غطاء السياره

**zakihacker** · 02-01-2011 01:47 PM

انا كنت عايز اجيب غطاء للسياره ياجماعه اجيبوا منين وحاجه مويسه انا روحت عند واحد قريب من البيت عندى بيقولى 150 جنيه قماش بس تقيل جدااااااا جدااااا قماشته كويسه بس انا شايفه كتير اوى ياريت تقولولى اشوف الحاجات دى فين عايزين ندخل السوق بقى العربيه لانسلا 98 وعقبال الناس الى ماجبتش تجيب باذن الله

**mishmishy** · 02-01-2011 02:27 PM

من التوفيقية انا جيبت نوعين الاول ووتر بروف و مبطن بطبقة فايبر لونه موحد رمادى فقط ودة ميزته ان الفايبر بيكون حنين على دهان العربية بس عيبة ان الشمس بتاكله خلال سنة والبطانة الفايبر بتمسك فيها اى حاجة زى ورق شجر او قش ودة بيجرح الدهان الغطاء دة بيعمل 120 ج فى التوفيقية بس ممكن تفاصل لانى جيبته من سنه بحوالى 90ج وبيكون فى شنطة وعليها صورة عربية بس لما باظ اشتريت واحد تانى من التوفيقية خفيف قوى بس قماش مضاد للماء قريب جدا للغطاء اللى بينزل مع العربيات الزيرو ولونه رمادى غامق والظهر فضى وانا شايف دة احسن ومش بياخد مكان خالص فى شنطة العربية ومش بتمسك فيه اى حاجة غير ان الشمس مش بتاثر فيه زى الووتر بروف او القماش العادى وكمان تمنه 70ج ارجو اكون افدتك والف مبروك عليك

**gamal_tx** · 02-01-2011 03:05 PM

الوتر بروف احسن بس بيضايق انه ساعات بيطير من على العربية وانا عملت استك شديد عند السروجى ومن ساعتها كويس

**LORD.ADeL** · 02-01-2011 03:31 PM

بخصوص غطاء يا شباب عندي قماش عادي بس اتصرف معه ازي
لما يكون فى مطر يطبق ويتشال فى عربيه ولا يتنشر ولا ايه ؟
علشان حاسس انه لو اتشال وهوا في ميه مطر وكدة يكمم ويعمل ريحه وحشه ولا انا بتكلم غلط؟

**momo44** · 02-01-2011 11:04 PM

المشاركة الأصلية كتبت بواسطة mishmishy

من التوفيقية انا جيبت نوعين الاول ووتر بروف و مبطن بطبقة فايبر لونه موحد رمادى فقط ودة ميزته ان الفايبر بيكون حنين على دهان العربية بس عيبة ان الشمس بتاكله خلال سنة والبطانة الفايبر بتمسك فيها اى حاجة زى ورق شجر او قش ودة بيجرح الدهان الغطاء دة بيعمل 120 ج فى التوفيقية بس ممكن تفاصل لانى جيبته من سنه بحوالى 90ج وبيكون فى شنطة وعليها صورة عربية بس لما باظ اشتريت واحد تانى من التوفيقية خفيف قوى بس قماش مضاد للماء قريب جدا للغطاء اللى بينزل مع العربيات الزيرو ولونه رمادى غامق والظهر فضى وانا شايف دة احسن ومش بياخد مكان خالص فى شنطة العربية ومش بتمسك فيه اى حاجة غير ان الشمس مش بتاثر فيه زى الووتر بروف او القماش العادى وكمان تمنه 70ج ارجو اكون افدتك والف مبروك عليك

ممكن تقولنا جبته من عند مين فى التوفيقية

وهل هوة فعلا وتر برووف
ولا المية بتجرى عليه بس لو سبتها بيمتصها
ارجو الرد ضرورى

**zakihacker** · 03-01-2011 12:46 AM

ياترى ايه الجديد فى الموضوع مستنى الناس الحلوة

**sherif_84** · 04-01-2011 07:21 AM

بالنسبة لأى غطا عربية بيطير مع الهوا الجامد لو مش متثبت كويس يعنى مش الووتر بروف لوحده اللى بيطير وانا جربت الووتر بروف و جربت القماش العادى .. الووتر بروف ميزته لو فى مطره و بقت عليه ميه مش بيترك أثر للميه على العربية بعكس القماش اللى بيبهدل العربية بالميه و حاجة كمان الووتر بروف سهل التشقق تحت الشمس وبالذات فى فصل الصيف انما القماش العادى مش بيتشقق وبرضو لو طلعت كلاب على العربية ممكن تعمل تششقق فى الغطا الووتر بروف .