-
السلام عليكم ورحمة الله وبركاته
ازيك ا/ كريم.
اولا : عمرة مقبولة بامر الله.
ثانيا : كل سنة وانت بخير وسلامة.
كلمتك النهاردة وكان الموبايل غير متاح فكلمت شريكك بشمهندس احمد.واتفقت معاه على بكرة بامر الله عشان مقايسة اكصدام للتامين ونبص على اسعار الاكصدام الجديد.
بس كنت محتاج اعرف تكلفة المصنعية ممكن تتكلف فى حدود كام من اول فك الاكصدام القديم لحد تركيب الاكصدام الجديد مع رشه طبعا.وتاخد وقت اد ايه تقريبا.
ومعلش اخر سوال : لو جاى من التجمع وطلعت دائرى الاسكندرية الزراعى اعمل ايه بعد كده ولا اسهل اجى من ناحية السندباد ؟
مشكور.
-
السلام عليكم ورحمة الله وبركاته
مشكور ا / كريم و احمد قدورة والصنايعية المتميزين على الشغل الجميل.
طبعا بعد ما اتفاجئت بسعر الاكصدام الجديد فكان الاصلح ليا اننى اصلح القديم وارشه وقد كان واتفقت مع قدورة على الفك والتركيب واللحام والرش وكله والتكلفة كانت 250 جنيه شاملة كل اللى فات .
الوقت : يومين من الساعة 12 ض لحد 6 م
الصنايعية مريحين وشغلهم ممتاز .
ظبط اللون : حاسس بفرق بسيط فى الشمس (الاكصدام اغمق).
التقفيل : ممتاز
المعاملة : فوق الممتازة واحترام جميل وامانة.
المحصلة : شغل رائع وارخص واحسن من اللى كنت بتعامل معاه.
مشكورين.
-
كريم باشا انا هعدل البي ام بتعتي انشاء الله خارجيا
و هروح لبسام يوم الخميس و انشاء الله هعدي علي ورشة نايل موتورز
علشان اشوف اسعار رش الفايبر للهيعملو بسام كام - هو مفيش خصم للعضاء ;)
و الي الامام و الف مليون مبروك يا باشا
-
ايمن باشا نورتنا معلش لسه راجع من العمرة والحمد لله ان الشغل عجبك
شيكو تنورنا ان شاء الله
-
-
حمد لله على السلامة وعمرة مقبولة بامر الله.
-
و الله يا كريم انا عايز اشتكيلك
انا روحت لبسام علشان يعملي اكصدامين و عتبتين قالي 2200 جنيه
و بعدين دخلت ورشة نايل موتورز علشان يقولولي هرش الاجزاء بكام احمد قالي 750 جنيه
بصراحة انا ميزانيتي متكفيش الفلوس ديه - و كمان مستغلي الشغل شويتين
انا سالت برة واحد بتاع فيبر قالي 800 جنيه
وواحد بتاع دوكو قالي 400 جنيه الرش
ارجو الافادة منك و عمرة مقبولة انشاء الله
-
والله يا شيكو شغل الفيبر ده ممكن تعمل العتبتين ب 100 جنيه
وممكن تعملهم ب 600 جنيه
يفرق الخامة والمصنعية وتقفيل الشغل
تقدر تروح لواحد رخيص
بس ماتزعلش لما يتكسر منك في مطب وشكله يبوظ العربية
محدش بيكسب المبلغ ده كله ده فرق خامات وصنعة
نفس الكلام عندنا
ممكن ارشهوملك ب 400 جنيه
بس رش يزعل
ماينفعش يخرج من ورشة نايل موتورز
ولو حد جالي قاللي اعمل شغل نص نص
هاقوله مقدرش لانه في الاخر خارج من ورشة نايل موتورز
معلش لو ناوي تعمل شغل تقضية واجب مش هاينفع عندنا
عشان انا محافظ جدا على الاسم والسمعة اللي عملتهم بفضل الله
عقبال عمرتك ان شاء الله وخللي الشغل كله علينا ولا يهمك
-
السلام عليكم
انا عطو جديد وحبيت اقولك مبروك وجزاك الله عنا خيرا ... أنا بقولك كدة لهدفك من المشروح أن الناس اللى معندهاش خبرة مع التعامل مع الصنايعية ميتعملش عليها شغل ..
-
الف مبروك عالعمرة والورشة يا كريم باشا.... الواحد كان زمان نفسه فعلا يروح ورشة من الاخر يسيب عربيته وهو مطمن عالشغل والمصنعية لانى انا شخصيا نفسى اظبط عربيتى ومتردد اعملها لانى معنديش خبرة فى التعامل مع الصنايعيةقبل كده....
بالطريقة دى اول ما اظبط الماديات هجيلك بدون تفكير ان شاء الله.... شكرا
Content Relevant URLs by
vBSEO 3.6.0 PL2