الموضوع: فيات جراند بونتو افضل عربيه ب 100000 جنيه !!!!!!!!

بص يا Lambo :

المقارنة صعب اوي .. ليه

الي بيشتري سيارة زي الجراند بونتو في مصر .. شخص اخر غير الي بيشتري لانسر في مصر

مش اسوء او احسن .. بس ده تفكير و ده تفكير تاني .

الي بيشتري الانسر حاليا .. اهم سبب للشراء الانتشار و الاعتمادية المعروفة للسيارات اليابانية عامة و واحد مش عايز يوجع دماغه بالعربية و ده طبعا تفكير عملي و كويس .

في تفكير تاني زي بتاعي و بتاع حضرتك مش و بتاع الانسة Onna . و هو شراء شيء محبب للنفس شكلا و طعما .. مش مجرد انها منتشرة يبقى حتعجبني .. ممكن في سيارات كتير جدا منتشرة و ناجحة و انا شخصيا لا اطيقها شكلا و مضمونا .

التفكير ده مش عملي و لكن مش خطأ طالما انت عارف بتعمل ايه .

الجراند بونتو اصغر و اضعف من الانسر ( اصغر حجما واضعف موتوريا ) و دي حقائق مش عايزة نقاش ..
بس مع احترامي للانسر - الجراند بونتو تقفيلها و خامتها و صاجها و تصميمها و ثباتها و اعتناديتها و امانها ( 5 نجوم في اختبارات التصادم )
افضل من الانسر بمراحل .

عيوبها ؟
موتورها ضعيف مقارنة بالانسر بس للسيارة نفسها 77 حصان كافيين جدا .
اوروبية - سعرها غالي - قطع غيارها غالية - و ده عيب كل السيارات الاوروبي في مصر .
ملفتة للنظر و انا شخصيا بحسد كل شخص راكبها D:

--

فنتضايقش خالص ! انت راكب حاجة محترمة جدا و متفردة جدا !

معندك معاز مثلا .. اشتري السيريون ال 1500 والي هي بتمن الانسر مثلا .. و فضلها عليها ؟ هل هو مش عارف الانسر ؟ لآ ! بس هو عايز حاجة تانية من السيارة .

الاستاذ ابو عبد الله نفس الشيء .. تمن السيريون ال 1300 قريب من الانسر ال 1300 .. مجبهاش ليه ؟ تفكير في شيء اخر ..

مش معنى ان الانسر منتشرة و ناجحة في مصر يبقى لازم كلنا نجيب لانسر ياما نبقى اضحك علينا !

Onna نفسها عايزة تغير الهوندا سيتي بدايهتسو ماتيريا ! و تفريبا انا الوحيد الي في المنتدى الي موافق :P

انا لما جيت اشتري سيارتي ... 70 الف جنيه معايا
كان في فرنا 1600 كاملة
لانوس 1500 كاملة
افيو الشكل القديم 69000 كاملة
فيات باليو 1300 هاف ابشنز 1300 68.000

اخترت اخر واحدة ! ليه ؟
بحترم فيات اولا .. بحب شكلها جدا ( سيارتي ) ثانيا
موتورها 1300 - 83 حصان اقوى من موتور الانوس و الافيو او نفسه ( 1500 80 حصان ) و موفرة في البنزين عنها - كنت مـتاكد انها مش حتنتشر زي الفرنا الي انا بكرها شكلا !

هل هو انسب اختيار ؟
عامة ؟ لآ !
بالنسبة لي ؟ اه !

لو رجعت بالزمن حجيب نفس السيارة تاني بس ححافظ عليها اكتر P:

المشاركة الأصلية كتبت بواسطة Ahmad Allawy

بس اكيد لازم تحط في بالك حاجة غير كل الكلام اللي اتقال..
وهي ان التوكيل بتاع فيات في مصر مش مستقر..
قفل اكتر من توكيل وفتح اكتر من توكيل.. ومفيش حاجة فيهم اسمها مشهور او بتقعد كتير..
والمشكلة ان قطع غيارها مش هتلاقيها غير في التوكيل.. ولو لقيتها برة هتبقي غالية قوي..
اللانسر قطع غيارها ناقص تلاقيها عند الفكهاني.. وكمان في منها متنوع الاسعار والتصنيع يعني صيني وتايواني و ياباني و و و....
لكن الفيات بيتهيألي هيبقي مش بنفس التنوع ده.. واعتقد ان معظم قطعها هتبقي برازيلي..
يعني رأي شخصي.. انا باشتري عربية تقعد معايا فترة كويسة.. قبل ما ادور عليها برة وعلي التقييم.. ادور علي تقييمها في الشارع المصري و توكيلها وقطع غيارها..
لكن لو انت مش بتفرق معاك الحاجات دي..
اقصد ماديا يعني مفيش مشكلة ان قطع الغيار غالية.. او معاك عربية غيرها ان لو لا قدر اله التوكيل قفل ولا حاجة مش موجودة وهيبعت يجيبهالك من ايطاليا هتقعد تستناها.. فدي حاجة ترجعلك..
انت ادري بظروفك..
وربنا يكرمك اولا واخيرا

قطع غيار سيارتي ( فيات باليو 2006 ) موجود منها في التوكيل ايطالي 100%
برة التوكيل فيه :
ايطالي - الماني - برازيلي - تركي - صيني - مصري - اسباني

و طبعا باسعار مختلفة و انا معرفش مين الي بيقول ان قطع الغيار مش موجودة . .انا عمري ماسألت برة او جوة التوكيل علي قطعة غيار و ملقيتهاش الا بعد اسبوع من استلام العربية تعرض لحادث ( سنة 2006 ) و كان لسة التوكيل مجبش كل قطع الغيار ..

لدرجة اني لقيت الفانوس بتاعي في الحرفيين استيراد - زيرو ! تمنه كان اقل من نصف تمن الجديد .
قطع غيارها غالية نسبية ولكن معمرة جدا لو اشتريت الاصلي الايطالي او الالماني .
و زي اي سيارة اخرى في الف مليون قطعة غيار مضروبة .

وياريت لو حد عنده لانسر يقولي تمن الكماليات كام ؟ ( فانوس امامي - خلفي - مرايات جانبية - شبكة - كبوت - فوج لايت ( اصلي ياباني ) ) و نقارن و نشوف !