يا جماعة عايزة اتاكد من ان اسعارقطع غيار البيكانتو ارخص من i10 .. وكمان هو البدى بتاعها خفيف يعنى اى ضربة ممكن تاثر فيه
يا جماعة عايزة اتاكد من ان اسعارقطع غيار البيكانتو ارخص من i10 .. وكمان هو البدى بتاعها خفيف يعنى اى ضربة ممكن تاثر فيه
متجرب حضرتك وتبص على البروتون ساجا المانيوال ...... 1300 وشنطة ...+ اعتقد حائزة على 3 نجوم في الإتحاد الأروبي وسيارة يتم تسويقها في انجلترا كمان .. + السيارة في انتشار جيد للغاية في مصر .. وتقريبا في نفس الفئة لاسعرية بتاعت حضرتك + انه العربية مدعمة بقضبان فولاذية لتحمل الصدمات ككل سيارات بروتون .. نصيحة مني جرب وبص مش ها تخسر حاجة ..
ماهو يا استاذ سيد صاحب الموضوع علق على النقطه ديه لما قال ان كان حاجز رينو سانديرو و لغى الحجز بسبب اعادة البيع فااعتقد البروتون ساجا ينطبق عليها نفس الكلام ده ...ولا ايه راى حضرتك؟
بنسبه لراى الشخصى و انا حر فيه و يقبل الصح او الغلط انى انا مش هاسيب عربية علشان بفكر فى اعادة بيع و الكلام سيبها على الله محدش علرف فيه ايه جاى ...اشتر الى مقتنع بيه و شايفو بيناسب احتياجاتك اما الحجات المستقبلية ديه...استحالة افكر فيها :) ديه وجهة نظرى...ووجهة نظرى برضو ان فى رانج الستينات عندك الساجا ممتازة ما شاء الله هتزود شوية صغيرين عندك السانديرو و الحمد الله مبسوط منها جدا..الحاجة الوحيده الى مبحبهاش فى العربية ديه هو شكل الكونصول شكلو عجيب جدا ..كان ممكن يبقى افضل من كده كتير :)
بالنسبة لل i10 ,و البيكانتو...انا ركبت الهيونداى...جميلة ما شاء الله و رشيقة جدا بس معلومة ال ABS ديه معلومة مغلوطه تماما يا فندم
ربنا يوفقك لللاصلح ان شاء الله :)))
ahmedmohamed7
هههههههههههههههههه انا حاسس اني شايف نفسي بتكلم والله هههههههههههه اصل انا اكثر كلمتين كانو بيخلوني اتجنن وانا بشتري العربية الا وهي الكلمتين دول (سعر اعادة البيع - وسعر قطع الغيار ) واسئل ازاي .. الشعب المصري عايز يجيب عربية بـ 100 الف جنيه ويركبها 3 سنين ويجي يبيعها يبيعها بـ 98 الف جنيه :D :D طيب ازاي طيب :D :D انا شلت من دماغي خالص حتة سعر اعادة البيع نهائيا وبالمرة نهائيا عشان اشتري دماغي .. وصدقني انا من الناس اللي مؤمن بأنو اشتري العربية اللي تعجبك مهما كان سعر اعادة بيعها وقطع غيارها ها تكون سعيد بيها جدا وصدقني قطع غيار ايه يا عالم هوة اا جايب عربية زيرو عشان افكر في قطع غيار .. الموضوع منتهي ومقضي .. تحياتي ليـك للغاية يا استاذ احمد على الرد الجميل والرائع ..