كفايــــــة خــــــــوف كفايــــــة جبــــــن
خليــك إيجـــابــى ولــو مــرة واحــدة فــى حيــاتــــك
مقاطــــع إن شـــــــاء الله
6 ابريل
عرض للطباعة
كفايــــــة خــــــــوف كفايــــــة جبــــــن
خليــك إيجـــابــى ولــو مــرة واحــدة فــى حيــاتــــك
مقاطــــع إن شـــــــاء الله
6 ابريل
فى مثل قديم بيقول مادام مش عارف ايه بعيد عن مش عارف ايه يبقى وانا مالى بس النهارده بعيد بكرة مش هيبقى بيعيد شارك فى الاضراب اقبل ما يبقى قريب
.............................................
ممنوع الكتابة باللون الأحمر لإنه مخصص للإدارة
برجاء مراجعة قوانين المنتدى
الإدارة - 3
يا ريت يا كابتن شوقى تعمل الموضوع فى صورة استطلاع و شكرا
m3ako tab3n
يا ريييت توضحوا الموضوع اكتر
معاكو بأذن الله
معكم طبعا ولازم كلنا نشارك , يمكن نعمل فرق
وياريت تبعتوا لكل اصحابكم على الاميل
وصل عدد الجروب الأن 44650 :D
هوه صحيح في قرار حكومي تم توزيعه على الشركات و المصانع بخصم اسبوع ممن يتغيب عن العمل يوم ستة ابريل القادم؟
انا ما بقولش معلومة..:rolleyes:
انا بسأل عن صحة معلومة سمعتها ....؟؟
حد عنده فكرة عنها ..ولا اشاعة لمجرد التخويف؟؟
http://www.omraneya.net/node/39223
الكلام ده منشور فعلا
وتستمر نجاحات إضراب 6 إبريل وبشائر هذا اليوم العظيم ، فمع كل وقت تزدادت القوه والمنافسه مع النظام وعدد الناس إلي بيوصل لهم دعوات إضراب 6 إبريل بيكبر ونطاقات الدعوه بتوسع والناس بتعلن مشاركتهمهم …
ومع كل ثانيه توضع نقطه حسم جديده مع هذا النظام الذي سرق قوتنا ورزقنا وقوت الأجيال القادمه ، فمع زياده أعداد الشباب المشاركين في الإضراب وإعلانهم ذلك علي جروب الفيس بوك والذي وصل تقريبا إلي 45 ألف حتي الأن ، إنتشرت الدعوه كالنار في الهشيم في الكثير من المصانع الحكومية والخاصه وبالأخص الخاصه ، وأعلن الكثير من الموظفين والمدرسين مشاركتهم الإضراب .
بل نقطه الصراع الجديده التي إنفتحت والتي كنت أتمناها ، حيث وصلني رساله من أحد الضباط بالقوات المسلحه يعلن إنه ومجموعته لن يعطوا أوامر للعساكر بتنفيذ أي شيئ هذا اليوم ، وأثني ثناءا علي هذه الدعوه الجيده .
أما الرعب الحكومي الذي إستشري ، فلقد أبلغتني إحدي أساتذتي أمس إنه هناك قرارا حكوميا قد وزع علي أصحاب الشركات والمصانع الخاصه مطالبين فيهم بتحذير العاملين والموظفين بإن إلي هيغيب يوم 6إبريل يتم خصم أسبوع من راتبه، وهذا القرار ليس الأول من نوعه حيث كان هناك تهديد لعمال غزل المحله ولكن مع إنتصار عمال غزل المحله الشديد في إضرابهم الأول كان هذا القرار مثل مناديل الحمام ترمي في التواليت بلا رجعه .
وأعتقد إن ذلك صفعه قويه لكل من يقول إن إضراب 6 إبريل لن ينجح ولن يكون له أي تأثير
بالأمس وعلي طول الوقت أثناء وجودي بمؤتمر القاهره جائتني مكالمات كتير من الكثير من أصحابي المنتمين إلي جماعه الإخوان المسلمين يبلغوني إنهم قرروا في الأسر الخاصه بهم إن سيشاركون في الإضراب ، وإن الكثير من المناطق والشعب قد أعلنوا مشاركتهم وإن بدأوا في إبلاغ أهل المناطق بشكل شفهوي عن ذلك الإضراب وأن الكثير أعلن مشاركته ، وتلك البلاغات وإعلان المشاركات دون أي تعليمات رسميه من جماعه الإخوان المسلمين حتي الأن ، الأمر الذي يؤكد إننا أمام حمله شعبيه كبيره سيشارك فيها ملايين من المصريين.
وهناك معلومه أخري قد وصلتين من بعض الشباب بالمحله ، إن هناك بعض أعضاء جماعه لجنه السياسات يحاول التفاوض مع عمال غزل المحله ( مطلقي دعوه يوم 6 إبريل ) من أجل إحباط اليوم ، ولكن دون نجاح في إقناع العمال بالعدول عن قرارهم
واعتقد إن بذلك نحن نهدد أساس النظام ، والذي بدأ يضرب بكلتا يديه في الهواء
عندما يتحدي النظام المصري شعب مصر عليه أن يعلم إننا
إحنا الأغلبيه … إحنا القوه والغضب
إحنا شعب مصر
إحنا المنتصرون
منقول
طبعا باين جد انها اشاعة وبعدين اسبوع ايه ده ده كل يوم المرتب بينقص بفضل ذيادة الاسعار وهى نقص بلا رجعة
http://www.masrawy.com/News/Egypt/Po...1/protest.aspx
http://productnews.link.net/reuters/...STRIKE-MZ4.jpg
اعتصام سابق لعمال غزل المحلة
الأحد وقفة احتجاجية لعمال المحلة ومحاولات حكومية لاجهاض اضراب 6 أبريل 3/31/2008 3:59:00 PM
القاهرة - قرر عمال غزل المحلة تنظيم وقفة احتجاجية يوم الاحد 6 ابريل القادم للمطالبة بتنفيذ باقي مطالبهم المتفق عليها في الاعتصامين الماضيين.
وأكد العمال عدم زيادة الحوافز وعدم تحسين مرفق النقل والاسكان وتأخر إحالة المتهمين بسرقة أموال الشركة للنيابة.
وأعلنت لجنة الوعي العمالي بالشركة المطالب التي لم تتحقق واتهمت حكومة الدكتور نظيف بإفقار الشعب وطالبت بحكومة وطنية تنحاز للطبقة الكادحة من الشعب.
كما طالبوا بزيادة الاجور بشكل يتناسب مع زيادة الاسعار وزيادة بدل طبيعة العمل بنسبة 35% واضافة بدل مخاطر المهنة واختيار مجلس ادارة جديد بعد حل المجلس المنتخب.
كان عمال غزل المحلة قد نظموا اضراباً في 7 ديسمبر 2007 وكذلك في 23 سبتمبر 2007 وتم الاتفاق خلال الوقفة الاخيرة مع المهندس محسن جيلاني رئيس الشركة القابضة للغزل والنسيج وحسين مجاور رئيس اتحاد عمال مصر والسعيد الجوهري رئيس النقابة العامة للغزل والنسيج وفتحي نعمة الله أمين عام النقابة علي تنفيذ مطالب العمال بعد 11 يوماً من الاعتصام.
وأشار العمال الي تحقيق جزء من مطالب العمال التي تم الاتفاق عليها وتجاهل البعض الآخر.
كما بدأت بعض المحاولات الحكومية لاحتواء الإضراب، ومن جانبه أعلن اللواء ممدوح أبو العزم مستشار وزير الاستثمار موافقة الدكتور محمود محيي الدين وزير الاستثمار علي زيادة بدل الوجبة الغذائية من 43 جنيها إلي 90 جنيها اعتبارا من أول أبريل لجميع العاملين بقطاع الغزل والنسيج.
جاء ذلك خلال كلمة أبو العزم أمام الجمعية العمومية للعاملين بالغزل والنسيج وسط احتجاجات من بعض أعضاء الجمعية العمومية لعدم كفاية البدل في مواجهة الارتفاع الرهيب في الأسعار.
أكد أبو العزم أن الدولة تحملت 160 مليون جنيه خلال عام 2007 لتمويل حافز التطوير والمكافآت وبدل الوجبة الغذائية وزيادة تسعيرة الانتاج.
كما أوضح أن ما تم صرفه علي قطاع الغزل والنسيج بلغ أكثر من 11 مليار جنيه منها 8 مليارات لتسديد 75% من ديون الشركات، و3.2 مليار جنيه من صندوق إعادة الهيكلة للإصلاح المالي والعمالي وتمويل العجز.
وطالب بإعادة النظر في نسبة هالك الأقمشة المستوردة التي تصنع ثم يعاد تصديرها، وقال ان هذه النسبة مرتفعة بشكل يسمح بتهريبها.
وأكد أبو العزم في تصريحات لجريدة الوفد التزام الشركة القابضة للغزل والنسيج بما تم الاتفاق عليه مع عمال الغزل والنسيج.
حملة على الانترنت تدعو المصريين إلى الاضراب يوم 6 ابريل
وكانت حملة على شبكة الانترنت قد تزايد في الايام الاخيرة تدعو المصريين إلى الاضراب يوم 6 ابريل المقبل.
وقام عدد كبير من الشباب من خلال البريد الإلكتروني بحشد الناس للمشاركة في الإضراب الذي ستشترك فيه جميع القوي الوطنية لمساندة عمال المحلة في إضرابهم خلال اليوم نفسه.
الدعوة يتم توجيهها تحت شعار يوم 6 أبريل يوم العصيان المدني.. مصر كلها مش هتخرج من بيتها.
وقسم الشباب دعوتهم للمشاركة في إضراب 6 أبريل إلى قسمين "عايزين" و"مش عايزين".
وشمل قسم "عايزين" شعارات عايزين تعليم لأولادنا، عايزين مواصلات آدمية، عايزين مستشفيات تعالجنا، عايزين دواء لأطفالنا، عايزين قضاء منصف، عايزين أمن وأمان، عايزين حرية وكرامة، عايزين شقق وعرسان.
أما قسم "مش عايزين" فشمل: مش عايزين رفع أسعار، مش عايزين محسوبية، مش عايزين ضباط بلطجية، مش عايزين تعذيب في الأقسام، مش عايزين إتاوات، مش عايزين فساد، مش عايزين رشاوي، مش عايزين اعتقالات، مش عايزين تلفيق قضايا.
وقالت جريدة الدستور في عددها الصادر الاثنين ان أجهزة الامن وضعت خطة لاعتقال عدد من الناشطين في جماعة الاخوان المسلمين وحركة كفاية وذلك قبل الاضراب الذي ينوي عمال المحلة تنظيمه يوم 6 ابريل ويدعون المصريين جميعا للمشاركة فيه.
وكانت كفاية قد ذكرت انها تنوي تنظيم عدد من المظاهرات في عدة مدن بالتوازي مع الاضراب.
الحكومة تؤكد حل مشكلة الخبز خلال الثلاثة أسابيع القادمة 3/31/2008 3:56:00 PM
http://productnews.link.net/AFP/engl...lt-512x342.jpg
تأكيدات حكومية بحل مشكلة الخبز خلال الثلاثة أسابيع القادمة
بنها - أكد اللواء محمد عبد السلام المحجوب وزير التنمية المحلية أن مشكلة الخبز بالمحافظات فى طريقها للحل خلال الأسابيع الثلاثة القادمة.
كما أكد على أن الرئيس حسنى مبارك يتابع بنفسه الموقف فى المحافظات منذ أن أعطى توجيهاته للحكومة بحل الأزمة.
وأوضح المحجوب أن رئيس الحكومة يعرض تقريرا أسبوعيا عن حالة الخبز بالمحافظات على الرئيس مبارك منوها بأن الدولة خصصت 4 مليارات جنيه كزيادة فى دعم رغيف الخبز حتى يظل سعره 5 قروش فقط لأن الرئيس حريص كل الحرص على محدودى الدخل.
وشدد وزير التنمية المحلية على استمرار الحكومة فى دعم الخبز تحت أى ظرف من الظروف ولا نية مطلقا فى رفع أسعاره .. موضحا أن توجيهات الرئيس محددة للحكومة لضبط الأسعار ورعاية البسطاء.
جاء ذلك خلال الجولة التى قام بها وزير التنمية المحلية الإثنين يرافقه المستشار عدلى حسين محافظ القليوبية لتفقد عدد من المخابز بمدينة قليوب للاستفسار عن مدى توافر الخبز للمواطنين حيث سأل المواطنين عن حالة الخبز بعد الإجراءات التى اتخذتها المحافظة خلال الأيام الماضية.
وأكد سكان المدينة للوزير نجاح التجربة فى توفير الخبز والحد من الطوابير وأن الوضع حاليا أفضل من ذى قبل، حسبما ذكرت وكالة انباء الشرق الاوسط.
وقال المحجوب أنه تم منح الصلاحيات الكاملة للمحافظين وفق تعليمات الرئيس لحل المشكلة وفق ظروف كل محافظة .. مشيرا إلى أن التجربة التى تنجح فى إحدى المحافظات ليس بالضرورة نجاحها فى محافظة أخرى.
وأضاف أن النائب العام اتخذ إجراءات مشددة ضد مهربى الدقيق، والحكومة من جانبها ستواجه بقوة هذه المافيا لأنها تتاجر بقوت الشعب .. مؤكدا أن جهاز الكسب غير المشروع سوف يتحرك هو الآخر فى هذا الإتجاه.
من جانبه ، قال المستشار عدلى حسين محافظ القليوبية إنه تم تطبيق فصل الإنتاج عن التوزيع فى 1400 مخبز على مستوى المحافظة حيث يتم تعبئة الخبز فى أكياس بعد تهويته وطرحه للبيع على المواطنين.
ونوه المحافظ بأن أجهزة التموين تتسلم من كل صاحب مخبز ألف رغيف عن كل جوال بهدف وقف تهريب الدقيق وتضييق الخناق على أصحاب المخابز.
وأشار إلى أنه تم حتى الآن إلغاء عقود 60 مخبزا من ذوى السمعة السيئة، وسوف يتم خلال الفترة القادمة مشاركة عدد كبير من شباب الخريجين فى توزيع الخبز من خلال منافذ البيع.
من جهة أخرى شنت إدارة مباحث التموين بمديرية أمن الجيزة حملة موسعة بدوائر أقسام ومراكز شرطة المديرية لضبط حركة الأسواق ، وأسفرت عن ضبط 5ر21 طن دقيق بلدى مدعم إستخراج 82% قبل ترويجه بالسوق السوداء بالجيزة.
وإستهدفت الحملة تكثيف الجهود ومداومة المرور على المخابز وضبط الدقيق البلدي المدعم من قبل الدولة، والذين بتلاعبون بقوت الشعب بالإستيلاء على سلعة الدقيق البلدي من أماكن صرفه بغرض الإتجار به في السوق السوداء لتحقيق مكاسب غير مشروعة دون النظر الى البعد الإجتماعي والإقتصادي لنشاطهم الإجرامي المؤثم.
وأسفرت جهود الحملة التي أشرف عليها اللواء محسن حفظي مساعد وزير الداخلية مدير أمن الجيزة وقادها اللواء فاروق لاشين مدير الإدارة العامة لمباحث الجيزة عن ضبط 27 قضية ضبط فيهم 32 متهما بحوزتهم 5ر21 طن دقيق بلدى مدعم إستخراج 82% و935 كيلو جراما نخالة دقيق ، فضلا عن ماكينتى نخالة وماكينة خياطة أجولة الدقيق.
وقد تم إتخاذ كافة الإجراءات القانونية اللازمة حيال الأشخاص المضبوطين، وأخطرت النيابة العامة لمباشرة التحقيقات.
وفي سياق متصل أعلن المستشار د.أحمد شوقي الشلقاني مساعد وزير العدل لشئون الكسب غير المشروع أنه طلب من وزارة التضامن الاجتماعي ومباحث التموين والقابضة للمطاحن والمخابز بيانات بأسماء الشركات والأشخاص الذين يتسلمون حصصا من الدقيق المدعوم وذلك لإلزامهم بتقديم إقرارات ذمة مالية باعتبارهم خاضعين لقانون الكسب غير المشروع.
وسيتم فحص الإقرارات وإجراءات التحريات عن ممتلكاتهم وثرواتهم الناجمة عن التلاعب والإتجار في السوق السوداء.
وأشار إلي أنه سيتم التحقيق مع هؤلاء وفي حا لة إذا ما أثبت التحقيق وجود ثروات حققوها بطريقة غير مشروعة فسيتم إحالتهم لمحكمة الجنايات بتهمة الكسب غير المشروع.
وأصدر د.علي مصيلحي وزير التضامن الاجتماعي قرارا بإلزام أصحاب المخابز الطباقي ببيع الرغيف وزن 140 جراما. قطر 33 سنتيمترا بسعر 20 قرشا وعدم إنتاج الرغيف المسعر بعشرة قروش.
لا تعليق........................................ .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .......
بقرة حاحا
ناح النواح و النواحة
على بقرة حاحا النطاحة
و البقرة حلوب
حاحا
تحلب قنطار
حاحا
لكن مسلوب
حاحا
من أهل الدار
حاحا
و الدار بصحاب
حاحا
و احداشرباب
حاحا
غير السراديب
حاحا
و جحور الديب
حاحا
و بيبان الدار
حاحا
واقفين زنهار
حاحا
و يوم معلوم
حاحا
عملوها الروم
حاحا
زقوا الترباس
حاحا
هربوا الحراس
حاحا
دخلوا الخوجات
حاحا
شفطوا اللبنات
حاحا
و البقرة تنادي
حاحا
و تقول يا ولادي
حاحا
و ولاد الشوم
حاحا
رايحين ف النوم
حاحا
البقرة انقهرت
حاحا
ف القهر انصهرت
حاحا
وقعت ف البير
حاحا
سألوا النواطير
حاحا
طب وقعت ليه
حاحا
وقعت م الخوف
حاحا
و الخوف ييجي ليه
حاحا
من عدم الشوف
حاحا
وقعت م الجوع
و من الراحة
البقرة السمرة النطاحة
ناحت مواويل النواحة
على حاحا
الموضوع ده وصل حتى عندنا هنا فى السعودية الشعب السعودى كان زعلان عشان نسبة الزيادة فى المرتبات كانت 30% بس لهم عشان ارتفاع الاسعار ربنا يكون فى عون الشعب المصرى
و دي مش ميزة دي كارثةاقتباس:
أحد الضباط بالقوات المسلحه يعلن إنه ومجموعته لن يعطوا أوامر للعساكر بتنفيذ أي شيئ هذا اليوم ، وأثني ثناءا علي هذه الدعوه الجيده .
واعتقد ان الموضوع مش حقيقي
لان ده مفيهوش هزار
ربنا يستر و اليوم ده يعدي على خير ... انا شايف ان الناس في كل مكان بيتكلموا على اليوم ده ... من ابسط فئات الشعب (العامل البسيط) الي اعلى المستويات الاجتماعية (دكاترة ومهندسين)
نتائج الإضراب بدأت تظهر من قبل ما يبتدى أصلاً ........ سمعت إن الرئيس أمر برفع الجمارك عن الأرز و الزيت و الأسمنت الأبيض و الحديد .... ده غير كل يوم على قناة النيل و فى البيت بيتك .. يجى وزير و يقعد يقول الخطوات اللى بيعملوها عشان الغلاء.
فواضح إن الموضوع هيبقى مؤثر فعلاً
و متخافش يا أستاذ شريف .... الإضراب ده سلمى ...... ممكن تحصل شوية مظاهرات صغيرة لكن مأظنش إن هيبقى فيه ضرر منها ..... إلا لو فى أطراف إستغلت الموضوع ده لأهداف تانية.
هو بس إحنا يمكن قلقانين شوية لأنه أول مرة فى مصر و يكون على مستوى الشعب كله.
الحكومة الان تعمل جاهدة لاجهاض اي شئ ممكن يتعمل في هذا اليوم .. و بدأت المصالح الحكومية بالفعل في اتخاذ اجراءات استباقية لمواجهة الاضراب علي مستوي كافة المسنويات الوظيفية .. من خلال التهديد و الوعيد بالفصل و توقيع الجزاءات و النقل ..الخ .. لمن يتغيب عن العمل في هذا اليوم بالذات ..بالاضافة للتصريحات المتكررة ذات اللهجة التهديدية لوزير الداخلية بالتعامل بحزم مع كل من يفكر في تكدير الصفو العام و اثارة الرأي و الفتن !!!
لذلك يتوقع البعض ان يكون اضرابا ضعيفا او باهتا .. و وسائل الاعلام بالطبع ستدعم ذلك .. و حتقول ان مفيش اي حاجة حصلت و الدنيا زي الفل و الناس كلها راحت الشغل النهاردة بالذات .. بالظبط زي ما عملوا ساعو الاضراب بتاع هيئات التدريس بالجامعات .
اعتقد ان شعبنا لسه بيتعلم مفهوم الاضرابات و المطالبة بالحقوق .. يمكن تكون الخطوات الاولي ضعيفة شوية لكنها بداية جيدة جدا .
تقريبا كدة هاتكون كدبة ابريل صح
يا ريت تبصوا علي اللينك ده
http://www.almesryoon.com/ShowDetail...D=46831&Page=1
المقال بتاع جريدة المصريون ده - اللي حاطه استاذ حسن خليل - موتني من الضحك
فعلا شر البلية ما يضحك
حسيت انه ناقص الحكومة تقول ... اللي مش هيروح شغله يوم الاحد الجاي هنحط السيخ المحمي في صرصور ودنه ... هههههههههههه
لو الكلام اللى فى المقال ده صحيح ....... تبقى هى دى المسخرة بعينها ..... و يبقى الحكومة دى و حزبها ميستحقوش منى صوتى فى أى إنتخابات جايه .... :mad:
لو إتأكدت من الكلام ده .... هقلب عليهم بجد ... بعد ما كنت بدافع عن الحاجات (القليلة) الكويسة اللى بيعملوها و أقول لأ لسه فيها أمل .... :(
بس عندى إستفسار ....... هو مش من حق الواحد يغيب عدد أيام معين فى السنة ..... يبقى فين المشكلة ؟ و هل الجزاءات دى صحيحة من الناحية القانونية ؟
أيوه يا أستاذ حسن ..... للأسف إديتهم صوتى .... بس مكنش فى حد تانى حاسس إنه يقدر يدير البلد أحسن منهم .... و للأسف لحد دلوقتى مفيش البديل ....... إن شاء الله قريب نلاقى حزب يشد حيله و يبقى أحسن منهم ألف مرة ...... لأن فعلاً على حسب ما سمعت قبل كده من طبيب نفسى إن السلطة لما بتطول بتولد الفساد مهما كان صاحب السلطة ده كويس ....
لأن طول ما صاحب السلطة حاسس إن كرسيه لسه فى خطر و هناك اللى هيوقفه و يقوله إنت ليه عملت كده .... هياخد باله قوى من كل قرار بياخده و كل تصرف بيتصرفه ....
عامة ..سواء كان الكلام المكتوب في المقال صحيح ام مبالغ فيه .. فان اي خطوات استباقية لعرقلة هذا الاضراب هي شئ متوقع من الحكومة .. خاصة في وقت اخر حاجة عايزة توجع دماغها بيه هو صوت الشعب و مطالبته بحقوقه المهدرة ..
لكن انا عندي استفسار .. يمكن عشان انا مش متابع اوي .. كل ما يجيلي ايميل عن الاضراب الاقي مكتوب فيه ان القوي الوطنية تدعو للاضراب .. سؤالي هو .. مين هي القوي الوطنية دي ؟؟ و هل هو حاجة منظمة فعلا فنفسنا تنفتح ليها .. و اللا مجرد دعوة و تحفيز همم .. لكن عند التنفيذ نلاقي الدنيا بطيخ ...و محدش عارف هو بيعمل ايه .. و ليه ؟؟و هل هناك مطالب محددة من هذه الخطوة .. و اللا مجرد اعلان للحكومة ان الشعب قادر..و هل التاريخ ده ( 6 ابريل ) له دلالة معينة ...
تصورو حفيدتى الصغيرة اللى عمرها 7 سنين فى اولى ابتدائى بتقولى النهاردة انا مش رايحة المدرسة يوم الاحد الجاى علشان حاجة بيسموها اضراب وسواق الاتوبيس قال مش هييجى ياخدنا !!
أنا فكرت في حاجة تانية وبلغتها لزملائي في العمل، أنا هاصوم يوم الأحد 6 أبريل احتجاجاً على ارتفاع الأسعار (على طريقة غاندي)، وسأمتنع عن شراء الرفاهيات طوال أسبوع (مافيش نسكافيه، مافيش أكل برة، مافيش عصائر ولا معلبات ولا مثلجات، مافيش مقرمشات ولارقائق) وسألتزم التقشف طوال أسبوع ينتهي الجمعة 11 أبريل.
وعاوز اكتب الجملتين دول على تي-شيرت عشان ألبسه يوم الأحد. ممكن حد يفيدني إزاي اقدر اطبع على القميص؟
بالنسبة للإخوة اللي بيسألوا عن حق الموظف في الأجازات، هناك حق المدير في رفض الإجازة لحاجة العمل (تخيل محاسب هايقدم على أجازة في آخر السنة المالية، كارثة طبعاً !!)، يعني ممكن اللي يقدم أجازة تترفض والحجة الجاهزة "حاجة العمل"