استفسارات عن قطع غيار Ax

السلام عليكم و رحمة الله و بركاته
معايا Ax موديل 94 .. 1400 سى سى
...........
كنت عايز اسأل عن شوية قطع غيار محتاجها
يا ريت الى جابها يقولى الافضل و منين و بكام
جزاكم الله خيرا مقدما
----------------------
تيل فرامل امامى
التيل الخلفى .. ده بيتملى فين ؟؟ و بكام برضه
جلب و بيض المقصات
مقبض للباب اليمين بتاع السواق .. الخارجى .. كامل
-------------------------
و يوجد معايا برضه
ركبتين لــ 1100 اضحك عليا فيهم و حد باعهم ليا على اساس انهم 1400
حسبنا الله و نعم الوكيل
المساعدين و البطاحتين زى الفل .. الطنابير بس وحشه
و انا اشتريت ليهم تيلين جداد زيرو.. و اتنين بلى عجل فرنساوى و الله
و لبست كل ده ف دماغى
و لما لقيت انهم مش نافعين .. فكيت الحاجات عشان ابيعهم
لو حد محتاج حاجه منهم

كل اللى انت عايزه هتلاقيه عند الحاج فرج بجسر السويس
ميكانيكا وعفشة وقطع غيار استيراد
وان شاء الله تلاقى عنده اللى مش هتلاقيه بره وبسعر معقول (عن تجربة)
0105639260
ولو عايز اى حاجه اطلب ماتتكسفش كلنا اخوات وبنفيد بعض

group citroen egypt

Login | Facebook

اقتباس:

---

المشاركة الأصلية كتبت بواسطة elghrory

group citroen egypt

Login | Facebook

---

ايه يا باشا الدلع ده كله
بس مافيش حاجه للغلابة بتوع ax ؟؟؟؟؟؟؟
عايزين نتعلم احنا كمان
ياريت تقولنا البطارية الاستاندارد بتاع ax كام امبير وكذلك مقاس الكاوتش الاصلى والجنط وشوية معلومات عامة كده
ويا سلام لو جبتلنا العلامات الموجوده فى العداد والتابلوه اللى مش بنشوفها خالص عشان نعرف الامكانيات المتاحة ونشغلها ونستفيد منها(بس بالعربى) احسن اخوك بطيخة فى الانجليزى (مش بطيخة اوى يعنى بس بطيخة برضه) الموديل بتاعنا ax- 1400cc الاربعة باب مش الكوبية ام 2 باب
ويبقى ليك الحلاوة والجبنةوالزيتون

اول ما أوصل لحاجة هرفعها وإنت لو عندك معلومات إرفعها لكى الكل يستفيد

مشكور لاهتمامك

ياريت حد يقولى موتور ax بكام

موتور ستروين مش فاكر اكسارا ولا سى حاجه كده 4 او 3 مش عارف
المهم الموتور 1600 شوفته راكب على ax وطبعا انجكشن وكان تحفة
سألت الحاج فرج قالى عامل 3600ج بس طبعا على ضمانته
معلومه حبيت انقلها بس واعتقد موتور الـ ax الـ 1400 اكد ارخص من كده

موتور الايه اكس هو نفسه موتور 205بيجو وسعته 1400 او 1360 سي سي المكنه العدله السودا اسمها tu3 او ka1 مع بعض الاختلافات الصغيرة البسيطه وسعرها ماعتقدتش انها تزيد عن 2500 بالكتير وسيبك من اللي يزود عن كدا ولازم تفاصل وتاخد حالة مكنة نظيفه

موتور ال AX 1400 عامل حوالى 2000 تقريبا بالتركيب

أما بخصوص محرك ال 1600 إلى راكب فى AX انا شفت واحدة كدة كان محرك Xsara بس على حسب إعتقادى منصحشى بيه لأن ال AX على علب

وفيه إنجكشن بيركب على المحرك ال 1400 عامل حوالى 1000 بالتركيب

تيل فرامل امامى جديد 70
التيل الخلفى .. ده بيتملى 70 ج امريكاني في الملك الصالح
جلب المقصات جديد جلبتين 70
و بيض المقصات استيراد 50

مقبض للباب اليمين بتاع السواق .. الخارجى .. كامل؟؟؟ مش عارف