شركة تى اى داتا لا تحترم تعاقدتها

**hazemselmy** · 02-01-2011 05:58 PM

كنت قد تعاقدت مع شركة تى اى داتا على العرض الصيفى لمدة عام على أن أدفع مبل غ 285 جنية مقابل 5
شهور لمدة عام وعندما حاولت التسديد للمرة الثانية بعد مرور خمسة شهور رفض الموزع استلام المبلغ
وقال احنا هناخد كل شهر 95 لاننا لغينا العرض وعندما طالبت بالغاؤ الخدمة قال على بدفع مبلغ 220 حنية
والانتظار 7شهور اخرى لحين انتهاء العرض الصيفى اللى كنت مشترك فية
انا مش فاهم اذا كان اتلغى لماذا انتظر 7شهور كاملة للالغاء واذا كان مستمر لماذا لايحصل مبلغ 3 مقابل 5
كما كان العرض المقدم
ملحوظة هذه ليست المرة الاولى التى تخل شركة شركة تى اى داتا بتعاقدتها حييث اننى فى الاصل
أتعاقد على باقة غير محدودة ثم يطبق مايقال عليها اسستخدام عادل وهو غير عادل لتخفيض السرعة
بالاضافة الى كثرة تعطل النت ودايما الرد الكابلات مسروقة أومقطوعة وكأنى مطلوب منى احمى انا الكابلات من الالقطع أو السرقة اظن مايفعلونة يصب فى صالح شركات المحمول فبصراحة جميع خدمات الممصرية للاتصالات
و تى اى داتا المملوكة له اصبحت سيئة للغاية
ارجوكم المشورة بشركة محتر مة سواء ارضى اومحمل يمكن التعاقد معها كيف افصل الدمة من هذه الشركة

**Medo.Malek** · 02-01-2011 06:40 PM

عليك و على فودافون adsl بس ده هايحتاج خط تلفون تانى لانك مش هاتعرف تلغى الخط بتاع تى داتا مهما عملت ! للاسف
انا برده كنت مشترك مع تى داتا و كنت كل يوم عندى مشكلة و كل يوم اتصل بيهم و كل يوم يقوللى حجة جديدة
و وصلت بيهم البجاحة انهم فى مرة من المرات اتصلنا بخدمة العملاء نشتكى لقينا الهانم بتاعت خدمة العملاء بتقولنا (اه هو انتو تانى ! )
من يومها و احنا قررنا اننا مش هانكمل معاهم و بقالنا اهه 7 شهور تقريبا طالبين اننا نلغى الخدمة معاهم و لحد اللحظة دى مش راضين يلغوها و كلمونى يترجونى ارجع الخدمة و قلتلهم هاجيلكوا الشركة و مرحتش !

**hazemselmy** · 02-01-2011 08:01 PM

مشكور على سرعة الرد لكن ياريت تكمل جميلك وتقولى اشترك ازاى

**eng_maged** · 02-01-2011 08:20 PM

اكيد يا باشا ده نصبايه من الموزع
انا شفت موزعين نصابين في كل حاجه - حاول تغير اشتراكك مع الشركه مباشره وتلغي الموزع

**Medo.Malek** · 02-01-2011 08:27 PM

المشاركة الأصلية كتبت بواسطة hazemselmy

مشكور على سرعة الرد لكن ياريت تكمل جميلك وتقولى اشترك ازاى

يا فندم حضرتك لو عندك خط تلفون ارضى تانى غير اللى عليه تى داتا يبقى مفيش اى مشكله حضرتك هاتروح اقرب فرع فودافون ليك و هاتعمل الاتى (ده اللى انا عملته ) :
1 هاتملى استمارة اشتراك فى adsl vodafone و من ضمن البيانات المطلوبة فيها رقم تلفونك الارضى و رقم تلفون محمول بس لازم فودافون عشان ده اللى حضرتك هاتدفع الاشتراك بيه
( دفع الاشتراك بيكون عن طريق ان حضرتك بتشحن كارت و يكون معاك رصيد كفاية و هما بيسحبو الاشتراك من رصيدك كل اول شهر و مش لازم حضرتك الشركة تدفع او اى روتين من ده )

2 لو كانوا عاملين اى عروض حضرتك هاتحدد العرض المناسب ( انا كانوا عاملينلى عرض ادفع نص الاشتراك لمده 6 شهور مع راوتر مجانا و التركيب مجانا ) و بعدها باسبوع بيجوا يركبوا الرواتر و كل حاجة بس كده :)
اما بقى لو مفيش خط تلفون ارضى متاح غير بتاع تى داتا فا للاسف مش هاقدر افيدك :(

**mailo** · 19-01-2011 03:26 PM

طب أنتم عملا أنا بقى كنت شغال فيها لحد ماتخنات وكنت بشتغل في HQ لحد مارحت لمديري وقلتله "باقولك إيه أنا اللي مش عايز أشتغل معاك أصلا " أنا ماشي يوم 15 فالشهر
أنا كنت شغال فالشركة وكان عندي دي إس إل فري بس واللهِ كنت متعاقد مع link

المشاركة الأصلية كتبت بواسطة Medo.Malek

عليك و على فودافون adsl بس ده هايحتاج خط تلفون تانى لانك مش هاتعرف تلغى الخط بتاع تى داتا مهما عملت ! للاسف
انا برده كنت مشترك مع تى داتا و كنت كل يوم عندى مشكلة و كل يوم اتصل بيهم و كل يوم يقوللى حجة جديدة
و وصلت بيهم البجاحة انهم فى مرة من المرات اتصلنا بخدمة العملاء نشتكى لقينا الهانم بتاعت خدمة العملاء بتقولنا (اه هو انتو تانى ! )
من يومها و احنا قررنا اننا مش هانكمل معاهم و بقالنا اهه 7 شهور تقريبا طالبين اننا نلغى الخدمة معاهم و لحد اللحظة دى مش راضين يلغوها و كلمونى يترجونى ارجع الخدمة و قلتلهم هاجيلكوا الشركة و مرحتش !

قدم شكوى في جهاز تنظيم الاتصالات أو حاجة كده زيه اسمها إيه أنا معرفش بصراحة بس هم عليهم جهة رقابية

المشاركة الأصلية كتبت بواسطة Medo.Malek

يا فندم حضرتك لو عندك خط تلفون ارضى تانى غير اللى عليه تى داتا يبقى مفيش اى مشكله حضرتك هاتروح اقرب فرع فودافون ليك و هاتعمل الاتى (ده اللى انا عملته ) :
1 هاتملى استمارة اشتراك فى adsl vodafone و من ضمن البيانات المطلوبة فيها رقم تلفونك الارضى و رقم تلفون محمول بس لازم فودافون عشان ده اللى حضرتك هاتدفع الاشتراك بيه
( دفع الاشتراك بيكون عن طريق ان حضرتك بتشحن كارت و يكون معاك رصيد كفاية و هما بيسحبو الاشتراك من رصيدك كل اول شهر و مش لازم حضرتك الشركة تدفع او اى روتين من ده )

2 لو كانوا عاملين اى عروض حضرتك هاتحدد العرض المناسب ( انا كانوا عاملينلى عرض ادفع نص الاشتراك لمده 6 شهور مع راوتر مجانا و التركيب مجانا ) و بعدها باسبوع بيجوا يركبوا الرواتر و كل حاجة بس كده :)
اما بقى لو مفيش خط تلفون ارضى متاح غير بتاع تى داتا فا للاسف مش هاقدر افيدك :(

مش لازم تروح اتصل بيهوم بس وهم هايجلك ويركبوه بالراوتر بكل حاجة
أنا عندي فودافون وكويس معايا

**MASERATI** · 19-01-2011 04:08 PM

السلام عليكم و رحمة الله و بركاته

أنا من رأيى, اكتب كووووووووووووووول حاجة بالتفصيل و ابعتها (البيت بيتك) لأن الشركة دى بتاع أحمد اللى مش نظيف و بالتالى محمود سعد هيفضح الشركة دى .

**mohamed_selim** · 19-01-2011 04:16 PM

هو حضرتك بتتعامل مع موزع ولا tedata نفسهم؟
اصل انا كنت مشترك فى نفس العرض بتاع ادفع 3 و خد 5 بس و الحق يقال كانو قايلنلى ان ده عرض مره واحده يعنى بعد 5 شهور ادفع عادى ..

**Ahmed.Ali** · 19-01-2011 05:33 PM

المشاركة الأصلية كتبت بواسطة MASERATI

السلام عليكم و رحمة الله و بركاته

أنا من رأيى, اكتب كووووووووووووووول حاجة بالتفصيل و ابعتها (البيت بيتك) لأن الشركة دى بتاع أحمد اللى مش نظيف و بالتالى محمود سعد هيفضح الشركة دى .

تعديل صغير TEData تمتلكها الشركه المصريه للاتصالات TE عشان كدا اسمها TEData :)

**MASERATI** · 19-01-2011 06:13 PM

المشاركة الأصلية كتبت بواسطة ahmed.ali

تعديل صغير tedata تمتلكها الشركه المصريه للاتصالات te عشان كدا اسمها tedata :)

السلام عليكم و رحمة الله و بركاته

ألف شكر يا باشا على التعديل ده , أنا كنت عرفت المعلومة دى من الناس ( أن الشركة بتاع أحمد اللى مش نظيف ) , بس هى شركة تى داتا, شركة حكومى و لا قطاع خاص, هى أصلا المصرية للاتصالات اتخصصت و لا لسه تبع الحكومة؟؟؟

الموضوع: شركة تى اى داتا لا تحترم تعاقدتها

LinkBack

أدوات الموضوع

عرض

-

-

-

-

-

المواضيع المتشابهه

الانترنت مع شركة تى داتا( استشارة )

هام جدا يا جماعة بخصوص شركة تي اي داتا

افضل شركة adsl ؟ لينك ولا تي اي داتا؟؟

شركة موباكو ...تحترم عملائها....وصنع في مصر

يعنى ايه لما شركة تى داتا تقول الخط مكسور بره السنترال

الكلمات الدلالية لهذا الموضوع

المفضلات

المفضلات

ضوابط المشاركة