الجهاز وصل الحمد لله من الكويت بضمان i2 وتمنه 3200 جنيه
شغال 100% ولو كنت جبت اي موبايل تاني مكنتش هبقى مبسوط
وبالنسبة للتاتش تحفه لانه اموليد كباستيف وفي فرق كبير جداً عن السامسونج اومنيا 2 اللي كان معايا قبله ومش شايف فرق في الاستجابة عن الاي فون
الصوت هو الحاجه اللي مش عاجباني هو اعلى من الاي فون بس اوطى من الـn95-8gb
والكاميرا رهيبه بس لازم تشيل الاستيكر اللي عليها الاول عشان انا قلبي وقع في رجلي اول ما شغلت الكاميرا
بالنسبة للبرامج والالعاب فانا نزلت كمية رهيبة من الالعاب والبرامج ومش شايف في دي اي مشكله
هو طبعاً الاندرويد ملك البرامج بس معظم البرامج والالعاب المهمه موجوده فيه وليه كمية برامج لا بأس بها بالنسبالي

من ناحية موضوع الوفاه ده الحمد لله محصلش حاجه حتى الآن شغلت البلوتوث والوايرلس والـFM TRANSMITTER ولعبة angry birds ومشغل اغنية وفاتح applications كتير وموصل عليه هارد اكسترنل 320 جيجا (ميزه جبارة!!)
كل ده مع بعضه لحد ما الموبايل سخن بس مهنجش الحمد لله وكان شغال بسرعته عادي

حتى الآن اوحش حاجه في الموبايل اني مرعوب انه يهنج ويوقع قلبي وميشتغلش تاني بس انا متعود يحصل فيا كده كل ما اجيب موبايل الناس تقولي فيه مصيبة ويخليني قلقان ومبيحصلش حاجه في الآخر

والموبايل جالي من غير كابل كمبيوتر ولا cd(اكيد اللي شغال في المحل مصري) ومن غير cover يا ريت اللي يعرف ممكن اجيب الحاجات دي منين يقول وانا نقلت النمر بالبلوتوث وبقية الحاجات بالهارد مباشرة !!

اللي عايز يسأل في حاجه يسأل بس اعذروني لعدم الانتظام في الرد لاني في امتحانات