حد غسل الساجا بتاعته من تحت والموتور؟؟؟؟

يا بروتانيون عاوز اغسل العربية من تحت وخايف من كذا حاجة :

1) طرييقة رفع العربية فى البنزينة لان معظمهم بيبقوا غشم ممكن يبوظو حاجة\

2) طريقة الغسيل والمستعمل فى الرش ( جاز وصابون و .... )

3) بالنسبة للموتور كنت سمعت مش فاكر فين بلاش حد يغسل الموتور الا فى التوكيل او مع كل صيانة بيتهيألى فى التوكيل الى قالولى كده

لو حد ضامن مكان فى اسكندرية بيغسلها بنضافة وبحرص يقولى فين (( انا كنت بغسل عربيتى القديمة ال 127 فى بنزينه اسو بس طبعا معرفش الموضوع ايه مع الساجا

....* زمعلش في حاجة تانية .... لما بمشي فى اي حته مثلا فيها ميه وطينة خفيفة بسمعها بتخبط فى البودى بتاع العربية بيبقى مسموع جامد ؟؟؟
مش المفروض بيبقى فى عوازل فى الحته دى زى كاوتش بيصد الموضوع ده ولا الكاوتش ده زى قلته وبيمنع الصدا بس

معلش يا جماعة صدعتكم بس عندى حاجات كتير والمشكلة معننديش وقت خالص اتابعها ومعنديش حد اساله غيركم
وشكرا ليكم وبالتوفيق دائما

انا بردو لما بمشي بحس ان التراب بيسمع في الصاح من تحت
انت ريحتيني لما عرفت انك زي
اما بقي علي غسيل العربيه انا بصراحه ماجربتش

طب الحمد لله عايزين حد بقى يكون جرب الغسيل ده

وربنا يباركلك فى العربية ان شاء الله

اه فعلا بالذات لو طريق فيه رمل بتحس انه فعلا بيخبط في العربية من تحت بصوت مسموع للغاية وفعلا الناس كلها بتقلك بلاش غسيل الماتور بيماه ذات ضغط عالي ويفضل تكون تحت واحد فاهم ويكون بفوم او بالأقصى انك تنضفها بضغط هوائي من على بعد .. وده حدود معرفتي بصراحة ..

بالنسبه لصوت الرمال و الطينه و الكلام ده اللي بتسمعوه و انتوا ماشيين في حته فيها رمل اول طينه او زلط صغير مش تقلقوا خالص الحاجات ديه مش بتيجي في صاج العربيه بتيجي في الكرتيره اللي هيا الجزء الي فوق الكاوتش علي طول من جوه و ديه بتكون بلاستيك و بتبقي ماسكه في الرفرف و الاكصدامات و الصوت ده هتسمعوه في اي عربيه مش في الساجا بس ده طبيعي و انت ماشي النقشات اللي بتبقي في الكاوتش بتتملي رمل او طينه من الارض و بعدين و العجله بتلف بتنطرها علي الكارتيره و نصيحه كل اللي مش مركب دلايات عند العتب تحت يركب لأن الساجا نازله بدون دلايات و ديه هتحمي صاج العربيه من الصدأ و من الاتساخ لأن لو انت ماشي في حته فيها طينه او ميه و مش مركب الدلايات هتلاقي جناب العربيه كلها طينه فالدلايات هتحكميك شويه .

اما بالنسبه لغسيل العربيه من تحت انا كنت غسلتها قبل كدا من تحت في بنزينه عندنا في شارع الهرم و العربيه اترفعت عادي حدا مفيش اي خطر ولا حاجه لأنوا بتترفع علي ال 4 عجلات عادي جدا مش بتترفع من الشاسيه لو هتروح بنزينه و هتلاقيهم هيرفعوها من الشاسيه قولوا لأ لو من العجل متخافش خالص بس بلاش غسيل العربيه كتير من تحت يعني مره كل سنه مثلا و كمان لما تغسلها امشي بيها مسافه حلوه كدا بعد الغسيل و انت بتجري شويه علشان اي مياه تكون متجمعه في مكان تنشف علشان الصدا و الغسيل تحت العربيه بيكون بالمياه بس .

بالنسبه لغسيل الموتور بلاش احسن انصحك انو تنضفوا انت بفوطه زفره و بلاش الغسيل لأنو لا هيزود ولا هيقلل حاجه بل بالعكس ده ممكن يتسبب في عطل اي حاجه في العربيه لقدر الله أن العربيه فيها كمبيوتر و اجهزه حساسات و فيوزات و الميه غلط جدا في الاماكن ديه انما العربيات القديمه اوك عادي .

لو في اي استفسار تاني انا تحت امرك و اهلا بيك دائما

اقتباس:

---

المشاركة الأصلية كتبت بواسطة spiderloking

بالنسبه لصوت الرمال و الطينه و الكلام ده اللي بتسمعوه و انتوا ماشيين في حته فيها رمل اول طينه او زلط صغير مش تقلقوا خالص الحاجات ديه مش بتيجي في صاج العربيه بتيجي في الكرتيره اللي هيا الجزء الي فوق الكاوتش علي طول من جوه و ديه بتكون بلاستيك و بتبقي ماسكه في الرفرف و الاكصدامات و الصوت ده هتسمعوه في اي عربيه مش في الساجا بس ده طبيعي و انت ماشي النقشات اللي بتبقي في الكاوتش بتتملي رمل او طينه من الارض و بعدين و العجله بتلف بتنطرها علي الكارتيره و نصيحه كل اللي مش مركب دلايات عند العتب تحت يركب لأن الساجا نازله بدون دلايات و ديه هتحمي صاج العربيه من الصدأ و من الاتساخ لأن لو انت ماشي في حته فيها طينه او ميه و مش مركب الدلايات هتلاقي جناب العربيه كلها طينه فالدلايات هتحكميك شويه .

اما بالنسبه لغسيل العربيه من تحت انا كنت غسلتها قبل كدا من تحت في بنزينه عندنا في شارع الهرم و العربيه اترفعت عادي حدا مفيش اي خطر ولا حاجه لأنوا بتترفع علي ال 4 عجلات عادي جدا مش بتترفع من الشاسيه لو هتروح بنزينه و هتلاقيهم هيرفعوها من الشاسيه قولوا لأ لو من العجل متخافش خالص بس بلاش غسيل العربيه كتير من تحت يعني مره كل سنه مثلا و كمان لما تغسلها امشي بيها مسافه حلوه كدا بعد الغسيل و انت بتجري شويه علشان اي مياه تكون متجمعه في مكان تنشف علشان الصدا و الغسيل تحت العربيه بيكون بالمياه بس .

بالنسبه لغسيل الموتور بلاش احسن انصحك انو تنضفوا انت بفوطه زفره و بلاش الغسيل لأنو لا هيزود ولا هيقلل حاجه بل بالعكس ده ممكن يتسبب في عطل اي حاجه في العربيه لقدر الله أن العربيه فيها كمبيوتر و اجهزه حساسات و فيوزات و الميه غلط جدا في الاماكن ديه انما العربيات القديمه اوك عادي .

لو في اي استفسار تاني انا تحت امرك و اهلا بيك دائما

---

الف شكر يا باشا على الرد الوافى ده

انا فعلا ال 127 كان بيرفعها من الشاسيه وده الى مقلقنى

والغسيل بالميه من تحت مش ممكن يوصل للموتور ؟؟؟؟

انا فكرت اعمله ببلور بتاع الكمبيوتر ده :)

بيتهيألى ينفع؟؟

بلاش البلاور مش هيبقي قوي اوي اللي هينجز معاك و افضل و احسن لما تروح البنزينه تغسل خليه يعملك الموتور بمسدس الهواء انا بعمل كدا و بنضفوا بالهواء و كمان و انت بتنضف الحوض بتاع العربيه افتح علبة فلتر الهواء و خرجوا و خليه ينضفوا بالهواء بردوا

اقتباس:

---

المشاركة الأصلية كتبت بواسطة spiderloking

بلاش البلاور مش هيبقي قوي اوي اللي هينجز معاك و افضل و احسن لما تروح البنزينه تغسل خليه يعملك الموتور بمسدس الهواء انا بعمل كدا و بنضفوا بالهواء و كمان و انت بتنضف الحوض بتاع العربيه افتح علبة فلتر الهواء و خرجوا و خليه ينضفوا بالهواء بردوا

---

هوه ممكن افك فلتر الهوا ؟؟؟ ميجرلهوش حاجة ولا عادي سهل ؟؟

اولا صوت الرمل ده عادى لان زى ما الراجل قالك ده بيخبط فى البلاستيك اللى فوق العجل
ثانيا انا غسلت قبل كده العفشة ورفعت وغسلوها تمام
وغسلت برضه الموتور كيماوي مش فوم بيغسلها كده بحاجة زى الجاز برشاش كده بيبخ برقه شوية على الموتور وغسلت من جواه برضه كيمياوى
كل ده فى بنزينة الصراحة فيها واحد كده راجل بيبقى واقف مع العمال وهما بينطفوا بنفسه وعمال محترفة
البنزينية اللى على مدخل المعادى الرئيسى من الكورنيش

السلام عليكم ورحمه الله وبركاته

انا هشارك باللى أعرفه ..... انا غسلت الموتور من حوالى شهر بجاز وربنا ما يوريكم ..... بعدها بيومين كنت فى التوكيل علشان فى صوت فى بليه الشداد وبيبان اوى مع التكييف وزيتوها والمهندس قالى بسبب غسيل الموتور بالجاز .. وبعد الموضوع ده بكام يوم ظهرت مشكله فى حساس الحراره بس اتحلت لوحدها والحمد لله .... ده غير ان شكل الموتور بعد غسيل الجاز مش حلو ومحتاج يتغسل تانى بميه وصابون ... وكنت مره قبل كده غسلته بميه بس والكلاكس فضل مش شغال لفتره وبعد كده اشتغل لوحده ... ارجو من الساده الأعضاء المشاركه بخبراتهم فى الموضوع ده واحسن طريقه لغسيل الموتور

والسلام عليكم ورحمه الله وبركاته

يا جماعه بلاش غسل المواتير من الاساس يعني بالعقل كدا ينفع تجيب اللاب توب بتاعك و تحطوا تحت الحنفيه او تجيب شويه جاز و تغسلوا اي سوائل بتوصل الكهرباء طبعا اللاب توب هيتحرق و لو متحرقش و ربنا سترها هيبوظ في حاجه او هيفضل يعلق او يهنج العربيه زيوا بالظبط مهو فيها كمبيوتر و حساسات و الميه او الجاز او الصابون او الفوم او كيماوي او غيروا بردوا غلط عليها احسن حاجه فوطه زفره كدا و امسح الموتورو الحوض انت بنفسك بس تكون العربيه بارده علشان متتلسعش بس كدا

مهو ده الى مخوفنى من غسيلها فى اى حتة بذات الموتور

عشان فعلا الجاز مضر وحتى من تحت ممكن يأثر على اى كاوتش او جلب فى العربية

اقتباس:

---

المشاركة الأصلية كتبت بواسطة spiderloking

بالنسبه لصوت الرمال و الطينه و الكلام ده اللي بتسمعوه و انتوا ماشيين في حته فيها رمل اول طينه او زلط صغير مش تقلقوا خالص الحاجات ديه مش بتيجي في صاج العربيه بتيجي في الكرتيره اللي هيا الجزء الي فوق الكاوتش علي طول من جوه و ديه بتكون بلاستيك و بتبقي ماسكه في الرفرف و الاكصدامات و الصوت ده هتسمعوه في اي عربيه مش في الساجا بس ده طبيعي و انت ماشي النقشات اللي بتبقي في الكاوتش بتتملي رمل او طينه من الارض و بعدين و العجله بتلف بتنطرها علي الكارتيره و نصيحه كل اللي مش مركب دلايات عند العتب تحت يركب لأن الساجا نازله بدون دلايات و ديه هتحمي صاج العربيه من الصدأ و من الاتساخ لأن لو انت ماشي في حته فيها طينه او ميه و مش مركب الدلايات هتلاقي جناب العربيه كلها طينه فالدلايات هتحكميك شويه .

---

سبيدر
هي الكرتيره دي بتبقي ورا وقدام ولا قدام بس عشان انا تقريبا عندي قدام بس