صيانة بروتون ساجا 40000 كم بـ مركزعصام وصفا وشكرا لعز العرب والمنتدى الكريم
صيانة بروتون سجا 40000 كم بـ مركزعصام وصفا وشكر لعز العرب والمنتدى الكريم
السلام عليكم
الحمد لله والشكر لله
الصيانة بمركز عصام وصفا ( فول بورد )
ذهبت لعمل الصيانة بالمركز وكانت زيارة كلها مفاجآت
اولاً: مهندس الإستقبال على طول مبتسم وبشوش والأغرب إنه بيسمع كلام العميل للآخر ويشوف طلبات العميل وملاحظاته والأغرب إنك بعد لما حتخلص كلام حتلاقى مهندس الاستقبال بيقول حاول تفتكر فيه حاجة تانى
وتفضل ارتاح وحضرتك تشرب إيه .
الأغرب إنك تلاقى صاحب المكان نفسه بيشتغل بنفسه ويتابع بنفسه كل العربيات إلي فى المركز دي فيها إيه ودي فيها إيه وده خلص ولا لسه
الصيانة بتتعمل وإنت شايف العربية إيه إلي بيحصل فيها
أغرب حاجة كانت ان فيه مركز فى مصر بيعمل حاجه من نفسه من غير طلب العميل مثال قامو بفك الطنابير الخلفية وتنظيفهم تنظيف المحرك وغسيله ربط العفشة غسيل السيارة ضبط ضغط الاطارات مراجعة الدائرة الكهربية تركيب مسمار ناقص تشحيم الابواب الشنطة الكبوت اللمبات الفرامل مراجعة على كل حاجة أدق التفاصيل ( إلي طلبته وزيادة وزيادة وزيادة وزيادة ) كل ده انا لسه فى حالة الدهشة والاستغراب
ووقت الحساب يأتي دور المهندس صفا طبع الكشف والفاتورة أنا كنت مصدوم أنا كنت فاكر ان الفاتورة لما تطلع هالاقي كارثة وفي الآخر الموضوع هايتحل بأني أغسل وأمسح المركز أو نروح القسم إنما لاقيت الرقم أقل مما كنت أتوقع بكتير . أنا لسة مستغرب ومندهش لسبب بسيط جدا بعد كل ده لما قلت أنا صلاح حكيم الي بكتب على المنتدى عملو خصم
ايه ده ايه الناس دى والله العظيم حسيت فعلا ان الجنيه المصرى لسه بخيره قوى قوى .( مصر بخير )
ألف شكر للمهندس هشام عز العرب لاختياره مركز عصام وصفا مركز خدمة معتمد حاجة فعلاً تشرّف
الف مليون شكر للمنتدى إلّي كان سبب معرفتي بالمركز ولـ عبد الرحمن الى شجعنى بكلامه فى المنتدى عن المركز
السادة / مركز عصام وصفا . بسم الله ماشاء الله انتم لعبتوها صح ناس محترمة اختارت ناس محترمة وشغلت ناس محترمة وان شاء الله إلى الأمام واتمنى وضع خرزة زرقاء وفتح فرع فى الاسكندرية :B4_007:
ولسة مستغرب ومندهش :O_stupid[1]:
