عرض للطباعة
يا أهل المنتدى, بجد كفاية أوى اللى بيحصل ده حوالين الأسبيرانزا, حقيقى انا مش شايف أى سبب منطقى لكل المناقشات دى, اللى راكب اى عربية ربنا يباركله فيها و اللى مش راكب أسبيرانزا أكيد مش هيحس بيها و لا يعرفها زى اللى راكبها و فى نفس الوقت مفيش داعى نضيع الألفة و المودة بيننا, ربنا يبارك لكل واحد فى عربيته و يكفينا كلنا شر أنفسنا و شر التكبر و شر العند
والله معاك حق
وجزاك الله خيراً على كلماتك
وإن كنت أؤكد على حق الجميع في التحدث والنقد بحرية ولكن بدون تجريح أو بدون اندفاع في الكلام فالأخوة والصداقة التي بيننا أهم وأقوى من أية سيارة.
يا جماعه أنا ليا رأي في الموضوع ده
اللي بيحب الاسبيرنزا يحبها واللي بيكرها يكرها وأنا مش شايف اي داعي لأن أي حد يزعل من حد عشان قال ديه عربيه حلوه أو وحشه حتى لو ما كانش جربها ديه حرية رأي وتعبير وماحدش له كلمه على حد وكل واحد يقول اللي هوه عايزه بدون غلط في حد لكن مش عشان عربيه طلعت ولا نزلت آله من ضمن الآلات يحصل كل ده وبعدين أنا بدأت بجد أحس إن الموضوع ده غريب جدا يعني اللي راكب العربية مش عايز حد يكلمه ولا يقول رأيه ليه يعني ؟ هيا مش زي أي عربية ولا إيه ؟ أقول حلوه أقول وحشه أنا حر حر حر حر حر وما حدش يمنعني أقول اللي أنا عايزه لا أنا هاقنع حد يشتريها و لا ليه نسبة لو حد غيري اشتراها كل واحد بيقول اللي في نفسه وانطباعه عنها أنا مثلا لو هيه ببلاش مش هاركبها بصرف النظر عن سعرها أو كمالياتها كفاية أوي إنها صيني ومش معنىا ملامي ده إن اللي راكبينها وحشين لأ ربنا يباركلهم فيها ويملاها بركه ويكفيهم شرها ، يعني أنا لو معايا موبايل مش عاجب حد اموت عشان أدافع عنه ؟ وأقعد أعيط عشان قالولي إنه وحش ؟ والكلام ده ينطبق على اي حاجه الواحد بيشتريها طالما اشتراها عن اقتناع هو حر حر حر وانا كمان حر تعجبني الحاجة ديه أو ماتعجبنيش أنا حر حر حر ولو قلت عليها كلمة وحشه ده مش معناه انتقاص من صاحبها انا بتكلم على جماد طلع أو نزل ده جماد فالناس أصحاب الاسبرنزا حساسيين قوي كده ليه خلي عندكوا ثقة في نفسكوا واسمع اللي بيتقال وكأنك مسمعتهوش ما يهمكش انت اشتريت بفلوسك مش بفلوس حد تاني ومش من حقك غنك تزعل من حد قال عليها وحشه هو حر يا أخي أنت هتجبره يقول حلوه ؟ هو شايفها كده وده رأيه هو حر فيه إيه اللي بيزعلكوا إحنا مابنغلطش في الشخص نفسه إحنا بنتكلم عن جماد آله ماشيه على الأرض ديه حاجه ماتزعلش وما تعملش حساسيات زي اللي كل يوم بنصطبح بيها في الموقع ده مايعيدش يوم إلا لما حد زعلان ومقموص ليه يعني ؟ أنا مثلا هاشتري لانسر 1300 خليجي كثير قالولي بلاش 1300 لأ خليها 1600 طب أنال ماعيش ثمنها غيه المشكلة يعني ؟ طب خليجي مالهاش ضمان أنا حر الناس نصحتني وخلاص أعمل اللي أنا عايزه ناس قالت صالونها عادي جدا وفاضي برضه عاجبني أنا حر ما حدش يصادر حريتي وأنا مازعلتاش من حد .
بجد كفاية حرررررررررررررررررررررررر ااااااااااااااااااااااااا اااااااااااااام .
الله يكرمك يا أستاذ إسلام بس أظن الناس أصحاب الإسبرانزا مش ناس من المريخ أو كائنات غريبة عن المجتمع المصري أو من طينة تانية , إذن المشكلة ليست في إن أصحاب الإسبرانزا حساسين زيادة ولا حاجة , المشكلة في من ينتقد الإسبرانزا وبالتأكيد لا غبار على إنتقادها وأنا بعمل كده ولو تلاحظ مشاركاتي في المنتدى بقول للإخوة أصحاب الخبرات عن أي مشكلة فيها وبتعلم منهم لكن المشكلةاقتباس:
المشاركة الأصلية كتبت بواسطة إسلام شاهين
1- أن هناك من ينتقدها بإلغاء الإسبرانزا وشطبها تماماً من قاموس العربيات هذا ما يجعل الواحد يتضايق بالفعل , إنتقدها لكن لا تلغي إنها عربية ومتحسسنيش إني جايب بسكلتة أو موتوسيكل
2- الإنتقاد يكون بإسلوب أفضل من اللي بيحصل بصراحة , مثال ممكن تقول لواحد مثلاً بيسأل في المنتدى عن مقارنة للعربية مع عربيات أخرى , ممكن تقوله أنا شايف والله إن الإسبرانزا فيها كيت وكيت ومش مناسبة في كذا وكذا أو تقول إن الموضوع محتاج مغامرة إنك تشتري ماركة حديثة لم تجرب بالشكل الكافي في البلد , لكن إنتقاد من نوعية ( صيني إيه يا عم الحج سيبك من الهباب ده - مثال من عندي ) معذرة إنتقاد مثل هذا يضايق أوي
3- أغلب من ينتقد الإسبرانزا لم يأتي في وجهة نظري بحجة مقنعة في إنتقاده أو دليل ملموس إنما يقول الناس بتقول كذا أو لم جربت العربية مرة لقيتها كذا
أخيراً أؤكد على إن الإنتقاد مكفول للجميع وأظن الناس مش مستنياني لما أقول الكلام ده , بس إنتقد بإسلوب ظريف وبحجة مقنعة وبدون شطب العربية من قاموس العربيات ووضعها في خانة عربيات الفول
والله مكونتش عايز أدخل في المواضيع دي بس محاولة لإبداء الرأي وتقريب وجهات النظر والأهم وأرجو أن تتقبلوها وتعرفوا وجهة نظر أخوكم الصغير اللي هو أنا
مع حبي وإحترامي للجميع
بصراحه ياجماعه اي شخص يقول الأسبرانزا حلوه او وحشه فهو رأي كأي رأي من الآراء التي لا توأخد بها
ولكن الذي يقول ديه حلوه عشان مواصفاتها كذا وموتورها كذا ألخ يعني يتحدث عن مميزاتها باسلوب علمي كي يبين مزاياها
او أن يتحدث شخص أخر ويقول أنها ليست جيده بسبب كذا وكذا وايضا لابد ان يكون بأسلوب علمي مدعم بحقائق
فنحن نحترم الرأي العلمي المبني علي أسس علميه سليمه ودقيقه سواء كان هذا الرأي أيجابي أو سلبي
وشكراً لكل شخص حريص علي أبداء رأيه بأسلوب علمي ودقيق وسليم