عندى مشكلة محيرانى

**hefzyhefzy** · 02-01-2011 09:34 AM

عندى أكسنت 1300 غبور 2007 المشكلة بدأت من شهرين أثناء السفر بعد حوالى ساعة سفر أو أثنين ألاقى العربية مخنوقة وبتقطع لدرجة أنها تقف خالص امبارح العيب زاد جدا بقت كل عشر دقائق على الطريق الميكانيكى قال بوبينا أو مشط ألكترونى أو طلمبة بنزين وأنا مش معقول أغير ده كله أى حد مر عليه نفس العيب يا ريت يفيدنى وشكرا

**semsem8080** · 02-01-2011 10:15 AM

ابن خالي كانت العربية بتنتش بس مش علي طول طلع العيب حساسات علي الرشاشات

**yaserbasha2000** · 02-01-2011 10:18 AM

ممكن يكون فلتر بنزين ؟
خصوصا لو مونت في بنزينه مش تمام علي الطريق

**F170** · 03-01-2011 01:20 PM

المشاركة الأصلية كتبت بواسطة hefzyhefzy

عندى أكسنت 1300 غبور 2007 المشكلة بدأت من شهرين أثناء السفر بعد حوالى ساعة سفر أو أثنين ألاقى العربية مخنوقة وبتقطع لدرجة أنها تقف خالص امبارح العيب زاد جدا بقت كل عشر دقائق على الطريق الميكانيكى قال بوبينا أو مشط ألكترونى أو طلمبة بنزين وأنا مش معقول أغير ده كله أى حد مر عليه نفس العيب يا ريت يفيدنى وشكرا

باشا انت تقصد نيو اكسنت ولا اكسنت الشكل القديم اللي فضل ينزل لغايه 2006 لأن نيو اكسنت مفهاش 1300 بتكون 1400 و 1600
المهم وهو الأغل الشكل القديم

ابدأ ب فيلتر البنزين وبعد كده شوف البوبينا و الأسبيراتير و بعد كده طرمبه البنزين لو انت بتعرف تشتغل في العربيه ممكن تتأكد من الاسبيراتير والبوبينا مجرد ما العيب يطلع

**ruicosta** · 03-01-2011 02:03 PM

بص ياباشا انا الموضوع دا كان معايا فى عربيتى وغيرت كل حاجة والعيب كان من طرمبة البنزين بس بعتها قبل ماغيرها

**hefzyhefzy** · 05-01-2011 09:55 AM

متشكر لأهتمام كل من رد عليا وألف شكر عربيتى أكسنت المصرى القديمة رداعلى f170 أنا بدأت بطلمبة البنزين وبعدين أستلفت مشط
ألكترونى من الميكانيكى وجربت بيه يومين وسافرت لقيتها تمام سألت فى غبور لقيته ب770 جنيه و لقيته كورى بره التوكيل ب 280 جنيه فجبت الكورى والعربية ظبطت وكله تمام أنا متشكر لكل من أهتم وشارك

**khaled1732** · 17-01-2011 06:44 AM

انا معايا اكسنت 1300 موديل 2005 وحصل معايا العيب دا بعد سرعة ال 90 وبعدين طلع عيب المشط بتاع اللاسبراتير ممكن تلاقي السلك بتاعه عاوز يتشعر او تغير المشط ودي قطعه صغيره بس تمنها حوالي 250 او 150 جنيه مش فاكر الحقيقه لاني مغيرتوش بس الكهربائي بتاعي ظبطهولي .. و
ممكن بقي لو انتا كاربيراتير مش انجيكشن تشوف باب الكربيراتير بتاع السرعه او السيلانسيه يكون مبيفتحش كويس ,, ودا عند حد متخصص كربيراتير وبعد كدا تظبطله هوا وبنزين ف بنزينة توتال اللي ف شارع الهرم دول احسن حد يظبطلك الموتور وعن تجربه ..