المسلعدين ولا ايه .... بيتهيألى صعب انهم يوافقو غير لو طلع فيهم مشكلة اصلا صح ؟؟
- وشكرا على المساعدة بجد وربنا كده يديم بينا الترابط ده
سوري سبيدر علي التاخير
انا بيسمع صوت زنه في الباب الشمال بس مش عارف احدد بالظبط منين وصوت تكتكه خفيفه يمين وبردو مش عارف احدد منين بالظبط بس الاصوات دي بتظهر اكتر لما بمشي علي ارض مش مستويه اوي ياعني اسفلت خشن
اما بقي المشكله الجديده خشونه جامده في ماكينات الزجاج الامامي وخصوصا الازاز بتاعي
وبجمله بقي الاستشارات ( علي الله ماتقتلنيش من كتر الاسئله عشان ال هس هس بيلعب في دماغي)
عندي حاجه كدا مش عارف احكم عليها
بحس ان العربيه فيها حدفه بسيطه شمال بس مش عارف احكم عليها عشان انا لما اكسر الدركسيون يمين برجع لوحده للاخر بس لما اكسره شمال مابيرجعش كله لوحده بيرجع اه بس بيبقي فيه شويه كدا
يارب اكون قدرت اوصلت المشكله
واخير شكرا ياباشا علي الاهتمام وخبراتك مع الساجا
وافتكر انك من الناس اللي خلتني اشتري العربيه دي ياعني زمبي في رقبتك :POINTIy2[2]:
بهرج والله
العربيه زي الفل
ولو رجع بي الزمن تاني بردو هختار الساجا الجميله
باشا .. عامل إيه وإيه أخباراتك ...
أنا عندى نفس المشكلة فى مسأله الحدفه شمال ومش عارف احدد هو عيب ولا لاء لكن اللى بيحصل كالاتى :-
بكون ماشى على سرعه متوسطه فى خط مستقيم تماما موازى للعلامات البيضاء على الاسفلت والسرعه يعنى 60-70-80 واسيب الدركسيون خالص الاقى ساجتى مايعجبهالش امى اسيب دركسيونها وتقوم ماشية شمال ...
على فكره ... ذنبى فى رقبتك انت كمان...
عشان انت واحد منهم
:POINTIy2[2]:
تحياتى
محمد عبد المجيد
لو حدفة عادية كده يا جماعة الموضوع سهل جدا وبسيط ومش محتاج اكتر من زبط زوايا وبس :d :d
انا كمان بتحدف بس يمين بقى والصراحة مكسل اروح اظبط زوايا خايف حد يبوظلى فيها حاجة
الله بقي
ياعني انا ارمي الكوره في ملعب سبيدر تقوم انت واخدها منه وترميها في ملعبي :POINTIy2[2]:
علي العموم ماشي
بص
انا شايف انها ممكن تكون ضبط زوايا وانا قلتلهم عليها لما كنت بعمل صيانه ال1000
بس انا حاسس كدا انهم لا زبطو زوايا ولا حتي ربطو عفشه كويس
وممكن اوي بالنسبالي يكون هاجس في دماغي ومش عارف احكم عليه
علي العموم ان شاء الله هروح مركز علاء والصفاء واجرب وابقي واقف علي اديهم في صيانه ال5000 واشوف وان شاء الله تطلع مجرد ظبط زوايا