ابراهيم حسن ..!

**ahmedhossam86** · 02-01-2011 11:14 AM

السلام عليكم..

بجد الانسان ده بيستفزني الي اقصي الحدود... أنا اهلاوي علي فكرة بس مش متعصب.. شوفوا بس تصريحاته في الفترة الاخيرة عاملة ازاي و كل كام ثانية بيطلع تصريح... بيفكرني بتصريحات حزب الاغلبية..

الأهلي سعيد بالتعادل، لأن خسارته كانت ستعني رحيل عشرة لاعبين على الأقل عن النادي، ولن يجدوا مكانا أساسيا بعدها

فوزنا كان سينهي جيلا في الأهلي .. لهذا فرحوا بالتعادل

بعد المباراة احتفل لاعبو الأهلي سويا بالتعادل،

"لماذا الثلج لم يهطل على النمسا يا كابتن حسام (محمد حسام)؟ هل نزل في ايطاليا وألمانيا وفرنسا وكل الدول المتقدمة كرويا فقط ولم يترك لنا سوى النمسا.. هي النمسا في افريقيا" وأشار حسن إلى أن احضار طاقم حكام من النمسا يأتي بسبب وجود اتفاقيات بين بعض المسؤولين في مصر ومسؤولين في النمسا.

محدش يقدر يقرب من شيكابالا

اختيار غالي أفضل لاعب في المباراة مجاملة فعبد الشافي كان الأفضل وكان يجب حصوله على الجائزة

مانويل جوزيه خاض تجربة تدريب فاشلة مع أنجولا وكذلك الحال مع اتحاد جدة الذين استغنى عن خدماته، لذلك فعودته للنادي الأهلي لن تشكل فارق معنا

كيف يلبي الأهلي كل طلبات مدرب فشل مرتين؟

الوضع الحالي يقول اننا نحتل صدارة الدوري بفارق ستة نقاط عن الأهلي كما أن الإسماعيلي وانبي يسبقاه في الترتيب

واختتم ابراهيم تصريحاته بتعبيره عن خيبة امل لاعبي الزمالك بالتعادل وهنأ النادي الأهلي على التعادل الذي خرج به

**alaasaid** · 02-01-2011 11:27 AM

للاسف ابراهيم حسن طول عمره عاله على أخوة حسام , و من الاحسن انه يسكت لانه مش بيعرف يتكلم و لا بيجمع الكلام من اساسه

و مش عارف ليه شاغل نفسة بالاهلى و اللى بيحصل فى الاهلى و مين اساسا طلب رأيه فى تعاقد الاهلى مع جوزية

**amribrahim** · 02-01-2011 11:31 AM

معلش يعني بس أنا حاسس إن إتحاد الكورة المصري ماشي كوسة و الكوسة هي الأهلي

اللي ماسك الإتحاد أهلاوي و في أوروبا و الدول المتقدمة ديه اسمها conflict of interest

يعني فيه مصلحة زي الشركات كدة في شركات مش بتعين الإبن مثلاً و يكون الأب شغال فيها أو العكس أو حتى لو مثلاً إبن عمي أو خالي أو خالتي أو عمتي ههههههة

معلش بقى أصل أنا زملكاوي

**epnmasr** · 02-01-2011 11:49 AM

وفيه تصريح كمان نسي يقوله أو أتكسف يصرح بيه
أن حسام حسن أهدى التعادل للأهلي بالتشكيل اللي لعب بيه و بالتغيرات اللي عملها
وأن زيزو أعطاهم درس في كيفية إدارة المباراه وكمان في الأخلاق

**ahmedhossam86** · 02-01-2011 11:54 AM

المشاركة الأصلية كتبت بواسطة amribrahim

معلش يعني بس أنا حاسس إن إتحاد الكورة المصري ماشي كوسة و الكوسة هي الأهلي

اللي ماسك الإتحاد أهلاوي و في أوروبا و الدول المتقدمة ديه اسمها conflict of interest

يعني فيه مصلحة زي الشركات كدة في شركات مش بتعين الإبن مثلاً و يكون الأب شغال فيها أو العكس أو حتى لو مثلاً إبن عمي أو خالي أو خالتي أو عمتي ههههههة

معلش بقى أصل أنا زملكاوي

طب ما المدير الفني للمنتخب زملكاوي.. و بالعكس بيضم ابو تريكة في كل معسكر و يستبعد شيكابالا و عبد الله السعيد.. و ماسك المنتخب بقاله 6 سنين..

و مجلس ادارة الاتحاد فيه اهلاوية و زمالكوية...

الاهلي عامل اتفاقية تؤامة مع فريق جراتس النمساوي عشان لعب فيه صالح سليم و وائل رياض.. تقوم النمسا كلها بحكامها متحيزة للاهلي؟؟ بعدين مع احترامي.. نسبة الاهلاوية اكبر في مصر.. فطبيعي انك تلاقي نسبتهم في مجلس ادارة اتحاد الكورة اكتر مقارنة بالزمالك.. دي مسألة نسبية..

و دلوقتي فيه احتراف.. حسام حسن ابن الاهلي ماسك الزمالك و الجوهري درب الزمالك.. و مجلس ادارة الاتحاد فيه الاهلوية هاني ابو ريدة و مجدي عبد الغني.. و فيه الزملكاوي ايمن يونس..الخ

بس هيما ماشي بمبدأ خالف تعرف.. و عايش علي انجازات و اسم حسام..

hh · 02-01-2011 12:42 PM

طبيعي كلامه يستفزك لأنك أهلاوي, انما هو كلامه كله صح (على الأقل اللي انت ناقله).

و فعلا الأهلي لاعيبة و جمهور و أدارة و اعلام كمان عاملين فرح كأنهم كسبوا مثلا, مع ان التعادل أصلا في مصلحة الزمالك. و لو ركزت مع تصريحات بركات و معوض و غيرهم كنت عرفت انهم فعلا كانوا بيدافعوا عن تواجدهم و رغم الاستنفار ده معرفوش يشكلوا أي خطورة رغم السيطرة.

hh · 02-01-2011 12:45 PM

و بعدين الأعلاميين هما اللي بيسألوه ايه رأيك في رجوع جوزيه, عايزه يقولهم ايه؟؟

**أبو إياد** · 02-01-2011 12:54 PM

وبما انى زمالكاوى

بعد المباراة احتفل لاعبو الأهلي سويا بالتعادل،

يكفينى فرحه الاهلى بالتعادل مع الزمالك فالفرحه تعنى الانتصار بالرغم من ان التعادل لصالح للزمالك .... عجبى

**Dr.Karim Emam** · 02-01-2011 01:41 PM

مع إحترامي لإخواننا الزملكاوية

هو مين اللي قال إن إحنا كأهلاوية فرحانين بالتعادل؟!!

هو حسام حسن يكدب الكدبة و بقيت الجمهور يصدقها؟!!

ده إحنا طالعين من الماتش زعلانين إن إحنا ماعرفناش نجيب جون بالرغم من إن الماتش كان في إيدينا !!